第二日我地book左個司機載我地去九份，其實都無點study過要去d咩地方，大約知道想去九份老街，平溪放天燈，又聽聞過拍《那些年》的菁桐車站等。
司機王大哥10點10分準時到酒店接我地，都唔駛我地講佢已經話呢日會帶我地去呢度，呢度，呢度等，已經plan好晒行程，我地索性任佢發揮，唔駛煩！
沿途見到一些景點都主動停車叫我地去睇同影相
本來影下海岸，點知有人開檔妹妮又有幫襯
路經另一個亭又影下相，原來呢度係野柳地質公園範圍，海岸的石頭都被風沙侵食到滑嘟嘟
海邊岩石都有不同形狀
王大哥話呢度係婚紗相熱門景點呀
而家企既地方就好平滑，但唔會跣腳
妹妮話好似去左木星喎
我地係呢度都影左好多相呀
無聊下又影下我地個影
地下的橫紋都幾特別，平時我地係香港都好少有機會去睇下石頭，呢日就有機會了
跟住我地再去地質公園參觀
呢度就係出名既女皇頭了，後面呢個係複製品，因為真既女皇頭就快要斷，所以做一個翻版比遊客影相
原來行出去就見到好多天然可了，全部都奇形怪狀架！！
呢個就係正版女皇頭了！見到有條長隊要埋去影相，而且好大風，於是我地放棄了，影張相算吧
其實仲有好多特色石頭，但係大風關係，我地都無逐個搵出來
坦白講無人在附近既女皇頭影相又真係幾靚既！但而家圍住咁多人。。。
除左石頭，地下都侵食到一個個洞，裝滿水好得意呢！
爸B嫌大風有d吹到頭暈
仲有金錢豹添
離開公園出面有個賣手信的小商店街
差不多一點了，王大哥帶我們去了附近午飯，爸B邀請佢一齊食。王大哥行健談，所有話題都可以講一餐，不過呢一餐唔算貴又幾好味！
呢隻雞d皮係爽既，即係平時睇烹飪節目要浸冰水令雞皮爽口果d
飯後去到一個叫水簾洞既地方，王大哥話係以前日本統治年代一個鍊銅同鋼既地方，現在海面仍有很多銅等礦物，導至海面呈陰陽兩色。山上面就係以前既鍊銅廠了
山上突然開始大霧了
我地上山就可以清楚見到海面係兩截色了
呢座以前都係銅廠之一
山上有3條呢d煙通，據說係當年日人想把廢氣排上山頂，減小污染
而附近好多石頭都變成黃色添
去到瀑㳍了
跟住再到一個廟。。。其實都唔知叫咩廟呀
只知去到見到呢個銅象，話有兩頓重
附近有櫻花又比我地落車影下相
剛剛我地就從呢條9曲13彎駛上來，原來呢個係拍《頭文字D》既景點之一，的確有好多灣呀！
之後我地到達"黃金博物館"
呢度好多日式建築，可以參觀舊時日式住宅間隔
我地行去到去一個咖啡室，呢個地方都幾靚，但係未見到有咩黃金特色
見地圖原來地方好大，我地只係參觀左部份就算。。。因為見有一條上山長石梯，妹妮話唔想'登高'
以前掏金係就從一堆沙入面慢慢洗出黎架
閘口有日本油紙遮借來影相呀
以前金礦車呀
去完黃金博物館，我地終於去九份了！！其實成個行程，我地淨係識九份同平溪咋。 第一次到九份，成條術都係賣手信同小食，但係同印象中平時睇相果d好似唔同樣既？
第一試係花生雪糕，因為妹妮一直都話想食雪糕，但係佢又唔鐘意食花生，不過呢款係用花生糖磨d花生碎用卷埋雪糕
雪糕都未食完就去左食豆腐角
鋪入面都幾懷舊架
跟住行過呢間賣陶磁笛，呢位師傳仲係度替d笛上緊漆
全部手繪都幾靚架，雖然得幾個孔，但係都吹到生日歌架！
妹妮都揀左隻簡單既鴨仔，本來想買貓仔，可怕貓仔得番大隻無迷你啦
未完成的迷你貓仔，好cute架
其實九份有d似赤柱既遊客街
原來行晒條街轉個灣先係平時見雜誌影相好多燈籠掛出黎果度，聽聞《千與千尋》卡通入面既街就係原自呢度架，的確好有特色好靚呀
由下影上去先靚，可惜我地爸B對攝影攞影亳無觸角，居然叫我地企埋牆邊影，都睇唔到後面燈籠高掛既效果
之後去到平溪，已經天黑了。最近見人post相多係日間放天燈，呢日我地就夜晚放，王大哥話夜晚放先最睇到天燈上左天既效果。我地隨便入一間天燈店買左個天燈（約NT$200)，於是就猛寫願望，叫妹妮盡情寫自己心中想既野，唔一定係拜年賀詞架，佢就寫左想做皇后 T＿T
小朋友都係好簡單，想去下迪士尼，最sweet係祝爸媽工作順利啦
寫寫下天燈出面突然有火車行過呀，所有係路軌寫天燈都要暫時讓路，等火車經過後再搬回再寫，好彩火車半小時先有一班
我地都寫好了，準備放天燈了！多得店員好體貼幫我地揸機影相，仲影晒4面！
影晒相，放手了！天燈升上，希望天公收到我地既祝願啦！
雖然天都黑晒，其實當時只係6:30咋！我地回程了，出返市區去爸B平時公幹去開既日本餐廳晚飯。
爸B極力推介呢碗四寶魚生飯，有toro，海膽，三文魚籽同火灸白身魚（味道有d似銀雪魚），又真係好好味呀！妹妮食左兩碗，都係約HK＄60/碗
另外呢個燒明太子唯山先正，唯山本身無咩味，但係明太子好甜，一齊食都好好味
飯後去左年宵市場，爸B話呢度氣紛好過香港好多！呢晚真係好多人呀，仲好迫添
又係雪糕時間！
呢日雖然坐車多，但係玩左成日都攰攰地，於是我地行左一半就返屋企了
