大家姐

好友Wendy生左BB，但係一直好忙，又飛左去旅行一直都未有機會去探BB。呢日妹妮學校旅行翌日放假，於是帶埋妹妮一齊去探B。其實因為妹妮超鐘意BB，所以有機會探B一定要帶埋佢去啦！

我地一早去到，食左個tea先上樓，同妹妮去左食雪糕

第一次見Josette，佢啱啱兩個月大！

雖然兩個月大，但係好大隻又好硬淨，哥哥細個時好軟好細隻，兩兄妹居然咁唔同

妹妮見到BB開心呀！佢母愛爆棚，平時係屋企成日同我玩role play，但係我扮妹妹，佢扮姐姐！

我地同小Josette影下相先！

叫埋哥哥一齊影啦！

但係哥哥不繼用腳擦妹妮對襪，唔通對襪d心心好好𢱑？

妹妮大姐姐上身，好願意抱住BB唔放呀

唔知BB舒唔舒服呢？

Wendy EE話妹妮都抱得幾好，如果湊到BB瞓著就請佢做babysitter

妹妮都唔知咩叫babysitter，知到係保母後好落意去做呀！

點知摸下摸下真係摸到BB瞓著覺豬呀！！可以做babysitter了！！Wendy EE話妹妮第時放學就可以過黎返工，湊BB同看住哥哥做功課，但係無人工架，請佢食飯就當人工啦。妹妮欣然接受，好搞笑

繼續比手機拍拍BB心口

BB瞓左，妹妮去看住JJ做功課，但係看看下另個黎問： 咁我點上興趣班呀？校車唔會黎呢度噃。佢真係plan緊第時放學點過黎湊BB，真係好好笑！

呢日只係坐左一陣就走了，希望好快再有機會去探下BB啦

兩母女之迷。。。來自星星的你，FROZEN

媽me最近迷上煲韓劇呀，大熱既'來自星星的你'真係好好睇呀！初初睇時主要係想睇下全知賢，因為聽聞佢係劇入面做大明星，靚衫靚景，連帶用過既商品都即時變得超人氣！但係睇睇下套劇好搞笑，全知賢做自大又低B既女星做得好出色，金秀賢既cool氣質都好有神隨，之前見朋友facebook status話睇幾次頂癮（因韓國都係同步播緊，要等成個星期至有最新一集），而家明白了！

有網有好勁仲將所有全知賢既全身打扮解構晒，不得不佩服呀！

http://mp.weixin.qq.com/s?__biz=MjM5NjA0MDM5MQ%3D%3D&mid=200073527&idx=1&sn=1ab3ef97402f3d27cc0d783c8997dbf5&scene=2&from=timeline&isappinstalled=0#rd

而同一時間，妹妮就好迷Frozen, 之前同佢去戲院睇時，佢已經話係咁多套公主故事之中最喜歡一套。但係跟住佢差不多日日要我地播主題曲比佢睇。。。而家睇到背埋首歌潻, 仲要有埋手勢同動作，跟足個電影入面個MV架！！

孖妹行花市

新年前個weekend，我地約左Sana去行花市，因為呢日唔行好似都無咩時間可以去到了。約埋一齊食lunch，兩個一見面就糖黐豆一樣架！

係新世紀食完晏行過雀仔街，兩個嚷住要入去睇下。呢度好多鸚鵡架，兩個睇得好開心，又猛同鸚鵡講hello！

行入d有呢隻叫小白，原來好出名架， Sana話成日黎探佢架！雖然望落去就咁白色無其他鸚鵡咁七彩，但係一豎起個冠又幾威武噃

妹妮同Sana 好鐘意小白，本來佢呢日係閉關架，但老板知道我地專程黎探小白至從籠裏拎佢出黎。

仲可以摸下潻！

睇完雀仔終於去到花市了，我地年年都係行旺角花市，貪呢度無咁迫。成日睇電視都話維園好迫好多人，行都行唔到。我地想買下花無理由去迫啫！兩個一黎到已鎖定目標要買氣球，一入場即刻一人買左一隻

咪就係d狗狗氣球囉！其實係比係拖住行好似放狗一樣，點知佢地跑到飛天！

其實乾貨都無咩好買，成日都係d吹氣公仔，咕𠱸。兩個女仔已經拖住一隻狗，又話要買伴旅比隻狗，行入d又多d款！好彩無扭計，都係睇下就算

Sana 揸住隻醒獅要成＄138，好貴呀！

最後都成功帶佢地陪我地行下花市，睇下花。我地兩個媽me都買到花

買完花就梗係去掃街啦，雖然呢d燒賣魚蛋成日有得食，但係行花市好似必定要幫襯下至安樂

雖然行左一陣，不經不覺都搞左成大半日了！

妹妮星期二學校有華服日開party，而家小學好小好似幼稚園咁有呢d costume party，所以都要支持一下，專登去買套華服比妹妮。妹妮仲指定要插朵玫瑰做頭飾！不過頂玫瑰係表弟係人地d花藍抽出黎送比妹妮既，妹妮一拎住朵花已經有idea話要做頭飾，仲吩咐yaya要keep好朵花！

妹妮猛話見華服好靚好鐘意，擺幾個甫士黎睇下，真係幾難頂！

返到學校好多同學都望住佢朵花，我地見到佢比人掹走左自己嘗試插番入條辮但插極都插唔到個樣好'掹'，於是叫阿姐幫手叫妹妮出黎幫佢插咋，但都預左一陣又會有同學仔多手掹走佢 

放學番黎妹妮幫手洗緊菜呀，好乖呢！問佢朵花有無再比人掹走呀？佢話有呀，不過都拎左返屋企。仲有因為帶左呢朵花，有同學叫佢做玫瑰小姐潻 ！

年初四 山頂行大運

年初四，因為尋日晏左搭唔到纜車，爸B堅持今日再試。於是呢日8點半就出門搭巴士再去多次。。。好眼瞓呀！

去到纜車站時9點正，果然無咩人噃！

快d排隊買飛先

對上一次搭纜車都好似有兩年多前了，咁耐無搭又有番d新鮮感

而家仲多左李超人臘像棟左係度

妹妮自己攞埋地圖睇餐飽

究竟係咪識睇架 ？做咩扁晒咀既？

纜車埋站了！！

開車喇！雖然已經坐過，但係都仲有小小興𡚒

香港既landscape真係好靚，最斜既一段好似話有成45度角咁斜架！

我地都好似遊客一樣猛影相，又自拍。唔知點解今日妹妮咁有mood揀左個公主皇冠出巡呢？

嘩，真係自拍左好多相呀！全年影得最多全家幅可能係呢日呀！＾O＾

到站了，記得上次黎去左食forest gum，呢日黎到只係9:30, 好多鋪仲未開門呀！

所以我地都係慢慢hea住行下，影下相囉 

呢日以為好似尋日咁熱，都無著外套，點知係山頂天氣又涼涼地，好彩妹妮有件fur頂住。食左早餐暖下肚先！去左翠華，只有新年餐3款咋

食左早餐飲埋熱飲好似暖番d

出發行大運！我地圍繞附近小徑兜左個圈，香港既景色無疑係靚，難怪山頂d屋咁唔方便都貴過人啦！

上到黎又影餐飽！

呢度係遊客勝地，呢日都有團老外旅行團黎觀光

又的確係香港既一大景點，未見過呢個景點可以話黎過香港呢！

跟住有老外團友見我地影相，仲主動幫我地影全家幅潻！

我地繼續兜大圈行大運，其實當晨運咁行下都幾舒服

突然爸B忍者上身，學人飛蟬走壁

妹妮又學埋一份，但梗係牆都無掂到就咁跳起就當係 ：DDDD

再來都係一樣！笑死！

行到呢度只有我地，周圍無人，好寧靜呀。加上有d陽光又暖番d, 真係幾爽！

兜左個大圈要行番斜路上去，妹妮行到氣呵氣喘

睇黎都真係要操下佢d體能至得！

返到商場開始多遊人了

上去呢架懷舊車度參觀下

點知妹妮企左係counter到好耐都唔願郁

原來個吹風機吹住個pat pat好舒服 -_-

影多一陣相我地就去食野了，其實都未肚餓，不過已經行得七七八八，唔食野又無其他地方再去了

今次去左呢間，成日黎山頂都經過，但印象中好似好耐好耐以前食過一次咋

個入口都好有新年氣紛，佈滿晒桃花裝飾

唔知點解見到呢個佈置覺得好有情人節feel，但相信情人節我地都唔會咁有興緻再黎，好彩而家食左一次

坐左出黎室外，真係好有大地回春，鳥雨花香既感覺呀！

加上周圍都加左桃花/櫻花裝飾，好靚呀

呢個外園同印象中N年前黎已經唔同晒了，而家無以前咁雍雅山房feel，有d石屎牆好似modern左

又唔知爸B有咩比妹妮睇呢？

自拍全家幅

因為未落隔所以叫左小小野食，主要比妹妮食，我地飲下野

其實呢度好多野食選擇架，中，西，東南亞菜式都有。仲有生蠔，海鮮拼盤， 据扒，BBQ都有，真係想食咩都可以叫，可惜真係食唔落，我同爸B叫左個fish and chip算了

妹妮自己就叫左兒童餐既磨菇湯同pizza

妹妮話個pizza都幾好食，呢d細細個唔駛一味叫大大碟食唔晒

妹妮個餐牌畫到花面貓一樣

爸B係後面畫左侵獅子，妹妮仲扮老師比分。。。寫埋good job潻 －＿－

食飽了，埋去欄邊影多張相就走人了

原來桃花下面有個財神潻呀

又係時候返歸了，玩左成個朝早，回程搭車時已經開始人多了，要排成差不多半個鐘隊至上到車。但係呢個節目安排都幾開心，呢日好enjoyable呀！