上星期五晚唔知係咪因為天氣驟降吹親，星期六一早起身已經個胃頂住晒想嘔，再食粒感冒藥後瞓完都唔好。同爸B一齊赴約同朋友食完lunch都返屋企瞓覺，開始發燒潻，妹妮摸完我都話熱辣辣呀。星期六成晚周身痛咁瞓，妹妮一起身就話：媽咪尋晚我摸你塊臉好熱架，而家唔熱喇。瞓左咁耐係好番D，又唔想嘥左日假期呆在家中，於是同上星期已約好既EE一齊去西貢行下囉
我地去彩虹搭小巴入西貢，諗諗下好耐無同妹妮去過西貢了！本來今日係想約EE食晏算了，不過佢提議入西貢又好似幾好噃，起碼無去商場飲茶咁‘行’先。
去到西貢碼頭，D海鮮好新鮮呀！不過妹妮話事話想食意粉噃，所以無食海鮮呀
得個睇字咋
但係入黎西貢行下，吸下新鮮空氣，好似係舒服D. 妹妮最鐘意就係'飛飛'
連茶樓D魚缸都大到好似水簇館一樣！！
D魚一樣好大，究竟有無人叫黎食架？
可能起身早，其實中午妹妮已經開始無咩電架喇，行行下又話眼瞓，又要抱抱，EE仗儀幫手揹下
點知佢又唔攬實EE膊頭，反而攬住我，攪到我地三個繞埋晒一堆！
行左一陣加上大家都攰，便去搵食
求其坐低係一間有意粉食既，但係其他又唔係好啱胃口
於是轉戰Anthony's Ranch，好有印第安feel
buffalo wings
妹妮stawberry smoothie
食物都好home made feel 架, 爸b仲話似足yayagigi整既味一樣潻!
妹妮畫完張墊枱紙仲當係望遠鏡, 一物二用!
呢日餐廳唔迫人， 我地hea左好耐，真係好休閒架。好似去左渡假一樣呀！
食飽飽再去碼頭行下, 見到好多人圍住隻大狗, 真係好大隻呀! 妹妮都唔敢行埋去呀
爸b幫佢壯下膽先行近D咋
終於敢摸下，隻狗好乖噃, 個主人都好似當做騷一樣任你影相同摸佢隻狗。可能因為咁大隻，都慣左出街有人望呱？
碼頭附近仲有d人扮銅像, 比$可以影架喇!
你估兩個做緊咩? 踩住對方個影呀!
EE買左吹波波比妹妮玩
玩左一陣足波波我地行過見到有個外籍人仕扭波波呀，隻3眼仔要成＄50架！
平時去親party，商場，就算ocean park都有免費波波攞，可能妹妮以為人地會扭個比佢都唔定呀！ 不過梗係唔會啦
我地打算去搭下船，不過唔係呢個碼頭噃
係呢度呀，搭街渡去島仔呀
今次去橋咀島！其實媽me咁大個人都未去過橋咀島架。淨係記得成日都有人話有小型賽車玩架
＄20／位，細路仲免費，當遊船河都唔錯噃
因為海風好大呀，好在我地個個件外套都有頂帽笠住咋，吹到頭暈呀。
到喇到喇！都好似好多人噃。得個沙灘咋，都無晒小型賽車了 。
叫妹妮影相，唔知點解會自動擺甫士架
又叉腰又扭腰，好難頂呀
其實上到個灘都無咩做架，又拎番樣波波黎玩吓
D風大到都唔駛揮動支捧D波波都自動吹晒出黎呀
我地打算行過對面個小島，雖然行到過去都無咩睇，但係一場黎到，參觀下囉
一直都係石路黎架
行到對面原來係個地質公園黎架，不過我地無再行了
坐係石頭唞下算了
如果水漲，條路就會被海水冚過晒架
今日呢度都好多人， 仲有自遊行同本地旅行團潻
妹妮又黎擺甫士
呢幅隊左個pat pat出黎仲搞笑
仲有橋咀島名物。。。菠蘿包石頭呀
我地留左一個鐘左右就走了，去到碼頭妹妮已經話好攰了
船程都係十幾分鐘咋
之後仲去食埋糖水潻
講開尋晚媽me塊臉好熱，問妹妮而家仲熱唔熱呀？ 妹妮話而家唔熱了，爸B問：咁你個蘿bun (因為我地叫妹妮個pat pat做bun bun架，成個食個D bun一樣）點知妹妮此時突然半合眼話 ： 唔好成日講埋D核突野啦！
呢一刻大家都爆笑，估唔到平時成日話比媽me咬佢個bun bun，而家有EE同姨丈就怕晒醜咁！
EE個芒果河粉
做咩呀？？
唔知做咩妹妮成日呢係我件褸度扮舞獅 u__u
真係好攰喇，要我地抱，但係我地點妹妮叫姨丈揹佢，因為姨丈咁高，睇D野都多D架！
行過公園見到老榕樹，妹妮好想掂到D鬚鬚呀
姨丈夠晒高抱妹妮掂下D鬚啦
打埋韆鞦先捨得走
妹妮11個月大時都打過呢個韆鞦架，果時得意好多呀！！
今日都算玩左成日，妹妮話好好玩好開心喎！你睇連同EE bye bye都無晒力咁就知佢今日放晒電喇，一上到小巴妹妮即時瞓著了。
我地去彩虹搭小巴入西貢，諗諗下好耐無同妹妮去過西貢了！本來今日係想約EE食晏算了，不過佢提議入西貢又好似幾好噃，起碼無去商場飲茶咁‘行’先。
去到西貢碼頭，D海鮮好新鮮呀！不過妹妮話事話想食意粉噃，所以無食海鮮呀
得個睇字咋
但係入黎西貢行下，吸下新鮮空氣，好似係舒服D. 妹妮最鐘意就係'飛飛'
連茶樓D魚缸都大到好似水簇館一樣！！
D魚一樣好大，究竟有無人叫黎食架？
可能起身早，其實中午妹妮已經開始無咩電架喇，行行下又話眼瞓，又要抱抱，EE仗儀幫手揹下
點知佢又唔攬實EE膊頭，反而攬住我，攪到我地三個繞埋晒一堆！
行左一陣加上大家都攰，便去搵食
求其坐低係一間有意粉食既，但係其他又唔係好啱胃口
於是轉戰Anthony's Ranch，好有印第安feel
buffalo wings
妹妮stawberry smoothie
食物都好home made feel 架, 爸b仲話似足yayagigi整既味一樣潻!
妹妮畫完張墊枱紙仲當係望遠鏡, 一物二用!
呢日餐廳唔迫人， 我地hea左好耐，真係好休閒架。好似去左渡假一樣呀！
食飽飽再去碼頭行下, 見到好多人圍住隻大狗, 真係好大隻呀! 妹妮都唔敢行埋去呀
爸b幫佢壯下膽先行近D咋
終於敢摸下，隻狗好乖噃, 個主人都好似當做騷一樣任你影相同摸佢隻狗。可能因為咁大隻，都慣左出街有人望呱？
碼頭附近仲有d人扮銅像, 比$可以影架喇!
你估兩個做緊咩? 踩住對方個影呀!
EE買左吹波波比妹妮玩
玩左一陣足波波我地行過見到有個外籍人仕扭波波呀，隻3眼仔要成＄50架！
平時去親party，商場，就算ocean park都有免費波波攞，可能妹妮以為人地會扭個比佢都唔定呀！ 不過梗係唔會啦
我地打算去搭下船，不過唔係呢個碼頭噃
係呢度呀，搭街渡去島仔呀
今次去橋咀島！其實媽me咁大個人都未去過橋咀島架。淨係記得成日都有人話有小型賽車玩架
＄20／位，細路仲免費，當遊船河都唔錯噃
因為海風好大呀，好在我地個個件外套都有頂帽笠住咋，吹到頭暈呀。
到喇到喇！都好似好多人噃。得個沙灘咋，都無晒小型賽車了 。
叫妹妮影相，唔知點解會自動擺甫士架
又叉腰又扭腰，好難頂呀
其實上到個灘都無咩做架，又拎番樣波波黎玩吓
D風大到都唔駛揮動支捧D波波都自動吹晒出黎呀
我地打算行過對面個小島，雖然行到過去都無咩睇，但係一場黎到，參觀下囉
一直都係石路黎架
行到對面原來係個地質公園黎架，不過我地無再行了
坐係石頭唞下算了
如果水漲，條路就會被海水冚過晒架
今日呢度都好多人， 仲有自遊行同本地旅行團潻
妹妮又黎擺甫士
呢幅隊左個pat pat出黎仲搞笑
仲有橋咀島名物。。。菠蘿包石頭呀
我地留左一個鐘左右就走了，去到碼頭妹妮已經話好攰了
船程都係十幾分鐘咋
之後仲去食埋糖水潻
講開尋晚媽me塊臉好熱，問妹妮而家仲熱唔熱呀？ 妹妮話而家唔熱了，爸B問：咁你個蘿bun (因為我地叫妹妮個pat pat做bun bun架，成個食個D bun一樣）點知妹妮此時突然半合眼話 ： 唔好成日講埋D核突野啦！
呢一刻大家都爆笑，估唔到平時成日話比媽me咬佢個bun bun，而家有EE同姨丈就怕晒醜咁！
EE個芒果河粉
做咩呀？？
唔知做咩妹妮成日呢係我件褸度扮舞獅 u__u
真係好攰喇，要我地抱，但係我地點妹妮叫姨丈揹佢，因為姨丈咁高，睇D野都多D架！
行過公園見到老榕樹，妹妮好想掂到D鬚鬚呀
姨丈夠晒高抱妹妮掂下D鬚啦
打埋韆鞦先捨得走
妹妮11個月大時都打過呢個韆鞦架，果時得意好多呀！！
今日都算玩左成日，妹妮話好好玩好開心喎！你睇連同EE bye bye都無晒力咁就知佢今日放晒電喇，一上到小巴妹妮即時瞓著了。
