最後一日在巴塞了，呢早我地又買好票去畢家索博物館(Museu Picasso)。其實多年前去巴黎都參觀過，但畢家索係西班牙人又係西塞紮根，當然要黎巴塞既參觀下啦！
呢日都好早，大約十點就到了！
博物館係舊城區，入口係巷仔來的
離遠見到有座似教堂既東西，係歐洲真係隨處都有d幾百年以上老既建築物，係香港想搵座過百年既都難呀！香港成日話保育，但係就不斷拆晒d有歷史既建築物
入到博物館要寄存手袋，連相機都唔比帶架！
只可以參觀完畢影下四週啦
據說呢座博物館係由畢家索生前既助手/拍檔開既，原來畢家索花大半生係巴塞，中途又去過巴黎一段日子架。
我地無讀過藝術，見到d畫好似妹妮都識畫咁，哈哈！
參觀完畢去食lunch，點知未夠12點好多餐廳都未開！西班牙人好似偏向晏生活，好似我地之前想book lunch要1點才開始有枱，lunch 時段由1-4pm。想訂晚餐仲晏，最早8點後才開始有得訂，食完起碼10點幾！平時妹妮8:30 就上床，點頂得到咁晏至食飯呀？？好彩過去幾日我地自己都食得早咋！
唯有係附近逛下等開門啦！爸B趁有時間去左買churro，呢d churro同港色油炸鬼一樣味，唯弓唔同只係變左甜！同美國果d又有d唔同，香港無churro食架
Audrey媽咪Lydia話呢間有好多好評，於是我地去左食tapas
Tapas係細細碟既小食，勝在夠多款！
呢間d tapas 真係幾好食噃！
紅色果d係好似車里茄既車里椒，讓左芝士，但係隻椒係甜甜地。herring魚就好有d腥
炒魷魚好似港式的，好味！！
薑蔥蝦d薑蔥直情好似配油雞果d
之後Lydia 去左呢間Hofman買甜品，聽聞係巴塞出名甜品來
因為下一個行程係4:30，我地仲有大把時間便隨處逛逛
見到有人放氣球呀！好大既吹波波！！小朋友睇到目定口呆，見到好似好容易玩，個波波升到上天架！
我地去左食甜品，順便當抖下
呢間d waffle好似好正咁，即叫即做架
揀埋雪糕上面
成6歐架！
附近仲有火腿店，但唔知點解無咩意欲想食呢？
仲有時間我地返左去感恩大道行左一陣街
男士跟小朋友去左老麥食雪糕，我同Lydia就去一個鐘quick shopping
附近有座大廈好古怪呀！！
其實時間都幾趕，我地要趕係4:30去到Parc Guell奎爾公園，因為Lydia上網買唔到票，所以佢地買到最早6:00。去到先知要按時入場，我地一家入場等佢地啦。因為奎爾公園位於山上，又唔近地鐵站，於是我地搭左的士過去，一落車就見到呢座薑餅屋！
真係好似童話入面既薑餅屋呀！！
足個位置應該係黎呢度必影的地方
其實奎爾公園只係一個park，只係睇設計
薑餅屋係可以入去，有呢個park既簡介
上到樓上影返過去天台都好靚
黎到呢度都離不開瘋狂影相囉
沿住樓梯上到去天台
其實平台都只係空地但係可以遠望巴塞景色仲望到海添！景色真係唔錯架
離開天台行落樓下會經過呢度，好似石頭人一樣既隧親
返落去平台下層，好多一條條既柱，我地同妹妮玩hide & seek，點知妹妮呢埋係最角落條柱，真係睇佢唔到，嚇到爸B以為佢走失左呀！
行完晒我地去左cafe等Lydia一家，飲下下午茶
到佢地都逛完再集合
咁齊人點都要影大合照啦！
離開奎爾公園，就有個playground係隔離，我地又去玩左一陣
真係離開了，見到石頭次間原來有雀仔竇架
再見奎爾公園，呢個真係一個好hea既地方
由公園行去地鐵足足成15分鐘，好彩黎既時候係搭的士咋！呢晚book 左8:30晚飯，去La Rita，據說好食又平！
入到去以為係'高級餐廳'因為裝修擺設都幾elegant，點知大家都好casual，食客講野都好大聲！哈哈
醫肚先，呢d細路仔野食肉醬意粉
炸魷魚仔
香煎魚柳
兩位父親大人食極唔厭既牛扒
炸雞肉薯波
我的duck confit (係法國食過番尋味），呢個都好好食呀！！
磨菇risotto
甜品peanut cake! 呢晚全部都好好味，好後悔一早無黎食過，因為第一日就book呢晚晚餐，又驚如果食過唔好味今晚又要再食唔係幾好。呢晚係我地係巴塞最後一晚了！呢個dinner就係巴塞之行完滿既句號。
可能妹妮同Audrey知道聽日要走，所以呢晚好鬼high，嘈到死！好彩呢間係家常餐廳，其他人都好嘈所以一d都無所謂
呢晚玩到好夜呀，成十一點至返到酒店！落到地鐵見到個好大既售賣機，好似從未見過咁大個！
玩左十二個鐘有多，兩個都好攰了
妹妮同Audrey都依依不捨，Audrey暑假會再返香港，到時又可以玩餐飽了！
第朝一早就要收拾行裝
向荷蘭出發！！
