Field trip --> 大浪灣

哈哈懞咪me以為上星期四係學校旅行，還一早準備好堆沙玩具，仲同同事掉好假。點知原來係今個星期，白白期待了成個星期呀！今朝一早仲落大雨，以為會天取消，但學校話如常起行，好野！

妹妮同yayaGigi跟學校校車，妹妮今日第一次坐校車呀！老師仲派紙包飲品比Ｄ小朋友解下渴。

un了大半個鐘終於到了！妹妮今年第一次去沙灘玩

同事話咁細個就去大浪灣旅行咁巴閉！妹妮就話要由老師抱抱仲巴閉！！哈哈！

一群人有大有細，好多家長都有自架（車）跟埋黎。

坐低後咪me即刻拿出‘架生’準備玩沙

點知妹妮一踩到沙已經驚到想喊，所以死拑住yayaGigi唔肯落地。

我們夾手夾腳先‘的’到妹妮去岸邊，用水引誘。

得左！果然鐘意玩水

玩到件衫都濕晒

嘩，好重呀！

玩水玩到唔肯玩沙，有人捉到蟹仔

當然要比妹妮見識下生歐歐的蟹仔啦

玩完一輪終於敵不過肚仔打鼓，要返上岸食mum mum。 結果套堆沙玩具係無用過！

今朝呢個大浪灣就係呢班小朋友的天地，直情包場一樣！

成個trip 都係玩了個零鐘，不過天公做美。整整個幾鐘都陽光十足，直情熱到溶了一樣，上車後又開始落大雨，不得不叫好彩。

妹妮回程無坐校巴，不過一路上都話happy，water，看來真係玩得好開心。希望好快可以再帶妹妮去海灘玩啦。

有得飲！

其實我同爸Ｂ都好小有得飲，身邊朋友都結婚得七七八八。上個星期六阿Jack邀請出席Audi 一百週年生日會，本來諗住係輕鬆party，點知原來有dress code，仲要black tie! 好彩一直有儲開party dress，所以無要買衫的煩惱不過爸Ｂ一向最怕formal，所以都只穿西裝出席。

星期六上午我要去公司在清水灣golf club的活動，而party邀請卡話６點開始cockatail，　６：４５開始Dinner。雖然多數呢類活動都有遲無早，不過又怕太遲便唯有提早由清水灣返家沖涼換衫梳頭囉。

去到卲氏影城，已經有晒實焦指路，路旁掛晒紅旗，都有Ｄ氣勢架！落車後見到不小男人都打bow tie，女人多數都真係著晚裝，或cocktail dress，心想好彩無太casual啫。

本來Gordon都會一齊去不過又要開工所以缺席，爸Ｂ話一個無friend去好悶，我便話有我陪咪唔悶囉！去到都見到一齊去英國的記者朋友，有人吹水即時生猛晒！

等了廿零分鐘便入場了，個setting都幾靚。

Ｄ枱用深色枱布，銀色銀器，食西餐。

無friend，唯有自拍

５道菜由Grand Hyatt提供，味到都不錯呢！

中場有芭雷舞表現及間場有Ｄ短speech，講下Audi歷史，方向等。我發覺他們的總裁們口才都好好，而且中，英文流利程度一樣！抵讚！！

最後就係新款車隆重登場

有名模同張震，張震真人靚仔過上鏡架！

之後賓客可上台一暏新車風采，見阿Jack著得咁靚仔，影返張相先

爸Ｂ本來好鐘意新的Disel Q７，不過

埋身睇完後呢架即時變成爸Ｂ的dream car~!

臨走同個backdrop合照，可惜條裙坐完之後皺晒。

笑談ＢＢ話

其實都聽過ＢＢ到歲幾會有個說話的爆發期，會突然講好多話，我諗妹妮而家仲係爆發期內呀！

話說妹妮好鐘意玩捉迷藏，不過當你呢得太埋佢搵唔到時就會慌張起來。大叫麻咪！麻咪（無錯，而家叫我做麻咪，唔係咪me了）！！好似驚你真係消失一樣，差Ｄ想喊。尋日同她玩時，因找不到我便向在房內的爸Ｂ求救，爸Ｂ話媽咪outside，居然我同爸Ｂ都聽到妹妮回應講‘唔喺出面呀’（！？）嘩，妹妮幾時連廣東話都進步咁多架？

而家簡單英語已經ok，玩lego時會叫我mami make elephant，mami make house等要我幫她。如果自己搞唔掂就會叫mami help you（仍未搞清you & me)。

上星期之麻，有朝就望住我一個個詞語的燉出來話：麻咪- turn on- see V- please。嘩呢句有成４舊詞語都識自己嗡出來，勁！

如果妹妮講錯一樣物件（如chicken，但她話係pig)，你斗正時她會好似好明白的講‘chicken，no pig...’ 好似今日她想開風扇，但我話已turn on air-con，no fan。妹妮便會自言自語的不斷重覆講xxx xxx air-con xxx no fan（夾雜住Ｄ聽唔到的ＢＢ話）。　

不過雖然話妹妮可以講好多說話，其實咬字仲未清晰，所以係我地日日聽住先明白她說什麼。其餘好多詞語都讀唔正，但她自己又好心急經常好似急口領講得好快，好搞笑！

見到我滴眼藥水會指住我話...coi (cry)

swimming = simming

tomato = memeto 

green = 堅

violin = Y lin lin

rain = win

umbrella = 暗啤牙

elephant = ele 煩

giraffe = 治吖

我最鐘意的是grapes = gips 講時好用力好得意

黑超Ｂ

話說有晚妹妮躺在梳化飲奶，怕她會直望天花燈影響眼睛，於是靈機一觸諗起攞我而家日日戴的太陽鏡比妹妮遮住眼仔

係咪有型先？

點知妹妮又出奇地鐘意戴黑超。

第朝見到枱面媽咪的黑超即刻指住話要，不過尋晚差Ｄ比妹妮拗甩我幅超的鏡臂所以都係留番好自己的比佢玩好了。呢幅係舊年買的兩歲size，今年戴好似窄一點。不過戴起黑超後個鼻仔同個咀仔好似好細咁。

又好好客，同Barney分享幅黑超

仲比個cute cute樣你，睇你頂唔頂得住

見幅眼鏡咁窄，今日咪me買了幅新超比妹妮，上星期去新城市試過，不過又好似大了點。

總之有得戴，唔理有幾大，仲走埋黎數我個iphone套Ｄmonkey。。。one monkey, two monkey, free monkey, four monkey。。。

嗚謝Eldora姐姐贊助了兩套vintage Miffy 廚具，有雪櫃，焗爐同熨斗，好精緻。係多年儲下來的玩具，想買都無得買呢，希望妹妮唔會玩爛啦。

仲有背襄潻！

順便一提日前同William去沙田食晏，揀了間懷舊飯店，連餸菜款式都懷舊，不過好好味！

蠔是生菜包

好味蝦多士