Maui 2016 ～ Day 4－5

第四日早上，我地去左呢間連名都讀到繞口既餐廳食早餐。。。Humuhumnukunukuaplia 個名有無咁長呀！




上午係free time所以呢日就游下水，呢度有私人沙灘，如果妹妮都跟埋黎佢實好開心啫！




玩完沙灘走入泳池玩，呢度隨左普通浸下水，仲有幾條滑水梯！妹妮一定鐘意呀。

就咁hea左一個上午都幾舒服架

隨左滑水梯我仲玩左跳水添，呢度個沙灘同泳池都幾啱細路玩，不過機程實左太遠，相信帶埋妹妮再黎既機會都好低了






那邊箱係香港係五。一勞動節，呢日妹妮跟左EE同姨丈住左晚。EE帶左妹妮去零碳天地玩，本來佢地講過去佐敦谷公園但呢日落雨所以去左呢度，見佢有野餐有吹波波應該好玩呱

呢個房景望出去海天一色真係好靚，我日日都忍唔住要影張相



酒店週圍都見到呢個景，於是又影下相



下午有activity，以為係聽talk




開頭有中學生表演下夏威夷樂器，跟住係請左d嘉賓黎講下野，呢個係一位大導演。據聞之後仲請左唱Frozen Let it go 果位歌手來唱 let it go，但係我同爸B已偷走了



因為返房梳洗下準備晚間既celebration dinner，聽日就走了，所以走前有餐dinner聚一聚。又話要dress up但係食飯地方係草地！今次著左高踭鞋要行草地真係一步一驚心，每一步個踭都插入草地，好難行呀






幸好天氣唔熱，夜左仲有風涼涼地添，否則食到身水身汗都幾辛苦




天黑後d鬼佬走晒去舞池跳舞，我地就影下相算了

話咁快又第5日了，早餐後hea一陣就準備去機場。可惜無咩假淨，如果可以再去Honolulu stay behind就好了！對上一次去Honolulu都有十幾年了！！今次有幸來到Maui，都唔知下次會係幾時了

去到Maui機場，仲要坐呢d小形飛機到Honolulu，再飛關島先返到香港。好彩我上機就瞓得著，一陣就過左8個鐘到達關島，難委爸B瞓唔著，所以話呢，相信我地都無咩機會再咁轉折咁去夏威夷了

Maui 之旅2016 ～ Day 3

Day 2 一早起身去食早餐，點知同尋晚一樣係露天，其實太陽都幾晒下。不過景色真係唔錯！



橫掂係海灘隔離食早餐，順便去行下

除左沙灘，隔離個泳池都好正，有模疑沙灘，如果帶埋妹妮黎玩就好了！因為相信我地自己都未必會撘咁多程飛機專程再來了



呢個小教堂都幾靚架，相信都有好多人係呢度搞婚禮的

呢日爸B上午有活動，我係房攤抖下睇下電視，又係食晏時間了。今次去左二樓既balcany食，一樣係無敵海景，但係食物選擇其實唔多



呢個trip可以比我地每人揀一樣活動，有浮潛，水上活動如獨木舟，hiking，city tour等，其中比較吸引係觀鯨，但係多年前去Bremuda已經睇過，於是我地揀左做Spa。不過係分開男女各自做，女人全部要著泳衣浸jacuzzi，大概浸一個鐘就到massage，玩兩個多鐘就完了

Spa完未夠鐘食晚飯我地就去酒店隔離個plaza仔逛下，雖然有prada，gucci，LV等名店但係都唔啱我地，其他都係賣手信，真係兜個圈就夠了



5點零我地book左食晚飯，今晚呢間係我地睇完yelp食評揀的。餐廳叫Capische?  ，相信係Maui算比較出名fine dinner既餐廳




去到覺得個景超靚呀！！！！係花園度食，好彩我地早到咋，如果天黑左就影唔到靚相了

同場加映妹妮係香港跟EE去左做義工，食左牧場少年。但係妹妮話做義工好悶，反而走左去玩攤位遊戲做小手工 -__-




呢個景真係好靚，容許我係度狂影相

首先來個牛肉簿切，呢個係我個人既飛佛，每次見到menu有呢碟餸我都會好想叫架




鬼佬open rice YELP話呢度既mushroom risotto好味，真係好正，但係好漏，兩個頭盤食完都飽左一大半了



呢個海鮮湯又係好出名，真係好多料但係我覺得不過不失唧

爸B呢個扒都燒得幾香，但我地覺得上次LA食果間ARROYO好味d。可能因為食完兩個頭盤都已經飽晒，無晒謂口所以覺得無咁好味



就係咁我地由天光食到天黑，真係飽到捧住個肚走，實在食得太飽！個risotto同意粉真係應該食一半就算，打包做宵夜好過。