父親節 第一次鐵板餐

今個父親節，居然跟左yayaGigi 去church?! 因為爸B話yaya個church 有個session係問答，可以等妹妮練習下大膽講野喎。本來將約左EE去整餅都唔去了，點知原來係普通church 聚會，只係有discussion，好多人都擁躍舉手， 所以都可以話鼓勵到妹妮大膽舉手答問題既。



其實妹妮都無留心聽牧師講野架，不過每到發問環節，yaya就準備好晒答案叫妹妮舉手答。個傻豬唔知點解又好積極舉手噃！



今次題目係人既心地，妹妮都唔知D答案係點解，淨係想用個咪講野呱？但係都唔係舉手就會叫你答，原來大家都好有心機，係講義度mark晒notes架！好似上堂一樣，真係好神心，仲好多人搶住舉手答潻！



妹妮次次都舉得好高，但係有時無叫佢，佢就會半合眼扁扁咀咁。不過個牧師都好比面，叫左妹妮答左3，4次。妹妮都係睇住yaya一早做好既功課，加埋我地係旁邊幫佢手答出黎。雖然今次聚會，妹妮只係負責講野，而佢對自己答既野相信都係咩概念， 但係就比到機會佢係好多人面前開口囉，都無嘥既。



其實去禮拜都係一個鐘，但係大食積中途已經叫餓，好彩yaya個朋友送左袋餅比妹妮有得頂下咋。一散會我地已急不及待走人，去左附近既鳳城酒家飲茶。



爸B既小甜心



今日妹妮練大左個膽，可以舉手叫阿姐埋單潻呀！



 飲完茶既節目就係返屋企晏覺。。。



攞車前經過西港城，入去影下相，妹妮突然又話要poo poo。唔明點解出親街食野都會中途嗌poo poo，尢其晚飯，次次都會！你都知酒樓既廁所有幾乾淨架啦，我次次都要抺完再墊好多層廁紙先比佢坐架。。。所以真係好怕佢嗌poo poo。 好彩西港城呢個廁所好乾淨，妹妮poo 得好開心！而家我去街既廁所，都會盡量用得乾淨D，希望其他人都會唔好搞到D廁所咁嗱咋啦



哈哈，叫妹妮扮打電話影下相，佢真係扮得好入戲架！！好似真係講緊電話咁，有晒對話先搞笑！！



扮靚女！



好彩比佢poo 左先，回程塞塞地車，如果要佢忍成半個鐘真係好辛苦架。而且半途都開始烚眼瞓，落車都要人揹了



一覺瞓醒已經4點幾，hea 左一陣我地又出街晚飯。明顯父親節係無母親節咁迫人，唔通男人就唔駛慶祝，爸B都係好偉大架。



去左金鳳大餐廳据扒，好多年無黎過了！！不過今日志左帶妹妮試下鐵板餐，話時話原來未同妹妮食過鐵板餐架，韓燒，邊爐都反而試過！



妹妮果個係豆腐口, 只要食物唔係凍, 係暖, 佢都話燙口, 要人幫佢吹吹



D扒黎喇！快D打開張紙巾擋住自己先啦！



D扒都幾淋，啱妹妮呢D懶𡁻野既人。



叫多個肉醬意粉，夠食喇呱 



我呢塊西冷都OK，其實細個時已經好鐘意食花園餐廳架喇，媽me個婆婆細個時成日帶我地去据扒架，平平地有扒食又野飲，簡直係童年恩物呀。

參觀科密館

邊度係科密館？咪即係科學館囉！唔知點解妹妮叫極D博物館，科學館都叫 X密館既！繼之前叫博物館做左秘密館後，而家又叫左科學館做科密館，佢唔係專登架，但係係佢腦入面成日都係叫 X 密館囉。

呢日學校去科學館，本來由媽me去，但係最後媽me唔得閒叫爸B頂上。

唔記得之前有無講過，上個月學校主題係寵物，學校仲帶妹妮成班去參觀愛護動物協會潻。佢知道要發護動物，因為佢知道D動物係協會度要等人變養，如果無人收養就會要死了。而家妹妮會指指個頭，然後諗諗咁話要諗清楚先好買寵物呀。



同學仔古靈精怪，妹妮笑到見牙唔見眼呀！



妹妮都好鐘意返學，成日講親返學都會好開心。



咁開心，原來係收到同學仔邀請去生日會呀！！個個都拎住張生日咭，有party去妹妮勁like！




去到科學館，爸B話原來係自由活動，自己顧自己週圍行架。



話時話，媽me都未去過科學館，原來有恐龍骨潻！聽妹妮話仲有青蛙睇，因為返到屋企有份小報告要做，佢話最鐘意果part就係見到青蛙喎



睇黎今次係學期尾前最後一個field trip了，睇見妹妮去旅行去得咁開心，自己都開心埋一份呀！



 仲有 凹凸鏡，啱晒最鐘意照鏡既妹妮

蘇梅 2012 ﹣ day 4

今期新假期先黎介紹蘇梅，如果早D出起碼都可以跟住去玩下吖嘛。睇真D個封面正係我地住間Akaryn，有興趣去蘇梅可以買黎睇下



last day了，因為尋日無租車所以今日無車出去，其實感覺出去都無咩特別地方要去，去mall又無野買，又hea過。。。今次黎蘇梅其實係黎左間酒店，出面係點我地都無行過。不過，妹妮一D都無嘥個游池

shower 下就出去

妹妮仍然堅持食朱古力cereal



本來最後一次早餐想坐樹下食，但係尋晚橫風橫雨，瞓著都聽到打大風既聲，今朝出面D櫈都仲濕濕地。

唯有坐番入面囉



其實我地主打係影相多D



妹妮學識用刀叉食佢既pancake，今朝黎左糖漿無黎朱古力醬，巴閉妹即話’我唔食syrup架‘，要加番朱古力醬至得！



食到成口都係！



加個ham and mushroom omlete

食完早餐見出面D櫈都吹乾了，唔食都坐低影下相囉



後面就係求先間餐廳了



去大樹下坐下攤唞下再影相，其實無所事事咁係度hea都幾寫意架，天氣又唔熱，仲有陣陣清風，好舒服架



我鐘意呢張close up呀！



自拍下家庭照



嗲D幫媽me影既



行下企下後去gym room玩下，行過尋日間spa house 妹妮即時指住話想再做多次spa!!!　唔駛＄咩？　而家佢已變識途老馬，知道gym room有蘋果攞



我地玩下gym先返屋企。



妹妮好叻呀，可以自己咬到個蘋果，平時佢食肉都要𡁻好耐架！



個百厭女當人地張床係彈床，我地都叫佢唔好咁跳



最後隻論盡豬跳左幾下跳到跌埋落地！好彩無崁親咋，不過都大喊左一輪，今次可以教瞓到佢以後唔好再跳床喇！



無耐又去大池玩過！

點知遊左一陣個天突然黑晒

眨眼間變左橫風橫雨！！不過我地照游水呀，都無閃電行雷，無所謂啦

去pool side bar避下雨先

都係過雲雨，十幾分鐘就落完，不過上水都有D凍呀

妹妮玩左成朝可能好攰了，已經口擘掔開始呆滯了



last 呢餐我地食西餐，叫了老虎蝦菠菜扁意粉



parma ham pizza， 勁好味呀！！！



再encore Phai Thai 



妹妮此時已經 hup 著咁滯了



好彩我地晏機，酒店比我地延至3：30先check out! 妹妮仲可以覺豬多一陣先

3點鐘叫醒妹妮，相信佢同我一樣唔捨得走呀，佢一D都唔願起身



走之前影多張留念先



check out時，D staff都好友善呀



呢個姐姐係黎果日pick up我地架，走之前仲抱起妹妮合照



十分鐘都唔駛已到機場了



check in 後見到呢度好似outlet 咁既？



原來係個小形shopping mall呀！！黎咁耐都無真正shopping 過



吖！仲有Swensen's 雪糕屋潻！去親泰國同日本都要食架



見到個menu都已經流口水喇



但係妹妮居然要個單球就算！咁多靚靚雪糕杯都唔揀



見到模形係要同人握手影相噃！我諗起舊年去布吉，係商場見到童裝模形，妹妮即時走埋去繞住手話係佢妹妹潻呀！



之前都聽說蘇梅個機場好似resort feel架，又真你有D似架



入到gate 6---國際線個gate, 我地買手信，買完後妹妮已急不及待拖我出黎攞野飲，仲有小小蛋糕食，都係免費架！！



＠候機室



上機了，都係搭番黎果時搭過既車仔，載我地去飛機度



上機了，蘇梅再見！！



啱晒妹妮食既兒童腸仔餐！

十點幾到香港了！



番到屋企，yaya已經等左佢個sweet heart 好耐了！



妹妮自創‘海豚泳’， 其實有D似蝶泳，都係撲下撲下咁，但係佢就雙腳係地咁撲囉