8號風球搵野做

9月29日

上星期開始天氣已經轉涼了，仲感歎緊今年都未去最後一次海灘就轉季了。點知星期四先黎打今年第一次8號風球呀！大家唔駛返工，返學，我地又出動去飲茶。話時話妹妮自己都鐘意飲茶多過去麥當勞架，佢自己話既！去飲茶都話要帶本書去睇，係咪好有書卷味呢？



每次都係例牌叫個幾樣野食。。。佢每次都可以自己食晒一碟腸粉，加一碗粥＋一隻炸雲吞或春卷。其實妹妮都幾鍾意食架，不過食親野時唔知係咪太肉緊，成日皺晒眉，好似好唔鐘意食咁，其實佢食得好happy架。

去行超市就話要買橙，梨，同蘋果。。。每樣買一個咁大把

真係有揀過架！

返屋企覺豬完又無街好去，爸B提議去洗車。。。真正無野做搵野黎做呀！！

不過妹妮又好幫手噃！佢主要負責用鮑魚刷洗下鈴咁

好比心機洗架！

教佢要刷走D黑色既污糟野

隔一陣就要浸一浸隻刷

洗到連個頭都要倒轉！Yaya睇完相問佢做咩要倒轉個頭呀？佢話睇清楚D喎

沖完水乾淨晒！！成機踎低唞一陣先

之後仲幫手抺乾架車架，雖然係玩票性質多D，不過又真係好有心要幫手架。屋企又多個好幫手，希望佢呢個管家婆咩都要理既性格會持續，咩家事都關佢事咩都落手落腳就最好！

Phil Phil's birthday party

9月25日，我地有諚去喇，今日去Phil Phil生日會，有得去playtown玩呀。尋晚話比妹妮聽，佢今朝一早自己起身後就走去畫左張生日咭，係巴士黎架，佢話完就拎入黎比睡夢中既我睇。難得有party，摷返兩年前買既tutu出黎笠上面啦，妹妮居然話唔鐘意唔肯著。於是拎多一條（本來一條鮮粉紅）紫／黑色，佢居然一口話OK，因為我鐘意dark colors咁話。幾時開始你鐘意dark colors既呢？？



對上一次見Phil Phil都好似係我地個生日會了，今年Phil Phil兩歲喇，妹妮即時送上佢畫既生日咭。



呢個時候妹妮唔知點解有D怕醜



叫妹妮地攬下阿Phil，佢居然後退去攬住爸B



推佢埋去仲驚，人地都嘟晒咀，妹妮驚到縮



hello完後，走去玩一輪先！妹妮而家大個D我地都無跟得佢咁貼了，有時見佢爬上去我地就係下面睇住算了。今日妹妮自己爬上條隧道，我見佢咁耐都未上到去，諗住佢係呢係隧道入面玩，點知無幾耐佢喊住爬返落黎。問佢係咪整親呀？定係比人蝦呀？佢話有D哥哥唔比佢出隧道。於是爸B同妹妮一齊爬上去睇吓啦，上面得幾個細路同爸爸，應該唔會蝦佢掛。可能係個個掛住玩射波波塞實晒個隧道口，妹妮想出又唔咁講，又或者佢講又唔夠大聲，以為人地蝦佢掛。



玩左一陣我地又返去開餐



食飽飽再玩過開心番晒



其實呢D隧道又窄又細，大人大隻D都好難穿過，老D又無精力跟佢。。。而家都係由得佢自己玩算了



又係切蛋糕時候了



個個細路圍住蛋糕都好開心，好想吹焟爉咁架







妹妮食親晒個樣都皺晒眉咁，其實佢唔係唔鐘意食野架，可能係食得太肉緊喇



呢張相個姿勢好搞笑呀！都唔記得佢當時點解咁樣了



去番BB區，佢一樣啱玩。



仲要我地排排坐做乘客比佢做司機



咁大個仲係最鐘意波波池



搵機會再同Phil 影相，點知今次都阿Phil唔制螺地



吊環



都唔明佢係緊張定驚，個樣咁既？？



玩左兩個幾鐘，放夠電了，係時候講bye bye喇！

3Y11M。。。畫自己

就快4歲了，妹妮都好與𡚒咁期待住自己‘變’4歲，我就當然唔想咁快啦，除左唔捨得佢大得咁快，都唔想自己咁快又老多一歲嘛！妹妮對日曆仲未有概念，不過我話佢知我地生日係october，佢就記得好深刻，成日提住！！又問而家係幾時？而家係september呀下個月先係october。仲有爸B，大肥同EE， yayaGigi都係10月生日架。然後佢又問咁Andy(姨丈）呢？ Michael(大伯）呢？

已經持績幾個星期了，每朝起身都話‘不如畫畫吖！’ （好呀，畫咩呀？）。。。畫自己！



初期未識畫就好似上面兩張要yaya幫手，指明要有pony tails，要著裙！yaya畫好公仔後妹妮就係周圍decorate幅畫，同幫佢自己上色。


呢幅都係yaya幫手畫，妹妮畫其他插畫同填色既

但係日日都畫之下，睇得多自己都學識畫了，已經進步到自已畫晒成幅。自己必定要蓄長髮，佢好鐘意長頭髮架，不過又唔介意自己係mushroom（我地叫既冬菇頭）噃。只要係畫入面係長髮同大條長裙，佢就OK！



條裙永遠都係要大過小鳳姐著個D，同埋要七彩既！



我都係鐘意yaya畫呢張！因為妹妮成日都會無啦啦做呢個'downward facing dog‘既動作，勁騎呢！



前幾日，佢又話畫自已。。。連yaya都話佢每做一件事都要做到自己厭晒先肯停。。。都唔知呢D算唔算不屈不扭呢？？ 
今次佢話畫我先，咦，點解個髮型同你畫自己一樣既？？ 佢問我想著咩，我話著褲啦！為免佢又畫一條大縫裙。。。點知佢話著短裙啦，又畫一個大波裙比我

演繹緊我雙手係點擺既，’我‘隔離就係佢喇，係咪呀，個髮型一樣架！！！！



再畫埋爸B，今次就真係著褲喇！



再填色！佢好滿意架，覺得好靚



仲要求我地’貼堂‘潻！