就快兩歲了！

星期日一早去同公公飲茶，有生日利是收。妹妮仲一邊拎住塊簿牚食到lam lam脷。就快兩歲，而家問妹妮how old are you，佢會答coming to two，好快就可以答TWO了。

去茶樓指定動作係去睇魚魚，之前叫lobster做monster，而家識叫lobster了。

每次出門咪me都覺得妹妮著起衫仔裙仔好可愛，要留影。

最鐘意同爸Ｂ玩飛飛！次次玩親都丫晒口，爸Ｂ話而家妹妮愈來愈重，好快無力再玩。

一早起身突然話daddi buy ice cream，飲完茶去超市，我同妹妮留在車等候時又話daddi buy ice cream，等我立即打電話叫爸Ｂ買雪糕。食雪糕只係食小小，lam 下lam下

傻豬無啦啦用個lego盒笠住自己個頭，話係zoe's hat -_-" 當帽戴，奇在居然又行得到無碰撞。

晏晝表弟來了，仍然大喊十，見人就喊，只有媽咪抱先會收聲。記得妹妮９個月大時好似已經唔再怕人了。難得有張無喊的相。妹妮好似同緊表弟一齊玩iphone咁。

就快兩歲迫埋９個月，妹妮顯得好大個呀。

最近要自己餵自己，你餵她食，她會話mami，eat by yourself。。。應該係myself呀，ＢＢ你幾時先識分you & me，inside 同outside，myself同yourself呢？

個身型成個天線得得Ｂ咁。

今年買了半島奶皇月餅，好味呀！一個人都已食了兩件半！下年要買多盒先得！

迷人pink lady之燒鵝湖

今日妹妮不約而同收到幾份禮物，生日都未到已經有禮物收，多謝！

隨住妹妮大個，開始知到什麼係princess了，我最擔心係妹妮會成日懶靚的騷手弄姿一日著住公主衫有公主病。好彩而家未係...不過她已經開始知到公主好靚，今日yayaGigi幫她夢想成真。

著起公主裙幾開心！老實講我好怕Ｄ女仔好女人，成日扭扭尼尼，連迪士尼那些我都有Ｄ抗拒。不過今次見妹妮著起又幾得意，可能係高腰設計無咁lady呱。

仲表演埋跳舞！

又用紗芒住個頭，扮新娘？

你睇，即刻扮斯文坐地good sitting。

未完架，跟住仲有ballet dress！睇黎爸b想阻止妹妮學芭蕾舞都難了，哈哈！

著起芭蕾裙已經即時上身又兀腳又自轉。

幾有動感！？成隻燒鵝湖一樣。

最後都有鍚yayaGigi多謝她買呢兩條裙仔。

除了yayaGigi買的兩件舞衣，Carol姑姐都買了裙仔比妹妮（左下），Emily EE就買了半截裙同上衫，仲有Eldora都買了hello kitty頭飾，咁啱全部都係粉紅色！妹妮要做個pink lady了。

9.25沙田公園＋JJ一歲生日會

嘩今日真係忙到爆！因為又公又私全部堆埋一日要做，總之成日好tight，由一處去另一處，中途再加插幾件公事。是日氣溫成32度，最後今日沖了３次涼，換了３次衫。

第一個mission係妹妮學校field trip，今次去沙田公園。其實學姨丈話斎我地飲個茶都去到馬鞍山啦（公公住處），去沙田公園旅行有咩玩呀？就等我去直擊報導啦。

因為咪me自己揸車去join大隊，所以比他們更早到步，仲在烈日當空下等了２０分鐘！班鴨仔終於出現了。

呢個同學仔18個月大，細妹妮５個月，妹妮又高頭大馬，搭晒膊頭好似大家姐！

大隻妙係全班最高，隔離個男仔同妹妮差不多大咋。

今次係體驗大自然，老師叫同學們摸下Ｄ石，妹妮摸完話rock rock，係咪好硬呀？Yes!　除了睇花，草，木等，仲有魚塘。

睇下魚塘有無魚魚？妹妮只係猛話‘hot’，今日真係好熱，不消一陣大家都大汗叠細汗呀。

個太陽好‘燦眼’

執到塊葉，好野！可以撥涼！

有個涼亭無咁晒，不過成日都無咩風。

break一break，又晒又熱又要行，妹妮口渴到飲晒包提子汁咁滯，塊臉仔都通紅了。

沿住公園行了一個圈，有個公園呀，小朋友都即刻去玩。

hello 麻me!你睇我個樣，就溶喇。

玩了個半鐘，返歸了！今日老師同我講妹妮好叻叻，各方面都發展得好好。唯一係說話太快，個腦轉得快過把口，所以成日都好心急有好多野想講一樣。仲話妹妮已經可以升去nursery班了，因為yayaGigi都話而家上堂教的東西妹妮都已經識晒了。不過要等妹妮足兩歲，可能要等下學期了。

返屋企後妹妮沖涼覺豬我沖涼後就要趁呢３個鐘頻樸做完我的公事。３點準時回家接妹妮去ＪＪ一歲生日會！

因為連日來太忙又太多節目，連禮物都要即刻怱怱去買。去到Wendy屋企，妹妮居然掙扎要留在BB車唔肯落地，仲大喊潻！後來見有小朋友ＪＪ同玩具，tum tum下先relax番，去同ＪＪ一齊玩。大ＪＪ差不多一年，成個大姐姐一樣！

上次見ＪＪ都差不多成年前了，ＪＪ出世無耐咋。

一歲生日噃，當然要大事慶祝一番，妹妮最鐘意Ｄ波波

close up睇下個蛋糕，好靚靚呢！

大合照，好妮掛住想拖ＪＪ隻手所以dup低頭望。

Wendy同壽星仔！

分蛋糕！妹妮一早霸定位等食！主角反而未食得只係淺嘗幾口。

你睇妹妮已急不及待要食先，唔同你客氣。

食足一件！難怪食到攤係度！

返到屋企妹妮仍然掛住ＪＪ，拎住有ＪＪ相片的thank you咭猛叫ＪＪ，ＪＪ！我問妹妮do you like JJ? 佢答yes! JJ真有魅力！

再一次祝ＪＪ快高長大，身體健康！！

9.24 Halloween

星期四晚因大姑媽比飛，有得去海洋公園的哈佬喂。自海洋公園搞Hallowen以來都未來過捧場，係今次免費先有機會來。奇在爸Ｂ連免費都懶郁，於是我同Emily EE，Andy姨丈同朋友一齊去玩。

對上次黎已經有成十幾年前了，好似識老公後都無來過。

懷住唔係好驚啫的心情真係無咁驚，聽講場內成日有Ｄ鬼走出來嚇人。呢個木乃衣其實都唔係好嚇人

第一站玩了驚嚇迎新夜，有Ｄ緊張，因為成日聽人講係好恐怖。我們５人一齊排中間，成程都係有Ｄ鬼突然撲出來，玩完第一間感覺係唔係好驚。可能係有人開路關係呱，反而我後面有個唔識的女仔猛扯住我件衫。

玩埋高街鬼屋後，發覺其實間間鬼屋個原理都差不多，只係佈景不同。最搞笑係我地好似打war game一樣，一個嗌前面有人（鬼），一個嗌左邊左邊（有鬼）。可能玩得太理智，所以Ｄ鬼未出來已經估到幾時會來。其實除街都有Ｄ鬼出現，有時有靚鬼要你讃佢靚。又有Ｄ個膝頭有塊鐵片成日突然跣過來，之後便搭新的海洋列車過另一邊山玩。

不過地方的佈置真係好有心思的。

鬼新人，Ｄ化𤕸都幾ok架！

跟住去玩地鐵，又係一樣無太大驚喜（嚇），都係Ｄ鬼從角落衝出來，大聲‘嘩’來嚇你。

仲去埋水母館，Ｄ水母好靚。

Ｄ背襄幾得意，買唔買比妹妮好呢？

我地仲坐埋摩天輪潻！不過就無再玩其他機動遊戲，因為大家都老了！無咁好精力同膽色再去玩過山車了。

跟住行去大樹灣，原來而家已經再無集古村了。不過呢邊更有feel，可能邊播住歌，成個氣紛好似熱鬧好多，加埋Ｄ佈置好似去左環球片場一樣。

呢個彭氏兄弟設計的，不過後來有人話驚加上要排好耐所以無玩。不過行足成晚雙腳都軟晒！

離開都已經１１：４５了，算叫玩足成晚了，唔知下年仲有無機會再來？