星期日一早去同公公飲茶,有生日利是收。妹妮仲一邊拎住塊簿牚食到lam lam脷。就快兩歲,而家問妹妮how old are you,佢會答coming to two,好快就可以答TWO了。
去茶樓指定動作係去睇魚魚,之前叫lobster做monster,而家識叫lobster了。
每次出門咪me都覺得妹妮著起衫仔裙仔好可愛,要留影。
最鐘意同爸B玩飛飛!次次玩親都丫晒口,爸B話而家妹妮愈來愈重,好快無力再玩。
一早起身突然話daddi buy ice cream,飲完茶去超市,我同妹妮留在車等候時又話daddi buy ice cream,等我立即打電話叫爸B買雪糕。食雪糕只係食小小,lam 下lam下
傻豬無啦啦用個lego盒笠住自己個頭,話係zoe's hat -_-" 當帽戴,奇在居然又行得到無碰撞。
晏晝表弟來了,仍然大喊十,見人就喊,只有媽咪抱先會收聲。記得妹妮9個月大時好似已經唔再怕人了。難得有張無喊的相。妹妮好似同緊表弟一齊玩iphone咁。
就快兩歲迫埋9個月,妹妮顯得好大個呀。
最近要自己餵自己,你餵她食,她會話mami,eat by yourself。。。應該係myself呀,BB你幾時先識分you & me,inside 同outside,myself同yourself呢?
個身型成個天線得得B咁。
今年買了半島奶皇月餅,好味呀!一個人都已食了兩件半!下年要買多盒先得!