石澳游記

由於早前去石澳感覺良好，所以同爸b計劃今日一早帶妹妮去游早水。話說我哋逢星期六晚都會同妹妮訓，今朝5點幾妹妮就典黎典去，比佢隻天巉腳伸醒。後來懶床到8點一家都醒晒，執好細軟往石澳去!

今日妹妮第一次坐新車車呀!

去到石澳已經9點幾，公衆停車場都爆滿，我哋要迫住泊人哋私家停車場。呢張相好似好悠閒咁呀。

先黎個早餐先, 呢間鋪d食物賣相唔錯呢!

食緊途中爸b碟煙肉炒蛋都到，其中一個樣好cool嘅亞姐走埋黎想抱妹妮。唔知點解妹妮見位亞姐伸出雙手，佢又一Ｄ都唔驚咁舉高自己雙手比人抱。亞姐抱得好輕鬆，將妹妮打側啷住喺佢條腰，喺食店入面行來行去，又繼續幫人落單。好搞笑！

可能因為又晏瞓又肚餓，妹妮心情欠佳唔係好肯落水，最多都只肯被抱住。最近妹妮識聽number one，聽到就會奉上食指一隻！

不敵睡魔急call，妹妮飲完奶奶就要覺覺豬lu。我哋焗住灘喺沙灘上乾煎，無聊之下影張全家幅先。

飲奶及覺豬後果然唔同晒，唔怕水之餘仲轉呔鐘意玩水水潻！

後來我哋一家去咗黃埔食晏。可能玩得太耐，妹妮返歸途中喺車箱中已倒頭大睡。返到屋企繼續大瞓２個鐘

其實今日媽Me同妹妮著親子裝嫁，點可以唔影返張合照？除咗number one外，妹妮聽到no more都會翻開雙手嫁。

新馬仔２

等咗幾日，今日有車攞了。專登約埋老細去，話晒都係佢比＄＄，無理由無份去見證呢個歷史性一刻嗎。因為我成日接觸車所以唔係特別興𡚒，不過老細Andrew就好開心，仲話好好揸。返到屋企後再落停車場將架車佈置一番。

BTW，妹妮最近成日‘car...car...'咁嗌，唔知係咪真係講Car Car呢？

'休’之日

今日係個值得紀念嘅日子，因為爸爸榮休了...其實爸爸十分唔捨得，佢舊年賣廠房時都已經好唔捨得間廠，不過爸爸都一把年紀了，最後都決定退休，享受生活。今朝我居然最早到，跟住喺公司樓下遊蕩咗一陣。發現附近Ｄ商店好多都改頭換面了，以前都喺呢區返咗好耐工，而家公司都關掉，我都無咩需要再黎了。說得希虛，我就走入公司樓下已開業一年幾但都未幫襯過嘅茶餐廳嘆早餐。一個上午，就為爸爸建立二十幾年嘅公司要畫上句號。

車完爸爸返屋企後就去搵約好嘅William, Winny, Oli飲茶，因為今日我哋...到海灘去！　休息吓，plan咗好耐喇，本來想遊船河但得１０個人又好似唔夠數，都係去一次海灘游水算了。難得擇咗好日，點知上星期打風，又有幾個luck底，好彩今日好天啫又多幾個人，終於成行！

四點幾先到石澳，不過可能暑假尾所以好多學生要作最後衝刺，今日個海灘好熱閙呀。泊好車落到海灘下海都已經５點了。天氣尚好，所以租咗把傘，點知唔夠半個鐘已經唔晒了。

沖完涼去bbq, 又平又好食！

試吓喺沙灘影夜景，影出黎都唔錯丫！

Ｂ聚＠ＺＥＮ

今朝落咗風球，天氣都未係好好，不過一早約定嘅Ｂ聚繼續進行。約好１２點到ＰＰ彩蝶軒飲茶，我哋沿途大塞車。喺金鐘對開見到有車禍...係電單車同大車，個電單車司機被消防用帳幕蓋著了，連路都封埋。

今次第一次喺茶樓Ｂ聚，都幾好玩，又有點心食。朋友仔今日都有yaya同行，真係幫咗媽me唔小，起碼有啖好食先！

妹妮仲自己餵自己食叉燒飽Ｄ飽飽潻。

今次有得坐ＢＢ椅，你睇妹妮坐得幾定！仲有隔離Clara ，而家１５個月大，但佢高過妹妮成個頭有多，睇吓Clara雙腳幾長就知啦！

Clara同元元一齊返playgroup，所以佢兩個friend D嫁。

思行Ｂ同Clara及今日唯一大哥哥Tommy（約2.5歲）合照

埋單後喺餐廳對開空地玩一陣，得思行Ｂ同妹妮未識行，妹妮唯有掹住花盤企吓扮大個啦。好彩有Tommy哥哥傍住，睇落都唔知妹妮未識行。

Goodbye前妹妮都有輕輕咁摸吓思行Ｂ呀，思行Ｂ笑晒潻

臨走時例牌要kiss kiss嫁喎，但唔知點解dＢＢkiss kiss 剩係會伸出塊臉，而唔係個咀仔呢？

走之前大合照，睇吓我哋幾叠馬！

又一天假期

今朝一早比大風扯開𥦬門聲嘈醒，但電視仍見３號波，仲以為要如常工作。好彩未夠８點就掛８號，都叫做有假放。其實大部份人都預知今日唔駛返工了。

妹妮睇奧運，妹妮好鐘意聽國歌，平時６點半新聞聽到國歌就即刻另轉個頭仔睇電視。呢排奧運成日播國歌，啱晒妹妮啦！

最後我都只係同老公拍拖去咗睇早場...batman，好out呀，套戲上咗成個月先睇。散場後去旺角食晏，沿途條街都無咩人，只見間中有樹橫屍馬路，招牌吊吊fing，先知個風真係幾勁，唔怪得要掛９號！好耐無試過掛咁高嘅風，仲諗起上次已經係Ｎ年前了。

返到屋企，就同愛貓小肥影吓相。

妹妮覺豬醒喇，有專人幫佢鬆骨，yayaGigi 話避免訓到d骨頭梗晒喎...一個字...嘆！

又同爸Ｂ妹妮影吓相啦

喺屋企無咩做，就同妹妮玩換衫啦！好好玩，今日先驚覺妹妮好鐘意衫，佢不斷喺佢箱衫入面翻箱倒籠，仲揸住Ｄ衫唔肯放手。有d擔心妹妮大個時會唔會扯住去童裝部呢？

兩條裙仔都係托Eldora去東京shopping時順便shop埋嘅，rock得黎又好cute呀！件top就直情好似我d衫嘅bb版，如果有我晒士我都想買呀！

又打風喇...

本來plan好晒今個５，６嘅行程。聽日去迪士尼，星期六Ｂ聚及攞新車。　節目多籮籮，等我仲開心咗幾日。　十足好似小學生有旅行去咁，係差未有興𡚒到訓唔著啫。　點知突然‘鸚 鵡’架到，搞到無得去迪士尼！如果打８號就連帶其他活動都可能受影響呀...平時都好期待８號波帶來一天假期，不過今次例外了...都係想去玩多d。　而家唯有計劃一吓聽日假期會做咩，可能同honey去睇戲啦！上次打風因為無車制留在家，今次應該都睇得成呱？

係時候睇吓妹妮Ｄ新相嘞，啱啱覺豬完，成個得得Ｂ咁。

去迪士尼做足準備

因為爸Ｂ公司今個星期五喺迪士尼開會，因此帶契我同妹妮都有得去！好嘢　由於未試過帶妹妮去咁耐街街，所以要諗吓除咗平時要帶嘅嘢之外仲有咩要帶嘞。今日探完婆婆後去咗一田買咗個保溫壺，咁咪可以帶粥仔等妹妮喺街都有得食囉。原來妹妮而家已經21.4磅。如果少食一餐粥仔，驚佢頂唔住呀！跟住仲買咗小量Ｂ用品，今次仲唔係做足準備？！

baby's first comb! 妹妮d頭髮開始長返，所以買把梳等佢可以學吓梳頭。睇吓妹妮幾鐘意把梳！因為ma咪平時都有用大人梳幫妹妮梳吓頭仔，妹妮每次都好enjoy嫁。

成日話幫妹妮攞個passport，但一直都未有行動...因為要去就先要搞好張相。上次影咗一堆，但BB大得快，如果嗰排唔去，遲一個月個樣都唔同晒。呢幾日又再試吓影，妹妮而家成日笑到見牙唔見眼，但要佢企／坐定定咁影就好難了。呢兩張都好得意，不過個身又唔‘正’　

ladies night out

went out with Wendy & Eldora tonight, before heading to Lee garden for dinner, we shopped a bit and I finally got my long lost favorite Jo Malone!! tried it in U.S. with Angie 2 years ago and only got a body cream sample, then saw it in Bangkok last year again but still didn't get it (as the price was more expensive than it is in U.S.). Anyway their scenes are sooooooo nice and I have decided to get it this time. I couldn't remember what I liked best back then, I picked nectarine blossom body cream + orange blossom cologne this time, it smells quite like peach and pear together...and I know I'll smell good!

十個月大喇!

眨吓眼妹妮１０就個月大喇！過多兩個月就１歲了。佢而家飲食已經好穩定了，每日５餐，早，午，晚３餐飲２４０﹣２６０ml奶，中間加插兩餐每餐一碗由yayaGiGi用豬骨湯底，加入鷄或豬或魚及菜或紅蘿白等材料嘅粥仔...大部份時候妹妮都可以食晒d 正餐。而每日都有食生果（如半個大蘋果，香蕉等）及小食（BB餅仔）。見佢咁好胃口，我哋都好開心，因為妹妮好活躍，一日不定‘運動’，都唔擔心佢會過胖嘅...妹妮而家都有２1磅lu.

今日我哋一家三口又去海港城食晏（因為就腳又有嘢行丫嗎)，雖然無比妹妮坐ＢＢ櫈，因為驚張櫈太大佢又太細粒會跣低，但而家妹妮都可以同我哋同枱食飯喇。

今日除咗食麵飽外，仲食咗爸Ｂ點嘅三文魚ceaser 入面Ｄ三文魚，食到咀lam lam潻。我諗遲Ｄ等佢坐得定Ｄ就可以比妹妮坐ＢＢ櫈嘞。

而家因為都係抱住，所以妹妮成日企喺度un un吓...我哋當佢喺度dance dance，仲專撩待應嘅，任何疑似待應嘅人，妹妮都會送上佢嘅四萬笑容。

睇吓成個麻luck仔咁，帳開晒雙美腿。唔怪得d路人成日當佢係‘細佬’啦！

試著Emily EE買嘅新衫，點知咁大件，留返大d先著啦！

妹妮仲未識行，但佢開始試放晒手企，仲學人好嘢（拍手）！不過只可維持半分鐘。我諗佢都未有咁快識行喇。

休閒週未

今日多咗爸Ｂ喺度，揍Ｂ嘅重擔就好似減輕咗一半！我哋今日去近Ｄ嘅新世紀廣塲食lunch，好耐無行過呢個商塲，以前又唔會行Ｂ嘢，而家發現呢個商塲都有幾多Ｂ嘢買。今日買咗個ＢＢ專用手提電話，有時行吓BB嘢都好開心嫁

去咗間巴里餐廳食lunch

妹妮見我有得飲，又想飲一份

食完lunch 就行吓街街，爸Ｂ向妹妮介紹玩具喎！妹妮最鐘意照鏡丫嗎。

返屋企訓完覺豬，晚上又出動去打邊爐，妹妮好耐無去夜街了

今晚唔知做mud成日伸條脷仔出嚟，好醜樣呀