康然3歲生日會

2月18日，康然開生日會呀！！妹妮一聽到有生日會去就好開心，佢係party animal黎架！



我地係最早到既朋友仔呀，趁主角仲得閒拿拿聲影下相先。加大碼又同加細碼一齊，要祝康然快高長大先得！不過有時都幻想如果妹妮係加細碼，無而家咁大隻，可能都好得意噃



見到音響度有兩支咪，即時擸左走唱歌，除左生日歌之外仲唱埋其他兒歌！



有D朋友仔到喇，不過兩個仍然死霸住唔放，唔肯讓比朋友仔唱呀，K癮大發！



朋友仔都比佢兩個音走了，繼續唱！



Evan叔叔發明左個無聊遊戲，將手指拿埋一著叫你估邊隻係中指，妹妮好鐘意玩架！上之食同Evan叔叔食完飯番屋企都話要再玩，今次叫埋爸B一齊估潻！



嘩，氣球送到了！！！ 妹妮第一個撲埋去



朋友都陸續到場，到開始有得食了！妹妮勁食菠蘿腸仔



妹妮見到隻米妮又撲左埋去，妹妮3歲生日時我地都有買呢隻米妮呀，而家妹妮同佢差唔多高了。

康然仲揸住支咪，好搞笑！



D細路走晒上個台度行行企企



切蛋糕喇！



爸B捉住妹妮等影相



點知一放埋去就做攝石人黐住個蛋糕



你睇邊個似生日多D？？



大合照呀，好多人，不過媽me呢日要返工，只黎食小小野就走了。再祝康然生日快樂！！



其他人都離開晒個蛋糕了，但係妹妮仍然守住個蛋糕



終於由主角吹焟爉了



由於呢次由爸B揸機，所以係小D相架喇，因為佢出名‘揸機’（只係揸住部機）並唔係影相，有呢D相都算係咁架喇。希望康然出年再搞生日會時我可以放假，幫妹妮同康然影多D相啦！！

家長日

2月11日，學校家長日呀，今次去面談，除左想傾下妹妮係學校既學習進度，同埋老師對佢既評語。因為妹妮就快要挑戰P1面試，希望老師比D意見可以點改善啦。一入到校園就有好多攤位玩遊戲，我地見hand painting 攤位無人，直程自己坐低幫妹妮畫。



兩隻手仔都畫晒花花了，妹妮超開心！！



入到班房已有幾個家長排隊等，好彩學校安排每個學生有本profile，由舊年N班已經做，不斷加頁入去架。比我地睇到妹妮係學校既生活



仲有妹妮係學校畫既畫同手工都加入本profile入架



最近課題係烏龜, 所以班房入面都有一缸烏龜, 同學仔同妹妮一齊埋去睇



睇番d相先驚覺妹妮好似大隻過同學仔好多咁既. 見到老師了, 老師話妹妮學術上全完無問題, 不過個人就好大懞, d野四圍擺要搵野就一定係佢. 另外就如我所料, 係唔會主動舉手答問題, 除非有禮物就會主動嘞. 當全班19人面前答問題就細細聲兼扭扭拎拎懶怕醜咁. 但如果係自己枱得4,5個人時就答得好大聲. 老師話妹妮係超好教的學生, 又靜, 又吸收到, 功課又好, 但係去小一面試時, 見你果幾分鐘就真係會輸比其他active d既細路囉. 起碼問問題唔會主動答, 人地點知你識呢? 加上大部分小學收生都希望收d aggressive, 夠presentable 既學生.  唯有而家灌輸比妹妮知, 係老師面前要積極舉手, 要比老師知道佢識架. 希望有改善啦.



妹妮, 你可以比其他老師知道你有幾smart嗎? 在爸媽心中, 你係已經好叻架, 係差小小怕醜啫, 媽me一定會濳移默化催眠你既.



星期日無諚去, 我地去左屋企附近個公園踩單車, 好耐無踩過單車了. 其實呢d skate bike 妹妮教極都唔識牚兩下就雙腳一齊踏上塊板等佢自己跣, 先再牚兩下咁. 佢係一路不停咁牚呀牚呀



所以玩一陣又話攰，要去玩韆鞦



已經唔駛用兜形韆鞦，仲可以打得好高潻！



其實對我地黎講，去公園玩可能真係好悶，有幾何會去公園玩。但係有妹妮之後我地成日都搵公園去，佢就真係玩得好開心，求其跑來跑去已經夠晒興𡚒了



我地都有備而來，帶定晒吹波波過來



食食下雪糕有個細路見到我地有波波機便走埋黎一齊玩



啱啱識都可以玩得好開心架

妹妮仲同朋友仔一齊踢波潻



同爸B組成一隊，同人地父子對踢潻



就係咁又一星期了！唔記得之前有無提過妹妮開始學鋼琴，但係都無放棄小提琴。佢似乎兩樣都好鐘意，仲開始拉到幾首歌了。


如常差不多每朝都去上下不同堂，都唔係催谷佢，旨在等佢kill time， 順便學下野囉



妹妮D利是我地一直擺埋一邊，到初十五都唔記得拆，係最近先拆利是咋！

爸B飛了

放完新年假第一個星期日爸B就要遠飛倫敦出差， 妹妮一直都話好唔捨得爹D。新聞話歐洲好大雪，去倫敦既飛機都有delay, 同取消，爸B班機都由本來上晝9點改左下午3點。不過去training，應該都唔會有機會出街， 所以都唔係好擔心既。

呢件top係Moon姐姐送架，妹妮第二日即著，仲話好鐘意潻！！佢仲一邊扭腰扭籮，頂唔順

2月6日開學了，妹妮上晝都有堂上，今日著左佢一歲都未夠時買的乾濕褸，居然仲啱著！！ 其實係3歲碼架，不過今年拎出黎又啱著

當時都買左件比自己呀，當然係細細件靚D啦

而家著起仲比以前啱身潻！最鐘意係後面有ruffles約隱約現，好靚呀

成個少女一樣！！



妹妮1月起開始學數學了，因為我地發覺佢係完全數盲黎架！問佢5＋1，佢會數晒你5隻手指再加1隻手指，等如6。咁6＋2呢？佢會豎起中國6（兩隻手指）＋另外隻手兩隻手指，都係等如4！！！嚇死人喇！於是報左個數學班比佢上下，第一堂教‘加一’，即係next number, 所以好容易就掌握到了，第二堂開始教加2加3，妹妮都好快pick up到。放學時仲問佢7加2等如幾呀？妹妮呢呢喃喃話：如果我有7粒糖，老師比我兩粒糖即係9粒糖囉！ 又幾叻噃！而家就算4X + 2 佢都得，不過就會話呢D係好深既題目。。。都係加二，加三之嘛，不過個基數大左就覺得好難，笑死人！



爸B係英國打返黎呀！而家真方便，有wi-fi直情連電話＄都慳埋。仲可以見埋面潻！

較啱時間（其實係爸Bjet lag瞓唔著）打黎時啱啱妹妮上完堂食緊晏，一邊食一邊傾



佢望住個芒望得幾入神！



嘩，遙距比個big hug爸B呀，冧到爆啦！！最冧係有晚我同妹妮講故事，講左李白既‘夜思’，之前佢都知呢首詩好傷感。今次一講呢首思佢已經話‘好慘架，好慘架’，我話係呀，就好似爸B而家係英國，望住個月光想起我地，好掛住我地架！點知佢即時雙眼通紅，捽下眼，撲埋我心口，但係又唔想人知，猛同我講：我好眼瞓呀，好眼瞓咋。



又手痕想整下麵包，我地買左部機都成日整架，一個星期都最小一次，今次試下做腸仔包，等D麵粉搞埋變成個粉團。。。好似幾成功咁噃！

將粉團分成十幾份等發烤



繞完腸仔再等多30分鐘



揸完蛋漿入焗爐了，180度12分鐘就得喇！



一陣就聞到陣陣飄香呀！



個包好鬆軟潻呀！！正！！



趁爸B去左英國呢個星期，媽me又駛＄喇，今次買左套親子褸。其實我果件唔係大人碼係細路160碼黎架，著起啱啱好！



其實妹妮果件的式D骨子D靚好多架，加上個袖仲好長，可以著多兩年，即時扑搥啦。不過中童呢件都唔差，加上大減價。。。同埋Cathy EE幫口，買埋了。



媽me著住條半截裙都係140碼，D繡花靚到暈，妹妮見到我著都話媽me你條裙好靚呀，比我得唔得呀？梗係得啦，兩份著抵好多潻！！



後面都有D detail睇下架



今個星期，爸B飛左，媽me放工後同返工前都盡量陪下妹妮架



本來想叫妹妮過黎我間房一齊瞓潻，不過又怕做壞習慣，第時成日唔肯瞓自己房，都係打消念頭了



之前因為想多謝Moon姐姐買左件咁靚既衫，妹妮仲跳左隻扭扭舞潻