為開學做準備，書包﹠書架

逢星期六晚，妹妮都會去我地房瞓，呢個就係佢平時既睡姿，一睇就知妹妮性格係豪邁型！



因為儲儲埋埋有一堆書，但成日hea住係𥦬台同梳化真係好唔自在，於是的起心肝去買左個書架。執好晒之後原來已經裝滿了！仲諗住係為黎緊呢一兩年可以買多D書比佢睇有位放架潻。都無數過有多小本書，初初用肉眼睇以為我地只有好小書，可能遲小小要再執下，睇下邊D要落架讓位至得了。以後買書都唔買硬皮版了，又厚又嘥位！

有左呢個圖書館後，妹妮更加鐘意睇書。以前佢都每日執起一兩本睇下。

而家佢當自己去左圖書館咁，自己摷完一本又一本。雖然全部都係舊書已經睇過晒，好彩佢又唔厭，睇完再睇都仲話好睇，有時自己睇完又要我再講多一次佢聽。

都好彩佢好肯睇書，平時去書局佢多數揭下睇下圖畫就算，係屋企坐定定反而佢會lun埋d字，細細聲口噏噏咁讀書。希望妹妮對閱讀既興趣有增無減，繼續睇多D書啦！

暑假時問佢想要咩書包，妹妮話要jewel pet，其實之前都唔知咩叫jewel pet架，妹妮話係隻貓有jewelery eyes喎。因為驚佢未揸定主意，所以叫佢睇定D先，唔好買住，等我集合晒所有款再揀。居然淨係一個jewel pet都有成8款你揀！！！未計hello kitty, melody, twin stars！！

我問妹妮真係要jewel pet? hello kitty, melody唔靚咩？佢話都靚，但係未買過jewel pet既野吖嘛，想要一個jewel pet呀。。。又有道理噃



最後揀左呢個漸變色既，因為佢好鐘意rainbow color喎！！試下揹上身睇下，又幾啱身吖，於是就帶左佢返屋企。其怪係原來jewel pet係細路界好hit呀！見其他同學仔都有好多人買左jewel pet書包，但又一個都無相同噃！

嘩，新書包大過舊書包好多呀！為免開學同同學仔撞包，我地扣左個hello kitty 名牌，咁一睇就認得出自己個書包啦！

要搬家了

今日打開個blog就見到額頭一條紅色warning說yahoo blog要執笠了. 係度落腳左都有5年幾, 之前既xanga而家都好似無左了. 做blog hosting真係好嘥資源咩?

其實當初寫blog, 最初主要係想比自己睇番妹妮既成長日記, 但係不經不覺都有小小blog友睇下, 都可以話睇住妹妮大架! 寫寫下識到d blog友, 雖然未見過面, 但係都好似識左大家好耐咁.  

忙既時候或電腦個相片管理糸統唔work時都會偷下懶. 但係都盡量想記得幾多得幾多. 同事仲話第時妹妮自己睇番都幾特別吖! 於是又繼續寫, 而家話執笠, 搬去邊好呢? 其實都有諗過到妹妮上小學就唔寫了, 因為已經大個左, 無細個時咁得意, 加上日日都係返學,做功課, 都無咩好寫. 唔通呢個就係個時候叫你停? 不過都想想搵下有無別處好地方先.

我見有 blogspot, blogger.com 同 yam天空部落格 好似比較有有規模小小...等有時間再摷下下個落腳地啦!

有睇妹妮blog既blog友, 有好地方不妨介紹一下呀!

游泳班

7月中，我地幫妹妮報左泳班。其實妹妮自3歲幾起就係樓下參加暑期泳班學游水，又去過YMCA學左一年。去年9月開始搵左個私人教練繼續學，不過私人教授無同學仔好似有D悶，而且又無準則，都唔知有無進步。於是暑假我地又停左私人教練走去報泳班。

暑假開始去上泳班，妹妮第一堂要試水已經連跳三級。由 A組 去 B組，再去 C組， 去到C組時，其他同學仔已經好似練水咁自動游來游去，但教練都有比浮板妹妮用。

點知放學時，教練居然推薦妹妮去“泳隊預備班”！？  吓，佢游果組人都叻過晒妹妮噃，我同爸B都奇怪點解要叫妹妮去泳隊預備班。但係職員話係要教練推薦先可以參加，我地睇過學費又無貴左，橫掂而家暑假就試下囉！



妹妮似孚好鐘意上游水堂，見佢都游得幾好！

每次都要做成廿幾至卅分鐘warm up架。

家長可以坐走廊觀看，但見第一堂泳隊預備班已經即時改左佢自由式既車輪手！泳隊預備班真係有料到架！！

個泳隊預備班7月頭已開始左，我地中途插入，可能妹妮係插班生。我見教練都成日埋去教佢D手，腳點郁，雖然一個阿sir對6個細路，但係無被疏忽既感覺， 覺得幾好潻。

可惜9月開學後，應該無時間再一星期返兩日游水班，可能要放棄泳隊班，參加番普通一星期一日既泳班了。

澳門嘆世界

8月17日，我地去澳門玩番個weekend。今個暑假因為妹妮個passport就夠期，錯過左去旅行機會，8月尾因為要考琴，又唔去得旅行了。唯有去下澳門玩頂下癮啦！妹妮知道有得去‘旅行’都已經好開心了!



原來weekend由尖沙咀去氹仔船到1：30就無了，我地成1：50先到，唯有去外港啦。。。搭2：30船

一上船D冷氣凍到暈，好彩帶左條巾可以褸下咋，妹妮當被咁

第一站就由碼頭去酒店，沿途過橋去氹仔時，妹妮見到新蒲京就話：吖，我記得啦，個獎盃呀！ 因為上次我地去新蒲京食自助餐，離遠話比佢知我地去呢座獎盃外型既酒店食飯呀，所將佢特別記得座‘獎盃’囉。

到步喇！今晚我地住大倉酒店，其實係托人訂房既。本來想試下Banyan Tree，但係可能係旺季爆滿，所以試下大倉啦。

一入到酒店就有燈光表現，即刻睇下先



行行下仲見到一排好高既model，佢地應該係去表演呱？

原來行晒出黎就企定定比人影相既，妹妮就走埋去搵佢鐘意既姐姐影相

妹妮話最鐘意呢個姐姐喎。

佢地停低一陣比人影相就走了，我地都係時候上房，仲想趁食晚飯前落泳池玩水架

攞匙了，上到去知道房間係盡頭咁制，心想行咁鬼遠，平時酒店通常都比近𨋢口位，方便執房吖嘛！



點知行到盡頭，見房門比一般房的都大，一打開門，原來係間suite黎架！！

我地對上一次住suite都好似係結婚時了，平時去旅行真係無幾何會book 個suite 住。妹妮同爸B都嘩嘩聲話正呀！



即刻走左入房玩

嘩，仲有私家桑拿呀！

大倉係日式酒店， 所以床上面都摺左隻鶴架

既然間房咁正，我地決定今日唔去游水住喇，係度嘆下間酒店好過啦！

點知佢兩個唔係嘆，而係玩捉依人！hide and seek !! 又啱既，間房夠大可以比佢去任‘呢’，最騎呢係妹妮‘呢’左係床下底！！要即刻拉返佢出黎沖涼呀

突然醒起手機有panoramic view mode，即刻影下相先，影出黎效果都幾好架！



整體酒店裝修都係好悠和，感覺好舒服, 妹妮話如果呢度係我地屋企就好了



最正係浴室有桑拿，有steam room，有jacuzzi 

hea 左一陣睇電視之後就去用下係 浴室啦！

妹妮鐘意開埋凍水淋住，夠爽噃

浸過夠再焗下桑拿，原來係房入面都可以hea咁耐

最開心莫過於妹妮！因為佢有鋪住酒店癮，次次去住酒店都話正，又話點解唔住多晚唧？

我地book 左樓下間意大利餐廳晚飯，所以玩到8點先落樓，又見到燈光表現

啱啱睇完無耐，但係仍然睇到吖晒口，眼定定

成8點了，平時妹妮差不多上床瞓覺了。咁夜先食飯一定好肚餓了，所以不定食包包

因為肚餓，個包都好好食

媽me鐘意食 carpaccio, 妹妮都好鐘意食D肉，但係火箭菜佢就麻麻地

鵝肝大通粉，妹妮話唔鐘意鵝肝有陣味，但大通粉佢就好鐘意食

個pizza都好香呀！

最後係suckling pig，初初以為好大隻，原來好細份咋！

D肉好嫩，皮又香，我覺得幾好味噃！



食飯之餘都影下相先

我地都食唔晒有野包走做宵夜，食完飯都成10點，過晒妹妮平時上床時間，嗱嗱聲上房覺豬去！

行行下有人拎住個泰國神象，好似係表演用既，同妹妮影左張相

返到房了，妹妮話張床同個枕頭都係都零捨舒服

唔駛十分鐘就瞓著了！

第二朝妹妮8點就自動彈醒，呢朝早出面有毛毛雨呀，仲諗住去游下水潻，不過食完早餐自算啦

好彩10點左右已經停晒雨，於是即刻執野落街。呢度個人做沙灘係賣點，一場黎到無去玩過就嘥晒了！！

妹妮一見到個沙灘已經好鬼開心

仲有人做大浪潻！妹妮超鐘意呀！！



佢一D都唔驚，不斷去撲浪

D大浪每15分鐘就出現一次，每次撲完浪我地又返岸邊坐下

一有大浪妹妮就即刻衝返落水

妹妮真係玩得好開心呀！！

呢度仲有個彈床，但係得妹妮一個跳，佢仲話見到有烏蠅，所以跳左一陣，sir左兩次滑梯就走左

呢度仲有個小小既BB池比小朋友玩架。不過妹妮而家鐵意衝浪多D！

無啦啦又擺甫士。。。

救命呀！！！

雖然唔係玩左好耐，但係都有DD攰架。好彩呢日無太陽，唔係好晒，仲有小小風，攤係度吹吹風都幾舒服架

妹妮開始玩沙，但係玩左一陣就要走了

好鐘意呢張相呀！

係時候返上房用嘆下個浴室，仲想比妹妮瞓下晏覺先走。。。睇下妹妮個pat pat, 好得意呀

再嘆下jacuzzi 先啦



唔知點解佢咁鐘意用凍水淋個頭呢？

我地再焗埋桑拿，又比妹妮試下瞓覺先至check out。今次真係用盡晒間酒店呀！平時去旅行多數都係出去玩，酒店淨係用黎瞓下覺，呢次真係例外，邊度都無去過，淨係嘆酒店，一樣咁正！

checkout 後去左樓下食葡國野

呢碟雜錦拼盤原來3味都係炸野。。。炸蝦餅，炸馬介休，炸魚都係用薯仔包住黎炸

鴨飯都係上次農曆新年食果間好味d， 多D料好味D

平時真係好小食葡國雞，呢日爸B叫了，D汁幾好味，不過妹妮居然唔鐘意食

妹妮最鐘意就係用D巾嬲住自己扮camping。。。行緊都唔例外！

當自己呢左入帳幕

食完飯埋單去到酒店門口都已經4點了，本來想去sheraton睇個卡通parade，但係大家都好似攰攰地，索怪返屋企了。

回程過返橋

妹妮又見到‘獎盃‘，希望好快又有時間過黎玩下啦！

bye bye macau

突然發現爸B同妹妮套衫好襯色呀！快D影返張相先 。