話說自妹妮出世起,我地都有個習慣係每個星期六妹妮過黎陪我地瞓。當年係因為覺得妹妮初生BB晚晚要飲夜奶,yaya星期六都要湊佢好似搞到第朝放星期日假都攰到無精神去玩啦。。。源於我地諗住體諒 yaya半夜起身幾次既辛苦,而家就變成週末傳統,我地同妹妮都好look forward星期六晚一齊瞓架!妹妮有時weekday都想過黎瞓,仲話:有我陪你瞓咪唔駛淨係同爸B瞓咁悶囉!
前幾個星期,上床瞓時妹妮話想講 ‘心事’呀!一聽到 ’心事‘ 即刻以為有d咩唔開心?? 唔敢同人講既野要爆大鑊?? 仲有分’學校心事‘ 同 ‘屋企心事’ 潻架,好似好凝重咁,真係有D擔心佢有咩咁唔開心呢?
首先 ‘學校心事’ : 媽me 呀,你知唔知學校好開心架?有好多同學仔同我玩架,最鐘意同我玩就係阿XXX,XXX 同XXX, 我又唔鐘意同YYY玩架,因為佢好曳,又唔聽老師話。。。下刪百字。原來‘心事’都唔一定係唔開心既!應該係軼事囉。不過聽到佢返學返得咁開心都好安樂,因為舊年K2時,我見佢返學好似無咩朋友咁架。班上又有幾個惡霸,妹妮都有講過無人同佢玩架,好彩今年升班後大兜亂,D曳同學掉走晒,而家見佢返到去又真係多左好多friend架!
至於‘屋企心事’, 會唔會係比yaya 蝦佢呢?? 妹妮話 : 媽me呀,你知唔知我最鐘意同邊個玩吖? daddy 同 媽咪囉。(咁yaya呢?你唔鐘意同佢玩咩?)Yaya成日都唔得閒 (我心諗唔通yaya掛住煲電話粥唔得閒同佢玩?) 妹妮話: 我同yaya講 ‘yaya I want to play with you’, 但係yaya 話係廚房煮野話 Darling, I'm cooking your lunch! 隔左一陣我又同yaya 講:‘yaya i want to play with you' , 不過yaya又係廚房話 Honey, I'm preparing your dinner。成日都係我一個人玩咋。
聽到呢度有D心噏,妹妮原來無人同佢玩覺得悶呀,希望自己可以抽到多d時間蛇返屋企陪下佢啦。
1月6日,我地約埋JJ同Sana去W hotel飲茶,好耐無約佢地出黎玩了。妹妮同Sana一見面就好似糖黐豆一樣!兩個去到商場見到d裝飾咁靚就自動波跑埋去擺甫士叫我地影相
呢D甫士佢兩個發明,唔駛教架!
有D似雜誌D小model呀,不過我地無sign up任何model agent架
去到酒店都係邊行邊玩架,兩個停唔到,十足孖妹一樣!
到酒樓了,JJ已經乖乖坐低食野,但係孖妹仲係吱吱咋咋,連Wendy EE都要叫佢地細細聲,呢度酒店黎架。
兩個嚷住要食蝦餃,燒賣,腸粉。。。連食野既taste都相似
到點甜品了,個雀籠係甜品menu,三個爭住要點野食
好難先影到三個既相呀,因為係得JJ比較斯文,兩個女好似馬騮一樣無時停
離開餐廳,見到lobby有張大床,即刻跳上去擺pose
JJ明顯無咁好氣!
朋友話好似個碟,裝住一件三文魚壽司,一件wasabi,一件蘿蔔蓉
飲完茶再上公園玩
去到公園可以放電呀
連JJ Daddy 都一玩埋一份呀!
JJ都係靜D,所以無跟兩個百厭星玩,兩個女仔直情無理到JJ 自己就走左去爬上爬落,比男仔更粗豪!
嘩,有蜘蛛俠呀!
佢地坐車都好開心,玩到成頭汗
我地好似趕鴨仔咁趕左好耐佢地先肯走呀~
兩個糖黐豆攬頭攬頸,真係好friend架!臨走都唔肯分開,妹妮叫Sana黎屋企陪佢瞓晏覺,Sana又話要教妹妮做功課,好鬼黐纏!我地車埋Sana返屋企,去到樓下,大家大嗌:CHURRRRR 先肯依依不捨咁分手,希望有多D時間可以再約Sana出黎玩啦!