只有一個朝早便起程去巴黎了，其實喺倫敦只有好小時間，好彩第一晚去了幾個景點！今朝一早食過早餐便‘的’爸Ｂ陪我去Selfridges買野，因為第一日見過這裏有cath kidston同Paul Smith的專櫃。趁仲有３個鐘所以把握最後機會！
今日好黑仔，時間已經唔多，仲要與著最直接的Jubilee line有人跳軌，搞到我地要轉幾輪車先至去得到同返酒店。
bye bye倫敦，唔知下次幾時再黎了
去到St Pancas站，起程搭eurostar去巴黎，但係又不是太興奮噃
因為太遲買飛，只有leisure class的位，比平飛貴一陪，成１３０磅／人，不過包午餐。
個位真係好似大一Ｄ
話就話叫3 course，原來一碟有齊，同飛機餐一樣！
所以無蝕底飲埋紅酒，結果大覺瞓了。一瞓醒已經到站
到Nord了，我們住Galaris Lafayette後面，應該好易搵的。同William，Coffey搭到站後便分道揚鑣，返香港見了！
嘩，間酒店超方便，而且比想像中靚。你知啦，通常酒店網頁影Ｄ相都比實物靚一陪嘛，不過今次都好近網上見到的相辦，而且有個真正french window!個浴室好大。
最好係有免費wi-fi嘛！可以日日同妹妮傾偈。
hotel : Best Western Opera D'antin
今日無安排行程，本來我要負責在eurostar車程上睇晒Ｄ旅遊書，plan下去邊的。但因為無蝕底關係在車上飲了紅酒，即時倒頭大睡到下車。所以今日行住Lafayette先！
呢度就係我們酒店對出的Opera了，到巴黎後感覺同倫敦好唔同，倫敦成日都人山人海，巴黎就真係似返Ｄ外國，起碼無咁迫人。而且周街都係古老建築，比倫敦更多呢。
之後去人人都話巴黎必去的Leon食青口，估唔到牛扒都一樣得，爸Ｂ仲話今餐係到歐洲後最好食一餐！
白酒煮青口
Ｄ白酒汁好好飲呀！連青口一齊食，正！！
五月份歐洲已經日長夜短，食完晚飯都十點幾個天先開始黃昏。我呢Ｄ鐘意光既人啱晒！！
