不經不覺妹妮已經4歲半了!! 好快就5歲喇,D人仔真係大得快呀。都好耐無幫妹妮度高,不過應該都有113﹣115cm了,44磅。著衫要買120cm 或者6歲碼, 著鞋要買12號或18cm. 而家已經戒晒奶了, 之前都會一早一晚飲一杯240ml, 而家都會飲, 但係已經唔係日日必飲了, 起碼叫做無左條癮. 傻妹係個大笑姑婆,除左把口無停一日講到黑之外就係笑騎騎。好鐘意同我地講秘密,成日一隻手箍住你條頸, 一手要揞住個咀係你耳邊細細聲講。又鐘意扮呢樣果樣,一時又話我同佢係twins,媽me係大家姐佢係細家姐,一時又扮自己係BB。。。
而家先K2下學期,但係已經要買過新校裙了,因為之前一條已經短到膝上3“了,一定捱唔到K3畢業,不如早D買著耐D。呢條望落好似大條,但其實都係緊緊及膝咋。
呢排開始落雨,搵返舊年Wendy EE送既雨衣,又可以當風褸著,妹妮好鐘意呀!
而家大個女,雖然個人粗魯D,但都好貪靚,成日想著長裙,最好長到及腳眼好似公主一樣。呢條裙仔係前年暑假去北海道旅行時買架,今年拎番出黎,yayaGigi當係長裙比妹妮著,佢勁LIKE!!
差不多兩年前,係吊帶裙黎架!
我地又出動喇,去公園做下早操,叫妹妮換條褲仔,佢唔想除左條裙,扭左好耐先講掂佢換褲咋!
通常去到公園,爸B自己跑步,我陪妹妮玩下公園仔入面sir滑梯,氹氹轉咁
仲有打下韆鞦
妹妮一D都唔怕高,成日話要打高D
陪爸B跑多個圈先啦!妹妮啱啱出世時,爸B已經好期待妹妮大D可以陪佢跑步架喇,因為媽me從來都唔騷佢吖嘛!而家夢想成真啦!
見到人地打羽毛球,兩個睇得咁開心!其實我地成年前已經買左對球拍架喇,到而家都未用過,呢日想攞黎玩但係又搵唔到筒波,無得玩!所以見到人地有得玩,爸B就介紹比妹妮知呢D叫羽毛球嘞。
好喇,我地去食早餐喇,不過唔係咬你pat pat呀!
食完早餐,返屋企,又一朝。自從妹妮返K2,因為轉左下午班已經無得瞓晏覺,平日見佢都精神奕奕。但係每逄weekend同我地出去食個早餐,去公園玩一陣,佢已經好似放晒電一樣,要瞓晏覺!平時D電係邊度黎呢?
終於換番條裙喇,叫佢影下相即時擺甫士任影唔嬲,佢都覺得自己好靚吖嘛
下晝去游水班,我地靜靜雞影相,妹妮見到我地睇住就好開心,成日同我地揮手。都係唔睇住佢好D,費事分左心!
啱啱個星期日我地去‘長佂’呀!所以戴晒黑超做足準備囉
首先去食左早餐先。
買晒花咁,梗係去拜山啦。。。不過妹妮唔知D花用黎做咩,猛聞下佢香唔香
我地去拜爸B個公公呀,妹妮今次係第一次去架。去到妹妮仲唱左首歌比太爺聽潻,爸B話要唱中文歌,因為太爺唔識聽英文架。
呢日去完柴灣去薄扶林。。。因為仲有二輪,去拜妹妮婆婆同太公呀。
正如之前話斎,玩左成個上晝,妹妮已經好攰了,抱住佢都瞓得著呀。不過瞓左十分鐘左右就要落車,郁一郁就醒了。
去到拜婆婆同太公時,叫佢唱歌,妹妮問英文識唔識聽架?不過又係怕怕醜醜自己亨歌咁囉。回程去中環,妹妮係巴士上已經‘傲’到瞓著,可能今日行程緊密真係好攰呀。我地仲去飲茶先,不過一落車佢又醒番晒。
EE買左個萬花筒比妹妮,啱晒佢成日卷埋張紙扮睇望遠鏡!
飲完茶,同公公一齊行去IFC,因為妹妮想睇長毛象呀!
呢排IFC有個長毛象展覽!我諗起前幾個星期妹妮有日問:媽me,本秘密館既恐龍書呢?
我搲爆頭,幾時有本 “秘密館既恐龍書” 呀?? 我唔記得呀
妹妮話 : 上次去秘密館時果本恐龍書呀!
我:哦。。。原來係 “博物館” 呀!唔係 “秘密館” 呀,無秘密架!
其實去到IFC已經成3點,妹妮真係好攰了,見到長毛象既骨頭,佢又諗起Lion King入面其中一幕講Simba走左去大象賁墓,有好多骨頭。不過呢D象已經絕種了。。。其實佢明唔明咩叫絕種呢?? 原來佢明呀!!妹妮話熊貓都就黎絕種喇,無BB就會絕種架喇。
可能星期日, 超多人,我地影張相就走了。
回家途中,比架相機妹妮影下相,頂住唔好瞓住,返屋企至瞓啦!
我問點解你隻腳大隻過爸B既?? 妹妮答:我隻腳近D嘛! (又幾醒噃!)
而家先K2下學期,但係已經要買過新校裙了,因為之前一條已經短到膝上3“了,一定捱唔到K3畢業,不如早D買著耐D。呢條望落好似大條,但其實都係緊緊及膝咋。
呢排開始落雨,搵返舊年Wendy EE送既雨衣,又可以當風褸著,妹妮好鐘意呀!
而家大個女,雖然個人粗魯D,但都好貪靚,成日想著長裙,最好長到及腳眼好似公主一樣。呢條裙仔係前年暑假去北海道旅行時買架,今年拎番出黎,yayaGigi當係長裙比妹妮著,佢勁LIKE!!
差不多兩年前,係吊帶裙黎架!
我地又出動喇,去公園做下早操,叫妹妮換條褲仔,佢唔想除左條裙,扭左好耐先講掂佢換褲咋!
通常去到公園,爸B自己跑步,我陪妹妮玩下公園仔入面sir滑梯,氹氹轉咁
仲有打下韆鞦
妹妮一D都唔怕高,成日話要打高D
陪爸B跑多個圈先啦!妹妮啱啱出世時,爸B已經好期待妹妮大D可以陪佢跑步架喇,因為媽me從來都唔騷佢吖嘛!而家夢想成真啦!
見到人地打羽毛球,兩個睇得咁開心!其實我地成年前已經買左對球拍架喇,到而家都未用過,呢日想攞黎玩但係又搵唔到筒波,無得玩!所以見到人地有得玩,爸B就介紹比妹妮知呢D叫羽毛球嘞。
好喇,我地去食早餐喇,不過唔係咬你pat pat呀!
食完早餐,返屋企,又一朝。自從妹妮返K2,因為轉左下午班已經無得瞓晏覺,平日見佢都精神奕奕。但係每逄weekend同我地出去食個早餐,去公園玩一陣,佢已經好似放晒電一樣,要瞓晏覺!平時D電係邊度黎呢?
終於換番條裙喇,叫佢影下相即時擺甫士任影唔嬲,佢都覺得自己好靚吖嘛
下晝去游水班,我地靜靜雞影相,妹妮見到我地睇住就好開心,成日同我地揮手。都係唔睇住佢好D,費事分左心!
啱啱個星期日我地去‘長佂’呀!所以戴晒黑超做足準備囉
首先去食左早餐先。
買晒花咁,梗係去拜山啦。。。不過妹妮唔知D花用黎做咩,猛聞下佢香唔香
我地去拜爸B個公公呀,妹妮今次係第一次去架。去到妹妮仲唱左首歌比太爺聽潻,爸B話要唱中文歌,因為太爺唔識聽英文架。
呢日去完柴灣去薄扶林。。。因為仲有二輪,去拜妹妮婆婆同太公呀。
正如之前話斎,玩左成個上晝,妹妮已經好攰了,抱住佢都瞓得著呀。不過瞓左十分鐘左右就要落車,郁一郁就醒了。
去到拜婆婆同太公時,叫佢唱歌,妹妮問英文識唔識聽架?不過又係怕怕醜醜自己亨歌咁囉。回程去中環,妹妮係巴士上已經‘傲’到瞓著,可能今日行程緊密真係好攰呀。我地仲去飲茶先,不過一落車佢又醒番晒。
EE買左個萬花筒比妹妮,啱晒佢成日卷埋張紙扮睇望遠鏡!
飲完茶,同公公一齊行去IFC,因為妹妮想睇長毛象呀!
呢排IFC有個長毛象展覽!我諗起前幾個星期妹妮有日問:媽me,本秘密館既恐龍書呢?
我搲爆頭,幾時有本 “秘密館既恐龍書” 呀?? 我唔記得呀
妹妮話 : 上次去秘密館時果本恐龍書呀!
我:哦。。。原來係 “博物館” 呀!唔係 “秘密館” 呀,無秘密架!
其實去到IFC已經成3點,妹妮真係好攰了,見到長毛象既骨頭,佢又諗起Lion King入面其中一幕講Simba走左去大象賁墓,有好多骨頭。不過呢D象已經絕種了。。。其實佢明唔明咩叫絕種呢?? 原來佢明呀!!妹妮話熊貓都就黎絕種喇,無BB就會絕種架喇。
可能星期日, 超多人,我地影張相就走了。
回家途中,比架相機妹妮影下相,頂住唔好瞓住,返屋企至瞓啦!
我問點解你隻腳大隻過爸B既?? 妹妮答:我隻腳近D嘛! (又幾醒噃!)