妹妮與朋友仔

一個月前妹妮話返學校無朋友仔，只有Ryan同佢玩，功課叫佢畫個朋友仔出黎，佢即時畫左Ryan，仲好鬼似潻呀（見下圖Ryan真身），留意妹妮仲幫‘自己’加番兩條辮，等佢自己可以長頭髮！ 不過而家返屋企已經聽佢講多左好多朋友了，除左Ryan仲有Julian, 同Derrek，佢話成日四個一齊玩喎，佢每次講起Derrek仲特別開心。

有件事覺得個畫面好搞笑，但係其實唔應該笑既。。。話說有一日我同爸B係屋企等妹妮去完playroom返黎屋企。聽到樓下有細路聲我地望落樓，果然見到妹妮呀。點知呢個鳥瞰式既情影出現 ： 妹妮狀似叉住腰咁雙手向後，上身傾前向對面馬路既朋友仔大叫：我都唔鐘意同你地玩呀，全部呀！ 然後即時雙手蹺埋個頭另向另一邊。之後可能D朋友仔已經入𨋢見無人啋佢就另番個頭向馬路。當時我覺得個場面好搞笑，不過爸B話妹妮咁惡係好唔啱架。妹妮返到黎我地梗係問佢做咩啦。佢話朋友仔Jana同Isabell話佢曳曳，但佢都無曳喎。Yaya就話佢地係playroom玩玩下可能閙交妹妮已經蹺住手走埋一邊，人地tum佢佢都唔啋人在先。一輪輔導之後。。。

第二朝我地問妹妮放學仲去唔去playroom呀？佢話 : yes yes...（一秒之後）NO NO
我話朋友仔成日都會閙交架，不過you don't remember it overnight。妹妮卻話 ：but I still remember  （真係吹漲！）
你係會記得，不過唔好記住咪得囉！
之後Yaya話如果Derrek唔同你玩會點呀？ 妹妮話：會say sorry，再叫佢一齊玩啦！
於是佢終於明白講和呢個道理，話會同Jana 同Isabell 講 sorry. 

後來下午放學Yaya話妹妮好識do係D好適當既時候走埋去同人地和好，好快又一齊玩過！


呢個女隻腳唔知係咪有牙架！著左對鞋都唔夠一年就踢到爛晒，仲甩晒皮！都唔知佢點著？！見到咁就算啱著都換過對比佢啦。呢對鞋仔好靚架，我地舊年7月去北海道旅行時買架，一口氣買兩對，呢對已經係第二對了。香港都唔見D咁靚既款。。。於是有日因為要用sogo coupon去sogo換左對黑鞋比佢，個樣係鈍D不過勝在個鞋底好軟，妹妮話著左好舒服。第一次試著時仲話自己係著左高踭鞋潻。



以前妹妮都係廳張畫畫枱做功課，不過爸B話唔夠‘正經’， 於是搬番入書枱做啦



又好似係專心D咁噃！

海港城反斗奇兵合家歡

有次個背瘠好攰，叫妹妮幫手揼骨，點知佢揼兩下就成個壓落黎。不過原來咁樣都好舒服！因為佢40零磅又唔係好重，有小小重量壓住好正！



而家間中都會叫妹妮爬上我身，佢又好樂意架噃！



星期六一早去海運食早餐，原來爸B一早約好晒家人去影相，早知著靚D啦！

海港城燈飾之前影過下，今日影合家歡, 三老表梗係主角啦

可惜太早D欄杆仲未拎走，去相！

4Y1M 。。。dinner with friends

踏入4歲，妹妮真係好似大個左好多，對答比之前更有紋有路。句子都完整好多，無以前成日甩甩cut cut咁。而家都無成日磅重同度高了，不過成日都覺得佢大件左好多咁，又係嗰句，好懷念佢細細粒個陣呀！

妹妮呢個管家婆第二朝起身仲繼續執下棵樹，差唔多日日都re-arrange下D吊飾，同埋搵‘quake quake'玩，每次玩完仲會叫quake quake你乖喇，返去你個frog nest 啦！



真係好有心機執架



呢棵樹由妹妮一手一腳掛晒，都叫做係佢佈置架



效果都幾靚吖，不過想再等減價時買多幾個掛飾，補番之前壓爛個幾個。



某日一早妹妮唔駛上興趣班，我地又去飲茶，唔記得有無講過，妹妮鐘意飲茶多過去麥當勞架！佢次次去親飲茶都會食腸粉，粥，同炸雲吞，不過又好自律，如果有咳佢就會話自己唔食得炸野呀，好忍得口架！



而家妹妮離遠已經認得呢座紅色既Mega box了，仲記得飲完茶有波波池玩潻！






星期日我地又約埋朋友仔食晚飯，今次唔揸車搭車去。



一邊行一邊影下相啦



爸B平時行路永遠快人一步，溜低媽me同妹妮隋後，而家睇呢張相都feel到妹妮急步追上去



大班朋友又聚餐了！本來買左盛八coupon, 點知無睇清楚原來要日至四先食得，星期六唔用得，好搵笨！



我地唯有散叫，不過D牛又真係唔錯既！



其實我地已經叫到一枱都係，不過可能無叫白飯，食極都話唔夠飽！



於是埋單轉陣去食糖水



點知男士們又被高科技吸引， 吸左入鋪睇新手機。




第二輪去到麻布茶房，食雪糕




乖乖妹話佢有咳唔食雪糕喇



於是爸B同妹妮一齊食個只有生果無雪糕既甜品



今次真係飽晒了！肚仔都滿戴而歸

又到聖誕。。。聖誕樹

有一次揸車經過見到周圍都開始有聖誕裝飾，我便話比妹妮知就黎聖誕節喇。
妹妮問：幾時係呀？（十二月係喇，有santa claus 架呢）
咁幾時係December呀？ （啱啱先過左October, 而家係November，下個月係December喇）
跟住我地係車入面唱下聖誕歌。。。從始妹妮就記得聖誕節係December了

繼上回去完搵EE飲茶後，我地就直踩去EE屋企做另一個任務，主要係比妹妮做架啫。未開工前又有小禮物收呀！係熊人公仔同另一棵scary plant（怕醜草）因為之前EE買比妹妮個棵已經死掉了。



呢D咁細既starbucks 杯仔好得意呀！！一pack4隻好迷你，另外兩隻EE話係舊年係日本買返黎喎，好cute!



可能個兔仔妝有d乾開始痕, 妹妮自己要求洗臉落妝.  洗乾淨後開工喇！！咪就係幫EE掛聖誕樹囉，妹妮樂意之至!



佢真係不知幾幫得手，續個掛晒上棵樹上, 睇相都知佢好有心機呀咧



掛掛下樹妹妮突然走去書房，我地問佢搵咩呀？妹妮話想搵肥婆呀（EE隻貓貓肥婆，不過兩個月前病逝，我地最後一次見肥婆就係書房入面喇）真係好驚訝妹妮仲記係心入面，我地又唯有同佢講肥婆上左天堂了。

話咁快就掛好晒了



姨丈拉好燈仲拉埋窗簾搞著燈儀式潻！妹妮又要encoure叫 ’又黎過‘



玩完一輪我地去行下新開既超市一田



因為玩左成朝妹妮應該都好攰了，快快兜一轉睇下有無野買先



呢度仲有新鮮生蠔潻！下次可以買上EE屋企食呀



順便認識下D疏果先返屋企



午睡後，到我地自己喇，都摷番棵聖誕樹出黎擺下先。妹妮小管家梗係落手落腳幫手啦！



叫佢將飾物隨意亂掛得喇。不過拆開袋飾物發覺最靚個兩個波波都爛左，好肉痛呀！我每年都儲dd，有d而家買唔番架喇。



初形已成，妹妮個樣幾得戚？！




其中妹妮最鐘意呢隻青蛙，仲改左個名叫’quake quake'。。。又同佢傾偈。。。又叫quake quake番去個frog nest 度休息。我真係第一次聽有人叫青蛙個竇做frog nest，仲要係棵樹上潻！