SEDOV

已經幾個月前了，（2月24日）呢排好懶呀，update一下先。呢日我地抽起條筋走去潻好運排隊飲茶。之前都去過旺角果間，但9點9已經見到成廿幾人等10點半開門，我地一向無耐性，所以無等呀。呢日去奧海城新開呢間，見仲有廿分鐘開門但都係潦潦十個八個人排隊，於是就去排埋一份。話時話今次係第一次食潻好運咋！



新鋪環境都幾舒服又乾淨，可能期望太大，覺得食物又唔係一食難忘果D，但係當然都算係好食啦！

呢日本來約左Sana下晝去溜冰，打去溜冰場問下 private class，點知兩個細路要成＄500／半個鐘，即係一人＄250呀，太貴了！！見海運有架古船到港，不如去參觀下啦！飲完茶去海運攞飛，免費架～！係海運商場入面免費派發上船証，我地11：30去已經派到下午4：30場了，因為每45分鐘一場，好彩一早去攞定咋！

妹妮同Sana見親面都好似十年無見好掛住大家咁架！

趁未夠鐘去食個tea先～

greyhound D千層蛋糕唔知係咪signature 黎架呢？

夠鐘入場了！！上次去Logos Hope又係上船買書，今之上船參觀，唔知遲D會唔會有更多船定迫係香港呢？呢D活動真係唔錯呀！

SEDOV 係架有成91歲架喇！

上到船喇！要又呼又喝先叫停到佢地兩個影張大合照咋！

D水手都好友善同遊人影相架！

Sana好照顧妹妮架，佢地兩個一齊落樓梯都要拖住手

Sana落到地先會轉身扶住妹妮

好似兩個老人家咁！



又有後生仔水手哥哥

佢兩個連影相D甫士都好夾架！

經過個風口好大風吹出黎，兩個又哈哈大笑覺得好好玩！

雖然就咁參觀下又無野玩，但係都玩左成個幾鐘先落船呀！

話晒係古船，影多幾張相留下念啦

入返商場，佢地見到兒童傢俬鋪，已經一支箭咁衝左入去，原來有騎馬仔！

話咁快又玩左大半日了！

豬B BBQ

我地一班朋友有成5個豬年B，每年最小都聚一次，但係舊年各有各忙，得大人出黎食過飯，小朋友就成年無聚過。今年趁新年搞個聚會，等班豬B同朋友仔一齊聚下舊。2月23日就到個個都得閒，於是就BBQ聯歡啦！



3點鐘暫得幾個family齊人，我地一邊燒一邊等，上到BBQ爐見到有D野未買齊，於是再走落商場買。

點知買完野返到上黎，幾個細路下半身濕晒！！除埋鞋潻！最弊係連對鞋仔都濕晒，妹妮對鞋係新鞋黎架，唔係所有鞋都濕得架嘛！原來佢地幾個踩左入水池入面呀！

既然都無褲換，比佢玩住先。媽me已經醒，諗住佢玩到成身汗所以帶定上身衫換，點知佢就黎濕個下身！另一邊廂叫EE行開街幫手買條legging，襪仔黎換下

好快朋友仔都到齊了，大人就掛住食，細路就由得佢地週圍走，放下馬騮算了。呢日天氣好好，直情有D熱，希望對鞋可以快D晒乾啦

朋友帶左姐姐黎幫手燒野食，我地可以繞埋手等食喇！

小朋友就成班自助走來走去，好在我地係屋苑入面，佢地走來走去都有限範圍，唔駛驚走失。

妹妮仲玩到瞓埋係地下，你估好乾淨咩！佢地有玩紅綠燈，狐狸先生幾多點。估唔到呢D遊戲由我地細個流傳左幾十年到而家D細路仲係玩緊一樣既野，其實都幾神奇架

其實個個都係想玩水，佢地全部都濕晒身！激死

因為燒烤場至5：30，我地野食都未燒晒就要收爐了，鬼叫個個都遲到咩，希望下次可以燒得夠喉啦

執好晒野點小得張團體照呀？！好難得約齊咁多人架

小朋友繼續狐狸先生幾多點

齊晒人幫細路仔影合照，免仔？

馬騮？又幾似噃！

之後仲有節目架，我地去會所打保齡，點知D鞋就有小童size，但係D波最輕都6磅重，小朋友只可雙手捧住個波

Hilina有爸B教

妹妮就媽me教啦，好彩球道有防落坑功能(上左兩邊圍欄擋住），啱晒佢地玩

雖然都係求其碌下波，但係佢地都覺得幾好玩噃

妹妮次次都大叫媽me傍住佢

要雙手捧波碌出去原來都幾難架

呢幅相見到小矮人碌齡，好得意呀

碌完齡再去食晚飯！係呀，因為求先D細路都無點食野，加上又玩完一輪，再去食D野先。幾個女仔已經friend過打band了，自動拖晒手行

Janice, 妹妮， Clara

行行下又換晒partner，拖左Sophie，見佢地個個咁friend都幾開心架，唔知大個左仲friend唔friend呢？

呢幅相又係幾得意，4個都係豬B，可惜Hilina行開左，豬年5隻女就差左一隻。妹妮雖然係豬B中最細，但係就最高大

我地去左商場一間上海餐廳，佢地居然有個dead end擺左張長枱，啱啱夠我地廿人坐（連埋3個姐姐）

而家D細路仔可以坐埋一邊等佢地自己食飯，正！

今日Hilina好似好靜呀，同妹妮cheers先啦！

期待下次集體出trip呀！！一定好好玩啫！