嘩，撞鬼囉，做咩著到咁‘靚’呀？因為有街街去囉，星期二晚係yayaGigi教會既大日子喎。。。據講基督教入面復活節係大過聖誕節架，於是星期二就有個聚會慶祝耶蘇復活。其實舊年都有再叫我地去，等我地認識下佢Ｄ朋友同識Ｄ咩人咁，仲好想帶埋妹妮比佢Ｄ朋友識。但係我同爸Ｂ都奉信無宗教，驚去到會悶，加上真係有事做，所以過去兩年都無應承去過。
今年見yayaGigi再三要請，而且知道得50分鐘，就應承去啦，就算悶都好快過啫。下晝我未趕得切返屋企，yayaGigi已經急不及待幫妹妮打扮好。。。有Ｄ難頂囉，由其呢個成個咕𠱸咁大既頭飾。不過當我第一眼見到妹妮時雖然有Ｄ覺得leung但都覺得佢好可愛既。
因為咪me趕唔切，yayaGigi就帶妹妮出發先，其實路途遙遠，要去到上環架。首先要搭綠van去地鐵
今次妹妮第一次搭綠van呀
跟住搭地鐵，再轉叮叮，今次妹妮搭左兩樣新交通工具呀。。。點解笑得咁醜樣架？
嘩，仲有麥當勞食潻！
聚會未開始，妹妮同教友們影相，都有其他小朋友噃
妹妮好似好開心，週圍同人social，又影相，又握手。
我就開始左先去到，妹妮一見到我就大聲叫hello mami，叫她‘shhhhh’，佢改為同我揮手。不過人家一邊講道妹妮一邊自己講野，把聲又響，都唔知yayaGigi有無後悔叫佢黎。由於要招呼妹妮，基本上我都無聽過Ｄ弟兄講咩。不過yayaGigi呢個教會十足聯合國，除左菲律賓人，印度人，仲有香港人，白人，連黑人都有！原來呢個session係英語版，之後都有廣東版的。
見yayaGigi睇聖經佢又話要bible。
到祈禱時又半咪眼偷睇！
因為我無祈禱，所以用手機影下妹妮囉。
最搞笑係‘阿門’又講得大聲過人，之後仲無啦啦念出平時學校祈禱的經文！其實我淨係聽到‘志失（jesus）x#*$&*Qyz’ 都聽唔出佢念的經文架。
眨下眼就完，yayaGigi介紹好多朋友同我地握手，搞到我地好似貴賓咁。我地‘比面’出席，yayaGigi真係好開心，佢寧願自己揸機都要我地有份上鏡。原來妹妮係佢Ｄ朋友入面已經好出名，個個行埋黎都知佢一定係Aerin了。
見過yayaGigiＤ朋友，真係好放心，因為個個都好正經，有Ｄ比如香港人更係大學professor，另我更加覺得教會真係一個包容到好多不同背景的人既地方，無論係菲傭又好係教授又好，大家都係平等，亦無因為她們係菲傭，而有階級分別，唔似有時係街上見到好多人都對菲傭特別無禮，好似覺得佢地係低一等咁。雖然我呢Ｄ咁懶既人唔會返教會，不過下年再有呢Ｄfunction，我都會帶妹妮再去的。。。至於爸Ｂ，當然又係no show啦！
