Dathan's 5歲生日會

7月22日， 呢日又有同學仔開生日會，妹妮自己揀左件Daisy T著去生日會



我地一早飲完茶先去，一去到生日會，壽星仔Dathan出黎迎接，有簽名布比小朋友簽番個名留念架！祝Dathan生日快樂！！



妹妮送禮物比壽星仔，但係可能平時唔係成日一齊玩，見佢兩個好似好生外咁。妹妮又怕怕醜咁，叫兩個搭住膊頭影相都唔肯。



唔埋咁多，見到魔術師哥哥派波波即刻走埋去先。



今日有好多同學仔都有出席生日會呀，呢位係Gigi



妹妮同gigi即刻拖晒手去玩



等波波



原來係個心形波波呀，扭得幾靚！



跟住小朋友玩集体遊戲，呢日妹妮出奇地大膽舉手噃！自薦做魔術師助手



居然又被點中上枱做助手



不過可能對住台下咁多人，又有D唔自然咁



幫魔術師手變白兔仔，拎住一隻海綿白兔係手入面



妹妮開始放鬆D喇



突然變左好多海綿白兔出黎，D小朋友即刻上台執



到壽星仔幫手



個個細路都好湧躍舉手參與



妹妮都唔例外呀！



Rio 都有份做小助手呀



妹妮好鐘意去party，一聽到有party去就好開心，黎佢又真係玩得幾開心既



到Dathan 同 Helena去幫手喇，呢位魔術師哥哥都表演左好多項魔術架，見D小朋友個個都好投入去玩，氣紛都幾好架



玩晒魔術後蛋糕出場了！



Dathan 同爸，媽，妹妹影番張全家幅先



跟住到成班小朋友



Dathan好鐘意angry bird，所以我地都買左樣angry bird小禮物比佢



支爉炾識放煙花潻！



妹妮見其他早到既小朋友有紋身，於是走去同姐姐講佢都想要，大膽左架喇 （都係要我陪佢先夠膽講架）



在場仲有攝影師幫小朋友們影相架



好靚既angry birds 回禮曲奇呀！！



妹妮攞左男，女 angry bird



唔只呀！仲有大禮送番比我地潻呀



睇佢兩個合照時幾生硬！



後來坐番埋枱，妹妮走去同同學仔玩，可能被同學仔個波波彈親塊臉。佢玩玩下扁晒咀走埋我度，之後就喊，仲要口入面仲食緊腸仔，好似好可憐咁。原來係同學仔個氣球彈親佢，同學仔個爹D帶埋同學仔走過來道膁。妹妮都喊左好耐先停，另一同學仔Rio 就好細心走埋黎叫: Aerin唔好喊啦，我地一齊去玩波波池吖！於是妹妮同Rio就一齊去玩嘞，兩個又幾friend噃！



嘩，份大禮真係幾大噃，仲有杯同手巾盒set，出年開學可以用了！！



大肥剛剛陣剪毛，妹妮梗係唔放過佢要摸摸啦！



直程擔埋櫈仔去摸潻呀！

暑假開始了

暑假了，妹妮好快又升K3，已經係學校入面最大個一群了。要告別BB車，其實平時妹妮都唔駛坐BB車了，不過去旅行。。。尢其係去東京我地一定帶埋B車去，因為東京實在太多路要行，要妹妮陪我地行咁多路肯定不消一陣就要抱抱，所以一定會帶車。但係年初去日本，妹妮都已經緊緊坐得落，由於兩邊有兜住加上妹妮著到糉咁，佢嗌：媽me，我坐唔落呀。。。其實係要兩隻手臂攝埋入個位入面。當然係攝得入啦，佢仲好enjoy係我地行outlet時佢攤你BB車入面攤唞，瞓下晏覺。



不過BB車都要退役了，我地將佢轉贈比朋友，臨送走BB車前妹妮攬住架車話 ： bye bye, I'll see you again! （其實佢係想講I won't see you again 定係 I'll see you again 呢？）呢架車雖然係大架又重，但係真係好用，轆大又坐得舒服，陪左妹妮4年幾，坐到而家四十幾磅都仲得，抵用過好多日本B車呀。



last day of K2，有個主題summer party，大家都要著夏天feel既衫。妹妮戴埋帽好好睇呀！



點知佢係要除左頂帽！！ 呢日媽me帶妹妮返學，幫佢同K2同學仔影下相



Nicole同佢又好似都幾friend噃



加埋Gianna一齊手拖手跳跳舞



Ryan都係妹妮既好朋友呀



傻妹同同學仔玩到跳起晒！

玩玩下成班呢晒係枱底，搞咩呀？



佢地原來玩緊hide & seek 呀，但係 係人都見到你地啦！



呢Dparty其實每兩個月尾就一次，順便當埋生日會，或有節日慶祝埋。食物都係我地每人帶一份返去share來食架



今日好多家長都有黎，但係個個想影張合照都難，因為叫得呢個另一個又走左。呢張都係等打鐘後，老師叫男仔企好，女仔坐好先影到咋！



暑假開始我地都無特別為妹妮搵暑期班呀，舊年都仲有專登報D班讀下，今年都係上埋學校搞既兩星期暑期班後，返平時D興趣班算了。星期六，日，得閒就游下水囉！


呢日落樓下游水見到朋友仔



兩個有講有笑好開心架！



真係無後悔買水底相機呀，影下水底相都幾好





兩個女仔就係咁捉住爸B黎玩，又過了一個下午