朋友聚 + 聖誕樹

下晏去完art jam, 夜晚到妹妮都有節目嘞, 去同Ellie一齊食晚飯!

雖然話係妹妮既節目就假, 其實都係爸b媽me同朋友飯局就真. 不過上次妹妮知道會同Ellie去食tea時, 居然記得有Ellie通常有埋Gwyneth, 佢細細聲講秘密咁問how about Gwyneth?

爸b輕常發bb寒, 見到bb就要爭住抱, 因為佢成日都好懷念妹妮bb時既模樣呀, 成機懷緬一下.

不過Ellie想自己爸爸抱抱多d噃, 一直望住爸爸

妹妮就唔理咁多, 食野先. 平時好小成塊肉咁咬, 今晚居然食梅菜蒸豬肉

妹妮已經到叔叔都抱唔起既地步, 最近無磅過, 不過大概都有37-8磅了. 

yayaGigi同Ellie個yaya傾偈時, 妹妮話yaya i love you, yayaGigi當然話 i love you too啦. 然後問Ellie個 yaya 'do you love her?' 另兩位yaya 啼笑皆非! 其實當晚妹妮見個個d attention都去晒Ellie度, 有d不是呆兒, 有時托腮好似悶悶不樂. 不過佢又好大方, 無嬲左Ellie, 仲肯錫鍚潻! 我地散band時妹妮仲話 so much fun 潻! 我地都懷疑佢又幾 have fun呢?

 

十一月底了, 都係嗱嗱臨拎棵聖誕樹出黎擺下先. 本來都諗左好耐應唔應該拎棵榭出黎, 因為太大工程, 要搬開好多鞋盒先搬到棵榭, 但係又想有d野比妹妮玩. 上兩年佢都仲細唔識幫手裝飾棵榭, 今年大個女可以幫手, 都係決定擺番出黎啦

叫佢幫手, 都不知幾肯幫手!

將d掛飾逐一掛上榭

不過掛埋晒係一堆既?!

第二日又再掛埋剩低未掛的

開心到笑到雙眼成條線咁 -__-"

總叫裝飾好了!! 不過頭幾日佢每日都幫我re-arrange過d掛飾, 有時又拎左去枱面, 有時又拎去梳化. 而家知道呢d係裝飾唔係玩具, 就話係 for hanging only, those are not toys! 遲d買一兩份小禮物擺係榭底, 就同佢睇圖書入面個d一樣喇!

Art jamming + afternoon tea

終於追番上星期了, 11月27日

一早如常同妹妮去食早餐, 再去埋公園玩之後, 我就同Eldora & Wendy去玩 art jamming喇. 爸b車埋我去, 路上妹妮問 where are we going? 我話佢知我去 art class呀, 佢即時問 you go to art class with me?? 因為佢而家逢星期一都有番個 art mania班, 玩下畫畫同手工, 我諗佢以為我同佢去佢個班art class嘞.

我話唔係呀, 今次for adult only, 同你班art class唔同架, 佢就有d失望咁, 我唯有話下次帶埋你去啦, 妹妮即時話ok

之前未去過而家新興的art jam, 去之前都無準備定今次想畫d咩. 一入到班房有好多畫架呀. 我仲以為得十零人潻.

霸左個位就去執自己既架生, 同埋要諗自己要畫d咩

好多顏料任你唧, 畫筆任攞,但係我仲未有頭緒想畫d咩呀...又走去揭下雜誌攞下零感.

最後都係抄牆上面一幅由畫廊老師畫的作品, 幾啱秋天吖!

同wendy討論下點畫先. wendy有畫畫根底, 可能比到d idea我呢. 你睇佢幾快已經知道自己要用咩色喇. 我細個時都有去過畫班架, 不過都好耐了, 中學時都有畫畫, 仲貼過堂同比學校拎去參展架. 但係真係太耐無畫畫, 生疏晒了.

其實自己仲心思思想創作一幅新畫...不過都係藍天白雲個種...唧定d藍藍綠綠就啱喇

算啦, 都係照抄易d, 起個稿先, 都唔知應該油底色先定係將d白色樹幹油上面好.

攞埋幅大畫落黎照抄

開始有d眉目了

玩了三個鍾, 差不多夠鐘要落堂了, 幅畫都算叫畫好了. 又怕再加幾筆又畫蛇潻足, 都係停手好了.

同大師比, 當然有距離啦, 不過遠睇都幾似吖

Eldora就畫狗仔

我地三幅畫好了, 其中wendy一幅好有水準呀.

同作品合照

經過3個鐘作戰, 當然要補番d energy啦, 去了 W Hotel 食 tea set

中式, 西式各一個

食完tea都趕住返屋企陪下妹妮呀, 佢見到幅畫居然好讚嘆咁話 so beautiful!! 跟住仲拎住唔肯放手

仲話係Aerin's picture!

去食tea

星期三，我地得閒有街去呀！約左auntie Kennis同BB Ellie 去 high tea。yaya成日都叫妹妮做model擺甫士比佢影相，妹妮都開始擺到熟晒架步，有姿勢，有實際喇！

加件cape成個小飛俠一樣咁神氣

去到餐廳坐低影下自拍

妹妮有街去就好開心，仲要有野食就更加happy! 呢排鐘意食魚，蒸魚＋小小豉油撈飯可以晒成碗！yaya有日講笑話煮埋條金魚‘哥哥’比佢食，妹妮居然無say NO之餘仲走埋去缸魚度同‘哥哥’講 ：yaya will steam you tomorrow, OK? and I will eat you。估唔到佢個人咁無愛心，仲咁冷酷呀！

好耐無見BB Ellie，而家大個左好多，已經識坐了！

估唔到連煙三文魚都啱食！

呢個角度可以影晒我地咁多人呀。

妹妮話想抱下Ellie，不過可能Ellie都feel到自己身處險景，爭扎好耐先肯比妹妮抱

都係驚驚地，Ellie都係喊晒口，哈哈！！

high tea過後例牌行埋商場， 妹妮仲好熱心去推BB車潻。

成個姐姐咁款！

去到商場就hyper一樣，要yaya捉住先肯停落黎影相

呢幅相都僅只係一秒鐘咋，轉頭又已經走左去了

去到LCX本來想買個ipad套，點知hyper妹妮見野就擸，當隻公仔係自己既一樣，好彩臨走時因為趕時間 he he hom hom乘機擺低左隻公仔唔駛比錢咋！

出到街己經天黑了

但係見到D咁靚既燈飾都嗱嗱臨影番幾張相

兩位yaya辛苦了，無佢地睇住兩位大帝，我地又點有啖好食？！