時間過得真係快，又係時候講bye bye。眨下眼已經係個trip最後一日了，真係有Ｄ未玩夠既感覺呀。因為北海道真係好大，我地仲有好多好多地方都未去架。
一早又上頂樓食早餐，回顧今個trip，我地都叫做食左好多‘好野’，比起去東京求其食Ｄ野，今次餐餐都算食得好喇。妹妮又食多左，好開心！
last day就同妹妮去円山動物園，本來諗住尋日去，不過去左outlet之後無時間，好彩今朝都無節目，仲可以spare到時間去。一入場就有個荔園式的遊樂場，真係好懷舊呀，妹妮猛指住個木馬叫'merry go round'，可惜每個遊戲要逐樣計錢，我地硬係無玩啦。
呢度都有anpanman???
仲有Aerin cry潻呀！！其實到而家我都未知呢隻野叫咩名架
無啦啦又話係媽me’s friend，仲丁字腳擺甫士-__-"
香港無咩動物園，妹妮之前只去過香港公園，九龍公園睇過下雀仔。呢度就多好多不同類動物了。
有黑熊
有北極熊
北極熊好似係呢度既生招牌呀
唔係有妹妮，我地旅行一定只有行街，唔會去動物園，所以一家三口影多幾張相囉
扮熊仔
跟住仲有海獅呀，個叔叔正啱餵緊魚，又好好人比左條我地餵噃。點知爸Ｂdrop左一條都再比多一條再餵
可惜都係再掉了，咁近都居然餵唔到落海獅個口！
仲有好大隻角既梅花鹿
同獅子呀！記得我地細個時都仲有個荔園動物園睇下動物，特別記得廋骨如柴既大笨象，而家香港都無獅子老虎睇了。
呢塊版好搞笑呀！妹妮又如常地伸個頭去影相，點知愈伸愈出，終於卡住了！！你睇佢個樣幾驚，爸Ｂ又試下拉佢出黎都拉唔出，妹妮更加驚。硬係啦！點可以夾硬拉架！要垂低番過頭就番個位先可以出到嘛，後來當然掹得番出黎啦。
呢度除左有以上動物外，仲有長頸鹿，馬騮，豹，班馬等等，的確應有盡有呀！
呢個動物園真係充滿荔園feel呀，除左動物又有遊樂場，而且個遊樂場都係無咩人玩，有Ｄ好似荒廢左一樣，好有七，八十年代feel呀。不過都無黎錯，始終見到好多平時係香流見唔到既動物！
今日都係毛毛雨，我地下午４：４０機，仲有時間就去埋機場付近個千歲outlet。網上睇過個shoplist都覺得唔會好啱睇，我地去過最多野買都係東京個御殿場outlet。不過爸Ｂ死心不熄就去睇下囉。。。點知真係買唔到野！
見到周圍都有夕張密瓜，不過爸Ｂ又唔係特吃鐘意食所以我地都無買返香港呀。
去foodcourt見到有個好精美既飛機餐，於是order左比妹妮。點知佢又扭計拒食！仲另歪臉扮嬲，因為比爸Ｂ閙嘛！後來tum下佢，又肯搭住我膊頭，應該唔嬲喇呱，跟住仲主動話要食個布丁，食完後仲話鐘意orange rice（茄汁炒飯）。於是又照板煮碗整碎Ｄ漢堡扒撈飯食，自己食晒呀！！
開心番晒，如果唔tum下佢，成個餐就嘥晒喇。
之前同事提過千歲機場仲有好多野行好多野買，所以我地最成兩個幾鐘就到。弊在蠢左入了閘！原來Ｄshopping center係唔駛入閘架！我地唯有在閘內店鋪打發時間，買了點長腳蟹，牡丹蝦，帶子當飯食囉。
北海道bye bye了，希望不久將來會再有機會來探你啦。
返到屋企妹妮急不及待攞架skate bike出黎玩，可惜佢剩係識單腳踏上板，另一腳牚牚下，未識牚兩下雙腳齊上板呢。
過兩日yayaGigi都放完大假返黎了！我地終於鬆晒！！ＹＥＡＨ！！！！！無見兩星期，yayaGigi話妹妮高左大個左呀，佢買左Ｄ裙仔比妹妮做手信呢。
