夏日妝物

真係好耐無買化妝品了，自從植睫毛後個人更懶，平時都係塗下粉底同唇膏就算。最近連粉餅都用完，於是去補下貨。一直都覺得Jill Stuart d 包裝好靚，以前都有用過唇膏，面油紙同眼影，其實d眼影都好閃好靚，不過而家已經唔駛化眼妝。呢日經過就試下夏天用既乾粉，同埋CC cream。支CC cream揸左之後其實塊臉都已經好似揸左粉咁，又唔泣，算唔錯！

呢個粉盒想買好耐了！今次終於的起心肝，我揀左呢隻控油粉底，雖然係乾粉，但揸上面又唔會好'粉'樣咁，勉強夠遮到臉上色班，其實比之前用過Cle de peau 都唔覺得差好多！就用完先再決定重唔重投CDP懷抱啦

某日，Bobbi Brown有人打電話黎叫我去上單對單化妝班，仲要係即日下午！我話咁急架？電話褢既人話係office抽纖抽中架，而且唔駛先付費再redeem產品，於是即日下午做完野就去左了。

呢次教'清新夏日妝容'，其實去之前都預左會買小小野架喇，首先打左底再上眼妝。雖然唔係揸左好多野，但係化左明顯靚過唔化好多！！於是又敗左小小，决定要化下妝。

左起係lip crayon，平時多數用珊瑚色，呢隻紅紅地又幾靚！

淺灰眉gel

 膚色眼蓋膏用作打底

淡粉紅色閃閃眼影

高清透滑粉底筆（防水、防汗、控油、持久貼服而不脫色，25秒完妝）

遮瑕膏

呢隻淡粉紅眼影叫ballet pink, 個名已經好靚，揸起好閃架！

好小用咁紅既唇色，不過呢排'千頌伊'熱，興紅色咀，就試下啦！

登登登戥！成個妝就係咁喇，其實比平時無化妝真係醒神好多架！於是同化妝師講： 希望d產品會用多過2日啦！最後我成個星期都有用，而同事都讚隻眼影夠閃，唇色夠sharp呀！

買比自己之餘都無唔記得妹妮架，夏天三寶走唔甩！諗起幫妹妮報左d summer camp要外出outing，又無得跟去，肯定佢唔會識補防晒，戴帽又焗住個頭，太陽帽應該ok喇呱？！好似戴住頭箍咁，加上係Frozen 圖案，睇怕佢會戴住唔除吧！

妹妮 ❤ Sonia Rykiel

今次係期待已久的H&M X Sonia Rykiel，一直都好鐘意Sonia D野，不過正價好貴，就算要買都等到 on sale先。今次Ｄ衫勁平，等如正價十份一，加上今次有女童裝，可以買埋妹妮個份，連爸Ｂ都讚成我買啦！又點可以錯過？難得大姑媽肯同我癲，硬係奉陪到底啦！

今次好勁！大姑媽晨早去霸到頭位，我就同埋妹妮食早餐先現身，第一次排到咁前，影番張相留念。

只係血戰半個鐘，計埋妹妮３個人已掃到５８件items，好勁呀！

妹妮呢一身七彩蝦條打扮好cute 呀

法式情懷，不過條裙咁長有Ｄ怪

又擺甫士嘞

我鐘意呢張，好似天橋Ｄmodel晒長腿著hot pants一樣，好型呀

呢Ｄ全部都係妹妮架！

有晒子母版架！

同妹妮著埋一樣既衫，唔知點解好開心架，仲開心過以前拍拖時同老公著情侶裝呀！

妹妮已經愈來愈pro，一叫pose，就即刻會兀起一邊pat pat，笑Ｃ人！

New Year in Tokyo day 之 買物篇

第一次新年去東京有福袋買，不過買來買去都是比妹妮的

最抵係comme ca ism，一萬yen有值四萬yen東西，數埋都有成７，８件。衫、褲、長、短袖Ｔ恤、裙全齊，仲要有大褸同斜揹書包！爸Ｂ話用來做電腦袋返工都得。

miki house都要過萬yen，但因為本身一件拿埋都過５０００yen，所以件數小Ｄ，又抽著袋比效素色的，無咩睇頭。

hello kitty 福袋係去Puroland時買的，唔記得５xxx yen連埋妹妮著緊條褲仔同裙仔。

呢Ｄ係去Gap，麵包超人館，miki house同猿人店買的小小戰利品，原來仲有幾件Gap褸仔同鞋唔記得影相呀。

再去hysteric mini 同猿人再入貨，今次妹妮真係滿載而歸！不過其實佢都唔識，係我地心甘情願要買比佢。爸Ｂ仲搞笑，只要話‘買比妹妮架喎’，就即刻睇都唔睇話‘買啦’！妹妮已經代替了媽咪的地位了！我話要買爸Ｂ都話你自己比錢咪買囉！

難得去outlet個日去as know as都執到套裙！

自己只買了‘小量’咋！！

買新衫

尋日做完事經過炮台山一間鋪仔便入去逛逛，嘩不得了！！入面Ｄ衫好cute呀，大部份都係韓國入口，一小部份就購自日本。

於是

。

。

。

入了一堆貨！件夾棉褸仔好得意，仲有條牛仔褲legging，舊年買了一條都日著夜著，呢條比上年那條更似牛仔褲，後袋都是真袋呢！另外Ｄ長袖tee都好得意又易襯，就買了兩件。

今朝yayaGigi幫妹妮修過個髮，又變番椰売頭，成個樣好似細個番晒。

件外套好fit呀，今次不再買大碼等出年番著了，橫掂買大一個碼出年依然唔啱。出年先再買過了！

血拼H&M X Jimmy Choo

十一月十四日, 又係好高騖遠貪靚鬼的大日子, 因為H&M 同JIMMY CHOO又出crossover喇! 其實有上次迫CdG的經驗, 都覺得今次未必有東西啱買的. 不過姑媽撩起去排隊, 最奇係爸B見有男裝又舉腳贊成! 於是星期六一早同妹妮食完早餐便一起排隊去. 9:50去到elements已經排到出的士站, 我估妹妮係成條隊中年紀最細的, 哈哈!

好彩有帶b車, 否則又係抱抱, 難為爸b雙臂了.

而家妹妮脾氣好大, 一唔likey就扭計要喊, 奇在喊親都會叫'mami tissue, clean eyes' 自己印下印下印乾眼淚.

未到10:30鋪頭開門, 爸b已經同妹妮上了樓上公園玩了. 我同姑媽一直等到11:30才入到鋪, 幸好有個伴傾下偈時間才過得快, 如果得我一人都未必有心機排去. 入到鋪時其實所有女裝都被搶得一空, 我們都是四周看看其他人有無剩餘物資, 卻又給我們拿到幾雙鞋子, 裙. 由其他客人'轉贈'的戰利品就係下面的星星clutch, 及灰色單膊裙

左邊這條黑色釘珠裙好靚架, 可惜太細所以姑媽要了. 幸好angelababy著住的黑色高踭鞋有我碼, 講真對鞋靚就靚, 不過勁高, 不是可以日日著, 但係$999可以接受呀. 另外姑媽仲要了右邊的藍色裙.

仲有下面對高踭鞋同每人一條skinny pants.

加埋爸B的西裝, 男鞋都有! 玩了3個鐘, 3個人駛了萬五蚊!