去旅行喇！

話說因為英航大減價，同爸Ｂ商量過後便於情人節當日落搭訂飛。

開開心心準備６月頭去旅行，點知上星期公司通知我有幸可於５月底跟公司一齊去英國參觀廠及MINI５０週年活動，YEAH！！but NO，我已經有機票，而且飛行日子只差一星期，咁我當然無可能去完返黎又再去於是又煩惱改機票，好彩最後都改到。但因為距離出發不夠一個月，機位緊張，唯有去多幾日。

好了，倫敦／牛津我黎喇！！因為本來已打算去埋巴黎，仲約了會出差的Kennis去巴黎一聚。而家都會stay behind，仲比預算多幾日，所以好想去多一個城市。心儀Barcelona或米蘭，不過老公卻又懶行，所以仍然未解決。

其實有旅行去心情都好矛盾，開心當然有得去旅行，卻又擔心留低妹妮。因為頭段旅程都係半工事，加上她仍細個，（雖然見有Ｄblog友都帶ＢＢ遠遊）所以未能帶她同行。唉，而家已經開始擔心，因為妹妮每朝都會敲我房門找爸Ｂ咪me，躺上我床上飲早奶。夜晚又會叫我coming去幫她塗cream。如果唔見咁耐唔知妹妮會唔會掛住我同爸Ｂ呢？

前日懷疑妹妮食錯野搞到臉豬仔敏感出風癩，時退時出，於是去睇醫生。妹妮去到診所已經認得呢到係個恐怖地方而大喊！慘，下次點去打針？奇就奇在妹妮要齊人離開才安心，只要我走返入診所攞藥，佢就即時尖叫大哭！驚死我被的去打針一樣。

坐的士可以自己坐，我隻手係人肉seat belt

行過尖沙咀新開Ｈ&M，見到呢條裙好得意，最後一條係示範公仔除出來。返屋企即時試身，妹妮著起都好cute!仲買埋泳衣仔！

著好衫準備返學

知到我要返工，卻走去著咪me對鞋

baa baa black sheep，第一件堂上功課

因為敏感風癩又出，上學中途折返屋企，連功課都帶埋返屋企做。

I love mama I love papa

星期六一早yayaGigi便替妹妮裝身，因為要返早堂去art play嘛。今日著I love mama先，話明love love 咪me囉！

我發覺妹妮個‘小蛋臉’好似細了，以前好似闊Ｄ。不過最近朋友及路人都不約而同話妹妮臉仔下半part似我，我又唔覺噃。

我勁鐘意呢條skinny jeans，其實係legging，但車晒線成條真牛仔褲一樣，好cutie!

一warm up後就‘發作’碌地沙，其他小朋友已經見怪不怪了。

又係最歡喜的茶點時候

妹妮而家已經好叻女，除認動物同Ａ-Ｚ一早背熟外，對咪me畫的圖畫都全部認得出，如貓，狗等動物，花，樹等，就連我畫波鞋同boot都識得分開係shoes 同boots!之前買的另一套flash card教圖型（circle, triangle, oval等）同數１，２，３及one，two，three都識，最多可數到six  鐘意音樂同跳舞，仲成日要開音樂播（兒歌）比佢聽，我諗等她夠兩歲便可以替她報kids ballet了。

仲有呀去茶餐廳經常識撈同老板，阿姐等又say hi又飛吻，帶契我們經常有免費燒賣腸粉食。因為老板見她咁乖就請妹妮食，但她梅下梅下食得慢最後通常由我同爸Ｂ啃埋。

星期日去咪me公司幫手做receptionist，成日想搶電話聽，Oli姐姐經常朝早幫手陪妹妮玩。我倆都話陪妹妮玩一陣個人都好似擔完泥般攰。今日無偏心著i love papa，我覺得綠色著起好似更靚。

上次去健康院時姑娘話小朋友玩煮飯仔會增加創意（？）叫我買一套，於是爸Ｂ帶埋妹妮去反斗城揀，妹妮都好鐘意玩！仲成日擺手上個栗米入口咬 -__-"

沙龍

呢幾日無街去，因為咪me又再埋首工作，不過在家影了幾張‘沙龍’

最近妹妮又轉呔，唔玩ＢＢ公仔改玩爸Ｂ上星期去反斗城買的新寵‘jeep jeep’==>鷄仔，妹妮好愛鍚jeep jeep，每次拎起它都會送上一吻

吻不停

你睇jeep jeep個咀幾細，不過一樣係嘟出黎的

有時又好鐘意朵花花，yayaGigi話每次扭曲個花桱妹妮就發脾四。點知我今次扭成一圈照頭笠，妹妮卻好鐘意。硬係啦，因為我勁讚佢pretty girl。於是帶住唔除不得只，仲走去㕑房show比yayaGigi睇 -__-"

係咪好靚jack?

‘係呀，我係聖鬥士星矢！’（爸Ｂ話的）即刻Ｅ起棚牙來個四萬笑容

bath bath前poo poo完便跑出廳，妹妮好少裸跑，所以即刻替她留情！

要好高技巧先影到又唔露點架！

佢真係好識擺post架噃！

歲半体檢

一連去了兩次体檢，星期一去母嬰健康院，免費的。妹妮而家已經在屋苑的實Ｑ間‘出名’了，每次落街妹妮都同實Ｑ們熱情的打晒招呼，所以佢好受歡迎。

見到𨋢由高降低，突然有Ｄ驚，向後縮

搭的士，終於自己坐唔駛人抱住了

本來去打埋歲半（４合１）針但姑娘話妹妮曾經到私家診所打過最好去返私家打，費是嘥了之前的私家針（６合１）。所以今次淨係度高磅重，同check下妹妮發展是否正常。本來我諗住妹妮見到姑娘會即喊，因為我發覺妹妮其實認得一Ｄ疑似醫護人員物体就會喊驚，不過今次對住姑娘又好定，仲可以一顯身手表現砌積木，姑娘比把梳仔佢就即刻攞來梳頭仔。請佢食餅仔又第一時間去攞，姑娘都讚妹妮表現好，令人滿意！

体重方面同前幾日差唔多，12.7kgs，好彩姑娘話未過１２０﹪所以可幸免減肥。

姑娘話妹妮大隻妙原因並唔係飲湯，而係飲奶，仲話應該由每日３餐減至１餐。我已經即刻去買栗米片，麥片等，不過都係慢慢來吧，好難要她戒得咁快，加上宣傳單張都話２歲下唔駛on diet。所以又係順其自然啦。

高度反而無超標咁多

今日再去私家打針，等候期間有玩具玩好開心

入到房見到口罩人（醫生）就開始扁咀，醫生立即比餅仔安撫

但係一掂就喊驚，簡直好似劏豬一樣！傻Ｂ，都仲未打針

唔知係咪剛食飽，今日磅已經１３kg了

閑hea週未

我懷疑因為上了兩堂nusery班，另妹妮大膽好多，更加開放自己！好似星期六的art play班，本來要在三個圖形填上不同顔色，不過妹妮今日好high，一坐低就攝起支腊筆亂咁晝。成張紙得一隻色，搞到老師要比過張新的再塗過

到唱遊時間，妹妮繼續hyper，人哋圍埋唱歌，佢就走出圈中間跳舞，跟住仲碌地沙！

同學仔都懶埋她，繼續唱歌，妹妮又自顧自的碌，連咪me叫都聽唔到

之後老師示範今堂手工，妹妮又帶頭走埋去搞搞震。

中段又周圍走過！妹妮似乎已經習慣了返學/playgroup了，因為今日佢好興𡚒，又將自己的餅乾遞比老師食，連老師都問點解今日咁開心？

星期日又一早起身去飲早茶，今次晏一點８點幾先去到，所以要等位。呢次去另一間酒樓，有大魚睇，妹妮猛叫fish fish。

去街必備的畫板，因為可以keep her busy，比Ｄ事妹妮做，否則就難為Ｄ杯碗碟！

掛住畫畫爸Ｂ就有時間點食物嘞

妹妮多數都係食下叉燒飽，馬拉糕等。而佢份人好generous，除了自己有得食亦經常會同人分享，餵埋咪me食。

去supermarket，又搶住要幫手拎紙巾，我發覺妹妮特別鐘意拎紙巾盒

拎到好似空姐拖喼咁

跟住帶埋妹妮去千両食壽司，妹妮當然唔食壽司，而且又好乖一下都無掂過條迴轉上的碟。不過又比我影到張餵食相，伸晒脷！

終於等到爸Ｂ落單叫碟蛋蛋壽司，有得食一份

食完又拍手唱‘Ｉ吔Ｕ’

返屋企了，又怎小得妹妮幫手拎野呢？