有得有失

因為妹妮而家識行，成日想走入廚房睇吓住喺露台嘅兩隻貓貓。安全起見，唯有加度閘，因為廚房對小朋友係個危險嘅地方嘛。

至於安裝呢Ｄ粗重嘢就硬係由媽Me我做啦！

以後要喺門隙度裝入廚房了！

妹妮個passport到咗了! 可以去旅行喇, 但係因為金融海潚關係, 爸b話可能無旅行去住。不過公公話想新年去美國玩, 唔知到時會唔會跟埋去呢? 係嘅話妹妮就有得坐飛機喇!

同事MonMon比咗個玩具我哋，係超級市場買餸車一架。其實係新潮果籃剩下嘅籃，不過我哋廢物利用做玩具，妹妮好鐘意玩呀！高度仲啱啱好潻

今日將妹妮d BB衫執出黎，先明顯地發覺妹妮真係大個咗好多。細個時D衫仔而家泊埋去妹妮個身變得好細件，即係妹妮大件咗好多呀！

呢對夏天買嘅涼鞋仔著咗兩個月就唔啱著lu，而家拚埋一齊Ｄ腳指仔突晒出黎。

星期日又去海港城，因為Cathy姨姨送嘅生日禮物有得攞了。順便去食Pizza，原來而家Ｄ餐廳好照顧小朋友，有晒腊筆同填色紙招呼細路。

行行吓街見到有個叔叔揸住波波，妹妮就申出雙手向個叔叔叫‘波波’...就係咁妹妮就成功喺叔叔手上攞咗個波波嘞。

又撞到Danny叔叔一家，同埋好鍚妹妮嘅姐姐，姐姐一見妹妮就摸佢塊臉想鍚鍚妹妮，好sweet架！

自製全家幅

弊啦，妹妮坐過一次電梯後就上癮，之後見到電梯都要爸Ｂ同佢搭。

終於收到學校通知, 我哋得waiting list...即係唔收啦。 不過無話失望嘅, 當攞經驗啦。因為都唔知收生標準，只係做返自己，始終一歲咁細都應該唔係睇細路呱，可能係我同爸Ｂ表現唔夠好啦。不過我哋好有體育精神，呢間唔收咪第間囉，媽Me會繼續幫妹妮魚翁撒網報多幾間學校架喇，嘻嘻！

十三個月喇!

純粹係想講吓妹妮今日十三個月大喇!

識行咗一個月零三日, 已經行得幾穩, 雖然間中都會仆低. 尋日就喺額頭起咗個'樓', 因為佢太百厭, 喺我哋張床碌落地! 好彩喊咗一陣, 經觀察後斷定無事, 仲鬼打都無咁精神!

除咗一仆一碌, 妹妮而家叫我做'MeMe', 比較少叫爸b, 如果叫爸b就會變成 'BeBe'. 睇電視廣告入面有bb出現都會不其然發出'BB'音. 唔知佢係咪真係識分呢?

面試

今日去面試了, 其實又無咩要準備. 我同爸b之前問過朋友, 都話通常呢d nursery班主要都係'in'家長. 咁我哋都睇過吓d學校資料, 所以都好輕鬆嘅. 我哋準時到達, 間學校環境都唔錯, 入到去仲開咗個波波池招待小朋友潻! 妹妮第一次落波波池, 睇黎佢幾鍾意玩喎. 留意吓妹妮真係鍾意綠色架, 佢拿住兩個波波都係綠色嘅.

叫名後就入去面試課室, 一行5個小朋友同家長. 入到班房後大家搵位坐低, 比小朋友玩吓枱上玩具, 等佢哋warm up吓咁, 之後老師就要小朋友們做出指定動作如枱上有蘋果同香蕉玩具要拿出指定的香蕉. 又或者一齊跳舞等. 可能陌生環境下, 大部份小朋友都做唔到. 其實有d妹妮可以做到更多, 但係去到新環境又有成班陌生人, 佢好都時都一尾望住人, 唔集中到. 玩完幾個集體遊戲就完成面試, 都唔駛'in'家長. 面試完仲有玩具送同氣球做紀念品. 我哋都無咩壓力, 算叫做攞個經驗囉. 不過結果都好快會知, 下星期自有分曉.

面試後'順路'去山頂行吓, 好耐無去過山頂lu. 上次都已經係n年前爸b同媽me拍拖時喇. 妹妮更加係第一次黎, 今日天氣好好唔冷唔熱, 個景仲好靚潻!

無坐攬車都影同個display影吓合照

可以坐露天茶座歎午餐. 誤打誤撞, 呢間餐廳d嘢好好食, 大蝦意粉d汁有濃濃嘅龍蝦湯味. pizza就算涷咗都仲脆, 諗起都想再食! 不過掛住食唔記得影返張相. 妹妮都有試食意粉同Pizza架.

爸b媽me食飽飽到妹妮開餐, 而家已經唔駛幫佢揸住個奶樽了,可以自己hold住個樽飲晒成樽. 只要比佢微微傾斜咁躺喺度就得.

夠秤坐大B car seat了, 因為初生嗰個已經室唔入, 雙腳仔隊晒出黎.但喺新car seat又好似太細粒.

上次用手機影的豬咀相.

H&M X Comme des Garcons + Mikimoto 150th Anniversary party

今日係h&m的大日子, 因為差唔多一年一次的cross over今日登場! 上次viktor & rolf都有幸托身在紐約的好友Lewis代買, 因為當時香港h&m仍未開業. 今次能夠'參與'呢件盛事, 我就緊係不會錯過啦!

10:55在朗豪坊店開鋪前趕到, 已經打咗幾個蛇餅了. 哎呀, 我今日專登黎架, 千祈要買到呀!! 心想可能無咩收穫, 但既然去到都無謂白費車程, 於是就乖乖排隊. 只排了5分鍾, 入面職員一起倒數, 便為我們打開大門! YEAH!!!!

每人手上都執住最少一件圓點

雖然我之前已有好多人, 不過入到去仍有不少'筍嘢'! 因為好多人都係攞住先, 試完唔啱就掉出黎, 所以去試身室就執到好嘢嘞. 又有人的嘥士唔啱會願意同你交換, 因此我就湊夠心水items喇 仲幫爸b買咗套西裝潻!

首先執到左邊件燕尾外套同入面件棗紅色冷外套 + 右圖不規則百褶裙

跟住係藍色波點恤衫, 黑色四個骨褲 + 右邊黑色不規則外套

下晝同Cathy去聽學校講座後就同Wendy, Eldora去Mikimoto party. 上年因為坐月所以無得去, 今次第一次去, 好多guests都戴住大抽大抽的珍珠鍊, 有d直情大到好似白鳳丸咁! 我就只有一相老公年前送的耳環仔. 不過珍珠真係好靚, 有錢都想買啊!

model展出的都好靚, 但係坦白講又唔係成日可以戴得到呢.

Eldora早走, 得返我, wendy同jessica

終於過到電話d相, 呢幾張我好鍾意的, 有d似唱片封套咁呀! (又自我陶醉)

new friends

天氣終於冷喇!都幾開心, 因為可以轉季嘛! 加上經濟轉差, 好多商店都陸續開始減價, 真係有點身痕, 哈哈!

最近身邊朋友的07年bb, 都已經開始返playgroup了. 雖然她們都大過妹妮, 但係都是時候開始要為妹妮找學校喇, 上星期六仲收到通知今個星期六要面試潻. 為了令妹妮面試時不會出醜鬼揸大喊, 唯有在這短短一星期入面帶妹妮見多些人, 等她不致於一見陌生人就喊囉. 星期六就到爸爸朋友Danny叔叔屋企玩, 識識新朋友.

Danny叔叔個囡囡已經4歲了, 所以好有姐姐風度, 很照顧妹妮.

奈何妹妮很怕醜, 姐姐鍚她都被推開.

不過都有友好一面嘅, 一齊聽國歌睇新聞

我哋當然不會就此放棄, 尋日繼續幫妹妮識多d朋友仔. 去clubhouse playroom 玩. 途中有個湊囡囡放學的媽媽見妹妮行得好穩陣, 便撩我哋傾幾句. 她的3歲囡囡可能都覺得妹妮咁細粒好得意, 便趨前想抱抱妹妮, 妹妮見人熱情一的便嚇怕了, 當然搵yaya謢駕.

去到會所只有我哋3人, 妹妮玩滑稽都丫大個口.

玩了一陣終於有人喇, 不過係大幾陪的大姐姐, 妹妮都不放過走埋去撩人玩. 我發覺妹妮只可以主動撩人, 但當被撩就會驚青走人.

終於有friend喇, 係2歲大Amy姐姐! 不過今日Amy好cool, 妹妮一見Amy就想埋去摸(篤)Amy, 但係Amy無理妹妮, 連叫她hug hug都不理.

這幾日妹妮經常扮怪樣, 一時依起棚牙, 一時嘟咀仔, 真係古靈精怪.

今日又到公司quarterly頒penetration獎, 又係2獎, 又係同一份禮物, 不過預計下個quarter可能無獎攞了. 等我好好諗一下點樣用這coupon先