做運動＋lunch buffet + 表妹生日會

8月12日，呢日一早起身，一家人去九龍仔做下運動。帶埋球拍諗住玩下，呢套羽毛球套裝係姑姐送比妹妮既一歲生日禮物黎架，而家終於叫做可以攞黎玩！



去到公園妹妮好似D婆婆伯伯咁，第一時間即刻衝去玩阿婆gym



同公公婆婆爭器械玩



可惜腳仔唔名長玩唔到單車，做完器械我教妹妮玩羽毛球，但係玩左一陣都未係好識開波，妹妮又走番去做器械操



呢排睇完奧運，妹妮對體育多左認識，跟住同爸B賽跑



爸B教起跑， ready-set-



GO!



妹妮跑左差唔多一個圈呀！！中途停左一陣就比爸B趕佢繼續跑喇



你睇樣跑到wher晒！



仲有小小就跑晒400米喇，但係佢已經攰到唔想再郁，不過爸B話奧運會D運動員都唔會咁易放棄架！推妹妮跑埋佢



最後妹妮真係無放棄跑到終點呀！！！！連有幾個係運動場既叔叔見到都拍手鼓勵妹妮，話佢叻！幾開心？！



呢日節目密麻麻呀，中午去朗豪坊同公公，EE，舅父食buffet。最近朗豪坊個display幾靚呀！



全部都係手織既作品黎架



手織既金魚街，入面D金魚都係織出黎架



包括呢個水龍頭



架巴士既表面都係手織既patchwork



夠鐘入場食buffet，妹妮每次食buffet都係甜品食得最多既！

因為妹妮無啦啦話以後見到人唔駛叫人，唔叫EE喇，EE扮野話嬲左，點知妹妮即時喊呀！（唔知係驚EE嬲定係，自己覺得無禮貌內疚呢？）我地教佢請番EE食野賠罪啦，佢開頭都尷尷尬尬咁，後來硬住頭皮tum番EE，開心番晒！



為左攞朱古力仲搞到媽me同佢自己件衫都污漕晒，黐晒朱古力！



影下大合照先！！



係餐廳出面有部攝影機架！！可以見到自己，哈哈

我地自己又自拍一番！


見到石象就走埋去扮埋一份



返屋企換件衫（因為求先有朱古力漬污漕晒）又要出發！去表妹生日會



表妹今年兩歲了！



生日party係嫲嫲一家自己人食下野，hea 下，不過我地啱啱先食完buffet咩都食唔落住



hea到6點鐘左右，蛋糕出場了！！妹妮近期好鐘意既little Miss 呀（佢任何Mr Men 同 little Miss都咁鐘意！）生日主角都無佢咁興奮即刻撲上前好似想吹焟燭咁

食飽飽 同表妹一齊玩下先啦



祝表妹生日快樂，快高長大，健健康康！

妹妮去打工 ＠Bom City

8月10日， 呢日買左團購同妹妮去bom city玩。見朋友同卜友都去過，好似幾好玩於是的起心肝買飛去。其實呢D類似baby boss既玩意日本同台灣都有，但係我地去過咁多次東京都無去過，因為覺得講日文，妹妮都唔識聽，都唔好玩啦。而家香港有得玩，唔駛雞同鴨講，應該好玩好多！



本來諗住早D到去到商場食早餐，點知個商場一間食市都無！！！唯有焗住係門口等開門啦，10：30終於有姐姐出黎介紹喇。每人可以玩3種職業，打完工仲有＄5收潻



呢度都算幾多職業，有牙醫，中醫，產房護士，警察，飛虎，消防員，粵劇，model等。不過見到個百子櫃咁得意，都係試下中醫先。



有晒醫生袍幾似模似樣噃！家長只可以隔住玻璃觀賞，見導師同佢地講要執四種藥，仲要磅下架



於是個個自己去搵藥櫃執藥了



再要磅下準唔準架



學埋包藥



仲有得‘中’下潻



玩左大概半個鐘，終於放工喇！



妹妮收到第一份糧呀，幾開心！



跟住我地去做小警察，原來每份工都係半個鐘左右就開班架



入到房madam 率先教佢地 salut時要講 Yes Madam!



見個個著起警察衫都扣鈕，但妹妮就呆企！問佢做咩唔扣鈕呀？點知佢話madam話唔識扣就等madam扣喎！



小警察梗係要開下槍啦，仲戴晒眼罩同耳筒架。不過妹妮同另外幾個年紀細D既就係槍架上射槍，另外兩個大D既就可以拎起支槍黎射



準備去巡邏了，爸B見到妹妮呢張相話佢成個麻甩佬咁既樣呀

睇落又真係幾麻甩噃, 成個雜差咁款



原來有註場攝影師幫小朋友逐個影相架



影晒相小朋友們就上警車出去巡邏喇



架警車兜左個圈，大家就落車巡邏



佢地今次要去兜截D藥後驚駛既司機，見到有個家長扮司機去截停問下先



仲要考下佢可唔可以單腳跳5下，行直線等



最後妹妮去左做主播呀！報導天氣，導師會比段稿佢地讀，練習後就會上電視架喇



妹妮出鏡喇！！可惜啱啱有警車出巡，比D ‘bi-bu'聲蓋過妹妮把聲。但係都聽到佢話 ： BOM TV提提你，今日天氣炎熱，出門時記得帶太陽眼鏡呀！



眨下眼就打左3份工，妹妮就話好好玩。佢話今日最鐘意係做中醫，最唔好玩係主播。平時妹妮一見粵劇就興奮大叫，叫佢去玩粵劇佢又話淨係鐘意睇唔鐘意做喎。反而話下次想試下去產房湊BB！



打完工，賺左＄15，換咩好呢？妹妮就換左一個氣球，一粒糖同一次油指甲！



臨走見到攝影師影既相又幾靚噃！！好搞笑潻呀




張張都影得咁好，於是又駛左二百幾蚊買相同匙扣！！又駛多筆！不過妹妮又玩得咁開心，都值得既。



係時候食晏，妹妮話想食壽司，我地去左Elements，但係撞正lunch hour度度都要等位



好彩丼丼屋最快有位



妹妮本來話佢食bubble飯 （三文魚子），我食滑蛋豬扒，點知見到滑蛋豬扒已經候擒到食左大半碗！



佢最鐘意既bubble飯黎到佢都飽左一大半了，不過妹妮好好胃口，食左好大碗呀。可能打完工真係好攰吧！