大年初一，一早起身當然同爸媽拜過早年！
Burger都有利是架！
點知未起身就收到公公電話話入左醫院睇醫生，因為去唔到廁所，於是去左浸會要入院觀察。我地改去醫院探病，話晒初一，都扮好靚靚去拜年，幫妹妮卷左髮點知變左師奶仔
其實初一去醫院我地都試過，妹妮3,4歲時既初一早上發燒，我地都去左法國醫院睇醫生，所以百無禁忌！
陪左公公一陣，佢成晚唔舒服無覺好瞓，係醫院安頓好反而有覺好瞓。探病後我地去左食個新年飯。其實好鐘意新年時個個都休息，連商場d鋪都關門既日子，雖然無鋪頭行街，食野地方有d都未開門，但係就好有休息既感覺，同平日好不一樣嘛！而家好多地方都初二已回復正常，其實外國都會大時大節大家一齊放下假，希望呢個習俗會keep住，唔好初一都同平時一樣，比人放下假啦！
晚上去嫲嫲屋企拜年晚飯，妹妮著起圍裙幫手洗碗時成個日本師奶仔咁款，好搞笑！
大合照
過往幾年都有係公公屋企樓下商場影全家幅，呢日無去到，係大堂影返張算了
