想起對上一次踩單車，好似已經有成兩三年前了。因為果次我地帶自備單車，朋友仔行行租單車，但係租既仲好踩過私傢車。因為妹妮架係白色膠轆果d加上好耐無踩可能都生生地銹，見到妹妮踩得好吃力-_-"。
最近卻連續踩左3次！
無踩幾年單車，我地都無買過架新既，租車算了！呢次爸B想教妹妮踩兩碌，但係無踩咁耐一踩就兩碌？
呢日我地租左架大車同細車，爸B教時我又可以踩下，EE都有join 我地，佢教時爸B又去踩下。
因為仲未轉涼，呢日天氣其實好熱，妹妮個頭滴晒汗呀！
學左一個鐘左右，都係換架四碌比佢真正踩下單車啦！呢個公園租車好抵，＄50/個半鐘，好抵玩！原來仲有單車班，係單對單＄180/50分鐘，問過單車鋪哥哥佢地話要兩，三堂到會學識，咁次先啦！
finally有得踩下車開心下了！
好彩醒目帶定衫換，跟住去大吃大喝一番！
食完午餐再去食埋豆花！好充實呀
隔左一個星期，趁得閒天氣又涼左再來踩單車！
都係由爸B教，有上次經驗呢次學平衡先。左腳踏住腳踏，右腳牚兩下再遞起練平衡。
其實公園入面都好多小朋友學緊架
點知就係咁踩踩下，就學識左！！記得細個時玩4轆再變3碌學平衡至學兩碌，妹妮學識時好開心大叫： 媽咪！睇下，我識踩喇！！
行開九龍城見到舊郵筒，新聞話會剷走皇室logo，嗱嗱聲影下合照，唔知幾時呢d歷史文物會消失晒嘛！
自己去買葛菜水，妹妮又好似飲得幾enjoy!
第3次 上星期日同朋友仔去另一個場玩，她們仍是4轆所以可以奔馳於跑道內，妹妮仍要練下至得
不過呢個場跑道窄左d，要練都唔易
Elly同康然踩左一，兩個圈已經出大道踩了。
妹妮仲要跌跌碰碰咁練，又話單車係學識左就永遠記得既？但係好似學識左仲要多加練習至得！
踩完單車去開餐！
呢晚係畢生畢太結婚紀念，晚餐都預埋我地真係好榮幸呀！Happy Anniversary！！
