沒有yaya的一週

十一月初，yaya要放假返家鄉去飲侄女結婚果餐，一連走左十日呀。媽me只能請一個星期假，之前yaya放假都係趁暑假放，我地又可以趁佢返鄉下時去旅行。今次放係十一月，妹妮又要返學無得去旅行，媽me就要日日同妹妮係屋企hea了。

第一日係星期五，因請唔到假，爸B又有會要開，我地一早同妹妮講：你而家5歲喇，可以自己照顧自己。嗱，星期5我一早送你返學，你放學自己搭𨋢返屋企，我地會擺好食物係微波爐，你按制就食得喇。食完自己上床瞓晏覺，我3點就打電話叫醒你，你著好衫自己落樓下，secure叔叔會幫你截的士，（平時同yaya搭的士都係妹妮同司機講地點架）。落車自己去到上堂，落堂爸B就會接你喇！

妹妮聽到好鬼驚，又話自己仲好細個咩都唔識， 又話驚有柺子佬柺左佢點算？ 妹妮一來擔心要自己搞掂，二來又唔捨得yaya，日日都叫yaya快D返黎唔好去咁耐，又叫yaya不如同屋企人講唔好返去啦！最後沒有yaya的第一天由嫲嫲來幫手。

星期六我地去食‘西餐’！事緣有次同妹妮去見小一，我地應承妹妮比心機面試後去食飯。見完後妹妮話想食西餐，我地去左太平館，妹妮話：呢D都唔係西餐黎既！於是星期六我地實行承諾去食西餐，妹妮仲話要食有牛頭果間。。。咪就係有牛頭，鹿頭掛係牆果間dan ryan囉！



又係既，妹妮細個已經常常食，不過近期反而黎小左。但係見到又有氣球又有顏色筆，的確好開心！

個window display好靚呀！

weekend有爸B有我兩個人湊住妹妮一D都無問題！好快就星期一，點知原來呢日係孫中山壽晨放假一天！！！我地3個一早就去左飲茶當brunch食， 同妹妮返到屋企瞓晏覺後，出發去上畫班。

呢D黏土好精緻呀！！！D雞蛋仔得一蚊咁細架咋，好細緻呀，但係老師話起碼要成四，五年班先可以做得到，因為要極多耐性架。

今晚第一次煮飯 （我係指今個星期第一次），於是車埋妹妮一齊去左九龍城街市買餸

呢晚好豐富呀，我地買左一斤蝦返去整白灼蝦！妹妮去街市好興奮潻。

小幫手真係好乖架，仲幫手拎餸。去到菜檔，妹妮話想飲青紅蘿蔔湯，仲講秘密咁話最鐘意食既菜係broccoli喎 

跟住去左食豆腐花同燒賣魚蛋腸仔先返屋企煲湯，呢晚食白灼蝦飲蘿蔔湯都好滿足呀！第一日由媽me單挑妹妮就係咁安然渡過了

山頂 HOUSE warming

十一月十日我同妹妮有節目呀，呢日去Eldora爸媽新搬的豪宅BBQ house warming！！妹妮聽到有得BBQ已經好開心，點知因天黑得快加上開如轉涼，改為食high tea 加晚飯。朋友仔JJ本來都一齊去，但係因為發燒所以缺席。其實妹妮之前一個星期都啱啱發過燒，好彩休息左將日之後好番晒。呢日因JJ無出現我地就同埋Wendy EE一齊去。



話咁快就到！妹妮一馬當先拎住小禮物㩒門鐘

一去到就同主人家影下相先，今次我地第一次見到狗狗snuffy呀，佢都成8歲架喇！！難得妹妮一D都唔驚小動物，仲好鐘意潻

跟任我地就出去花園high tea喇，睇下妹妮好似小貴婦咁同姐姐﹠ EE們食high tea！

雖然係自製high tea set但係都幾豐富架，我地每人都帶小小野食去！妹妮食唔停咀呀

呢隻tea forte茶包超正，飲左5，6杯都仲好有茶味，一D都無淡到！

呢D咁靚既agnes B蛋糕就由Emily 姐姐提供

見D蛋糕咁靚，妹妮都𡁻了兩件蛋糕

美女們合照

連snuffy都走埋出黎趁熱閙

5點幾已經開始日落了

呢個日落景都幾靚架，吸印我地個個都行過黎影下相

我地都要影番張合照呀

齊人影下大合照，今日得番妹妮一個小朋友，好彩佢有野食有狗仔玩又唔覺得悶

Uncle & Auntie都好客氣走落黎招呼我地呀。其實Auntie之前都見過妹妮架，係妹妮出世無耐Eldora姐姐黎睇妹妮時一齊黎架，眨下眼妹妮都5歲了！

唔知佢同Albert叔叔係度進住D咩呢？

妹妮好八掛，番到入屋就話要睇下樓上，話佢知樓上係睡房囉，佢又話要睇下人地D床！真係八掛到無人有

妹妮自己問Auntie ：你屋企有無廚房架？又話要去埋廚房睇，正一管家婆！

大廳就準備好到會，直情好似開聖誕party一樣呀，好豐富呀！

大家開餐了，妹妮攞完野食坐埋客廳自得其樂，自己又乖乖坐係度食野，個個都讚佢乖呀

呢個係求先樓下個黃昏景，不過入黑影相就無野睇

食左一陣野又落花園同snuffy玩，妹妮好似好鐘意snuffy呀，成日想追住佢玩

妹妮真係幾大膽，我記得自己細個好驚狗架，莫講話抱抱，就連有隻狗行過我地好驚架。

番到樓上，我帶左畫紙同幾支顏色筆，等佢無野做都可以畫下畫打發時間嘛！佢話要畫Eldora姐姐呀，成個公主開party咁，又幾貼題噃

媽me同Wendy EE, Eldora姐姐都識左成8年了！！佢地真係睇住妹妮大呀

呢幅畫送左比Eldora 姐姐，希望佢鐘意啦

妹妮呢晚仲夠膽係咁多人面前試下朗誦英詩，雖然短短地，但係都叫做係咁多人前練下大膽嘛




今日仲慶祝埋Albert叔叔生日，見到有生日蛋糕，妹妮即時走埋去做攝石人

呢個係文華著名既cheese cake呀，真係好好味！！ 今日真係食盡好野，多謝晒Eldora 同家人熱情款待呀，期待再有下次！

返屋企前，去左銅鑼灣搵John 哥哥幫架車裝埋兩個英國箕側鏡。真係好感激呀，因為John專登同女友係銅鑼灣行夜街等我地開完party架，萬分感激呀！！