6月12日，趁妹妮考完試，迪士尼個Frozen Village 又啱啱係6月11日開幕，一放學就接妹妮去玩！！！
仲換埋Elsa裙！其實妹妮已經開始對Frozen無咁狂熱了，我之前無話佢知呢日會去迪士尼，費事佢心掛掛唔專心溫書。呢日放學至話佢知去迪士尼，但佢居然話返我知有個Frozen Village，佢同學仔叫佢去玩咁話！
呢日雖然間中有雨但係都幾熱，我地帶晒太陽帽，扇。
我地去左飲茶再入迪士尼，去到時Frozen Village既籌已經派晒，但係唔睇劇場就無得玩雪，於是我地都排隊輪後補位。好彩都叫左排到，雖然企左好耐但係未算好辛苦，起碼妹妮無投訢話攰要坐。排隊時買左佢頸上條濕手巾，其實有d似游水用果d索水巾，但係有涼浸浸既感覺，妹妮披住佢涼快好多！
我地輪到喇！！睇2:30 場show，最開心係妹妮，因為有得玩Frozen嘛！
呢度仲有雪撬玩架！！
但係首先要睇左show先！呢個show有Elsa，Anna同Christof出現，仲會播番Frozen入面既片段同歌等大家可以一齊唱。我見妹妮都唱得好大聲好投入架，佢話覺得Elsa個樣有d老喎。
睇完show出返大廳有得排隊玩雪撬，同小白(Olaf) 影相，或者玩真雪。我地見到Christof即刻影左相先
因為雪撬條隊好長，於是我地去玩真雪
可能涼浸浸，妹妮玩真雪已經好開心，叫佢走都唔肯走。原來入場都有時限，因為下場4點既人入場，所以我地就要清場，本來想去玩雪橇都截隊了
呢度仲有好多Frozen小食，d cupcake都幾靚架！但係我地買左紅豆waffle
＄40 得4粒咋！
不過有whipped cream同朱古力醬又幾好味！
去完Frozen Village一出就返到灰熊山谷，玩水解下暑先
呢日可能太熱加上weekday，唔係好多人排隊玩，10分鐘就有得玩！
路過見到表演，來過咁多次呢次第一次見到呢個表演
去排降落傘，妹妮大膽話要自己一個人去玩single rider!!!
之後再陪我玩多次！
RC Rider無得排single rider快隊，妹妮話唔玩了。本來想去玩巴斯光年，點知呢日壞左關閉了！我地去左玩space mountain
呢個飛碟都幾年無玩過了，對上一次可能係妹妮4歲時玩過！
其實成日黎都無咩未玩過，所以期待新既Ironman。呢個水池無玩幾年了，因為次次都玩到全身濕晒！但呢日我地有士啤衫帶定黎，於是任玩唔嬲！
夏天真係要有水玩先至無咁熱！濕晒後去玩過套衫，呢次既公主裙係一式兩件，有齊Elsa同Anna，好抵呀！係新既Frozen Fever戲就會著呢兩套衫喇
妹妮話自己鐘意呢d拱d既裙，Elsa果d無咁拱無咁似公主喎
著起仲要去照下鏡至滿意
因為好熱又攰，提早食晚餐可以醫肚又有得休息
平時係屋企妹妮食飯都慢，呢日叫佢慢慢食因為可以等巡遊至出去。佢叫左個蛋包飯，話好好味噃
我叫左咕嚕雞球，甜甜酸酸開胃d
平時叫佢食快d都難，呢日叫住慢慢食點知10分鐘就食晒，仲要連伴菜都清埋！！問佢係咪因為好肚餓？定太好食？佢話肚餓就小小，但係因為好好食喎，所以清得咁快
見仲有大把時間，都唔可以係餐廳坐多45分鐘，唯有出去行下當飯後散步啦！
我地去玩多轉木馬先霸位睇巡遊
呢個光影巡遊已經睇過兩次，但係妹妮仍然好enjoy!
睇完巡遊係時候歸家了，相信妹妮對呢個試後安排應該好滿意呢！
