MINI showroom grand opening

又有派對了！！今次係MINI新showroom開張party，其實呢個showroom開對左成四個月了，不過啱啱先叫做真正裝修完工。繼舊年８月興祝５０週年，咁快又有party，真開心！

準備開party，聽講下晝就已經好有party feel，送晒野食黎。

裝修好後，加埋臨時搭建的射燈，成間disco一樣勁有wave party feel，如果唔拆Ｄ射燈，夜晚收鋪後又真係可以出租Ｄ場賺下錢架！

同幾個MINI friends悉心打扮，因為我地都鐘意扮野囉（想嘔！）呢個揸住手機甫士其實係想show 下個bling bling Iphone套架。

嗱，呢張清楚Ｄ喇

不過咪以為我地Ｄ女人先貪靚，連John John都貪靚架，睇佢條珠片legging就知啦！我都未有珠片褲啦。

是晚嘉賓MC Jin，咪以為我成日揸住個電話想showoff呀，今次真係不停咁講緊架！

趁未開始，走去backdrop影下相

一大班MINI人

同呢班同事共事數截，係MINI既日子真係好開心架！

派對正式開始！先由全球得２５０架，全香港得一架的world champion打頭陣，Ｄ迷幻出煙效果真係幾迷幻。

今日有警鐘胸Jessica C同Cara G，好似由Maggie Q開始，Ｄ傳媒就鐘意以英文字母叫Ｄ鬼妹個姓

有好多傳媒比面出席架

警鐘胸個樣幾靚，不過個胸真係出奇地堅挺

剪彩了！

是晚有好多finger foods，最鐘意係呢個外賣盒，直情同china town D外賣盒一樣架！不過入面係西餐意粉唔係chow mein。

呢Ｄ小蛋糕就麻麻地好食喇。

Oli把握到機會同警鐘胸影相呀！

John John仲勁，近距離同JC影張可以做facebook profile相既合照，恨死Ｄ男人！

不得不讚係呢個showroom有個大bar枱，catering D人只要帶飲品／食品就得。連bar tender都玩噴火

Winny a pooh姐姐

呢Ｄ迷你漢堡Ｄ牛肉好味架！！！

真係飲飽食醉呀

舊既唔去新既唔黎，而家多左幾個新人都唔識了。唔知幾時ＭＩＮＩ至會再有party呀，好期待呀！

（所有相片由各MINI朋友提供）

澳門遊 ﹣ＤＡＹ２

第二朝妹妮７點就醒，不過成晚牚被，可能唔夠瞓，於是飲完一支奶後肚仔飽飽再瞓多個幾鐘先起身。今日要佢牚到５：３０船架，我地又無Ｂ車，都唔知佢中途眼瞓點算？！

而家係屋企都係自己企上櫈仔刷牙架，呢度個厠所有成百尺大，好似大過我地屋企間房呀，真係好正，妹妮仲係浴缸游水潻！

雖然呢度同las vegas裝修得一模一樣，不過唔知點解全完無拉斯維加斯既感覺。以前返ＬＡ都會同屋企人揸車去拉斯維加斯玩下，個度真係熱閙同有氣紛好多，起碼好有放假feel，呢度的感覺只係多人。

我地本來想影Ｄ船家，點知比我地遮晒。

聽講酒店有個playground，點知原來係要收錢的，類似playtown，不過刺激Ｄ。呢個比較小兒科，不過只比細路自己坐，大人要一個上面送，一個下面接。。。呢個係三歲以上的，可能大Ｄ的小朋友可以自己上落唔駛傍住呱。

妹妮玩到哇哇聲，一Ｄ都無驚，仲玩左好多次！

隔離呢個４歲以上玩的，終點係衝落波波池，差唔多９０度的第一段，放手時有Ｄ好似要掉妹妮落街一樣，不過個大膽妹又係未驚過，玩完再玩！！

真係落得好快架！

跟住玩返d BB遊戲同擒高擒低，玩下波波等佢clam down 一下

之後出城食飯，今日一心諗住去食新葡京的自助山，點知去到先知淨係得夜晚先有！！但無理由又搭過的士，於是近近地去上次爸Ｂ帶我去的軍人餐廳，我記得上次都幾好味架。

環境都唔錯架

叫了個南瓜湯，待應先上碟再放湯。不過隻碟裝唔晒個jar D湯，如果比埋我地就好喇

跟住叫了乳豬

海鮮飯，個湯底有龍蝦湯味，本來好似粥仔啱晒妹妮食，點知個扭計妹又唔肯食。

最後都係要開樽奶比佢，點知飲完先黎眼瞓，我地坐係餐廳又郁唔到，唯有叫多個甜品dum下時間。

諗住apple crumble可能要焗會耐Ｄ，點知又係好快上到。不過Ｄ蘋果好好味！

大約妹妮瞓左５０分鐘後，我地又連甜品都食完，終於叫埋單，此時妹妮都醒了。餐廳出面的地面都有石仔砌的圖案，又拉妹妮去影下相

弊在準備去大三巴途中架相機因為用得太多flash而無電！之後Ｄ相都係用iphone影咋。

我地行左成十多分鐘先行到上大三巴，難委了爸Ｂ，因為妹妮可能唔夠瞓一直都唔肯行扭抱抱，苦了爸Ｂ雙臂呀

用iphone都要博命影

搵人幫我地影埋全家幅

大三巴

攰極的爸Ｂ又要抱住妹妮又要搵的士，要坐埋一邊抖抖先

最後都係行番落市政廳先至截到的士呀。跟住返到酒店擸埋行李就直去碼頭了，一個短短既weekend trip就咁完結。今次因為無Ｂ車，妹妮又成日要抱，去完真係攰過擔泥好多呀，我地返到屋企都謝晒，反而妹妮就勁好胃口，返到屋企食成碗粉仔，仲好乖９點就自動話要上床覺覺豬潻！我諗佢雖然無點行，不過成日周圍去都已經好攰了。