我愛十月 之 大肥生日

差D唔記左我地家庭成員仲有一隻係十月生日架！！自小肥走左之後，我地一家真係全部都係十月之星呀！！大肥係十月十日雙十節生日，而EE都係雙十節生日架！



因為大肥成日打嘖嚏，所以我地比佢呢係騎樓自住，得閒我地就同佢玩下。

大肥平時多數都係瞓覺，所以都唔悶既。不過佢好鐘意人摸好嗲架！

生日我地效佢出黎玩， 可能平時小出黎，大肥多數都留係廚房唔行出廳架

妹妮BB時因為怕敏感，都無比佢同大肥，小肥玩，BB時都無合照過。。。

其實我暗啞底好想影D貓大隻過人既相架！

點知妹妮又咁快高長大！

眨下眼已經大隻過大，小肥好多好多了！

祝大肥生日快樂，健健康康！！

我愛十月 之 yaya生日火燒豬仔手指

今日（10月24日）之後, 我家十月份生日會正式結束了, 十月之星最後一員係yayaGigi. 今日一早我地去買左個蛋糕同佢慶祝. 但係原來朝早西餅鋪係未有蛋糕賣架, 因為工場既車要成下午一點至到架. 正在頻能之際好彩餅鋪內有一千零一個蛋糕賣, 係halloween蛋糕黎, 不過無選擇之下都係唯一選擇...相信係尋晚賣剩。。。隔夜的.

妹妮見到蛋糕就興奮, 人地都未點腊爉佢就大叫比yaya知'surprise!' 

其實大人都無咩所謂, 當多件tea食啫, 不過細路就好開心, 仲逐樣數蛋糕上面既toppings. jelly worms啦, marshmallow眼啦, 數得開心之際, 點知突然大喊. 原來手指尾唔小心揩到腊爉上d火呀. 

喊到唔停口, 猛話好痛好痛

錫番都停唔到口呀陰功！

影相就勉強停一停

一影完又欲罷不能再喊

跟住爸b用佢d古老方化幫妹妮揸牙膏止痛

切蛋糕了, 勉強停一陣啦。。。比佢搞到都唔記得唱生日歌喇

妹妮仍不時fing fing隻手話好痛呀

食下蛋糕唔痛喇，隻手指尾仍然豎起架

點知又再喊，如是者睇番D相見到妹妮停完又喊左5次

其實個蛋糕D裝飾好得意架，D眼都做得好似呢！

playback番一早，今日學校要帶自製樂器，YayaGigi尋日放假時買定兩支水等妹妮整樂器， 首先倒D雜錦米同豆

妹妮幫手倒都倒到週圍係，不過顯然佢係貪過癮啦

兩個樽都裝夠了，要shake shake有聲嘛。

開始decorate下個樽，用水筆啦

妹妮咁鐘意畫畫就難唔到佢

畫到成樽花碌碌

不過原來水筆唔上色，一掂就無！於是改再貼紙，佢有得玩貼紙仲開心潻！

貼到成樽都係呀！不過好似碎花咁又好靚噃！

貼得幾努力！

製成！！兩個shake shake就係簡單既樂器喇。睇佢笑到見牙唔見眼呀！

就係整完樂器，我地就整裝出發去食早餐同買蛋糕。爸B話妹妮咁著先似番D細路仔噃，之前有輯著花花裙＋芭蕾舞鞋爸B話老積得滯呀

又黎擺甫士了

問係驚未？

你唔驚佢自己都驚！

四歲了

真真正正四歲女了！而家妹妮113cm高，43lbs。。。keep住偏XL碼既四歲B。成日係街都比人以為佢係5歲，有日搭船隔離個阿姨又以為佢5歲，妹妮聽到我地對話又自己都話‘我4歲，不過我好大個好似5歲呀’ 



之前收到D童裝catalogue，妹妮睇完後又學人擺pose, 個樣仲cool cool 地潻！

呢個表情＋甫士真係見到都想笑，太難頂了！！ 懶cool咁，經朋友講先諗起個'chok‘字，真係好chok呀！

D相景到佢個肚dum好大同隻大脾好粗呀

終於有小小笑容唔chok了

我地上星期無地方好去於是去左西貢遊艇會，食個晏先。落車時妹妮聽到收音機播’那些年‘， 可能係個旋侓好易記，佢一聽到就話自己聽過兩次架！然後跟住音樂哼，la la la la到首歌播完為止！

啱啱呢幾日都有好多朋友係facebook load左呢首歌，爸B又播比妹妮聽。。。聽到上晒腦！無時無刻都哼住首歌呀

我地好耐無黎呢度了，呢個遊艇會餐廳D野食都幾好味架，而且環境好舒服，啱晒秋天去呀！

可惜今日戶外枱爆滿，我地要坐室內， 但係室內都好舒服架



室內小D人我地坐梳化

叫左兩碟意粉，薯條同雞翼。妹妮問有無腸粉架？（因為佢好鐘意食腸粉架，問佢食麥當勞定飲茶佢都揀飲茶架）我話呢度淨係得pasta咋，妹妮話腸粉都係noodles喎。

妹妮食左好多意粉，但係碟墨汁飯佢就唔鐘意食

食飽飽後妹妮話仲想去行下，未攰喎。我地去左附近既獅子會行下

以前都係跟學校黎過兩次咋，今次都係逛下

當食飽後散下步

不過影相都幾靚架

嘩，瑪莉蓮夢露呀！！！

開始有D晒喇

入去貝殼館睇下，順便涼下冷氣

點解係館入面都可以跑來跑去唔停既？？

都唔駛十分鐘就行完個貝殼館，不過妹妮已經開始叫攰，話要返屋企了。

臨走時妹妮仍然不停哼’那些年‘，仲自己填埋D騎呢歌詞

食飽晒又行左咁多路，頂唔順要抱抱了。。。叫媽me就只有揹住了，抱唔起呀

返屋企時，架車晒左好耐太焗，打開𥦬D風吹入去，傻妹好開心呀！

愈吹愈興𡚒咁！

不過中途已經無咩電，靜晒無聲。。。個咀仲唔知點解嘟起左潻