星期六我地又撇低妹妮有節目，不過因為要出去大半日，成日掉低妹妮又於心不忍，所以去玩之前都例牌同妹妮出街食個早餐。
妹妮而家好貪靚，雖然未至於要自己揀衫或者奄尖聲悶，不過都有自己一套審美眼光。只要著得靚，我地又例牌盛讚佢so pretty，so cute，佢就會好自滿（我地都係想培養妹妮做個有自信既人啫），仲見鏡就照。
照得黎見到佢好admire自己，我地目的達到了！
Ｄ育兒書都話要培養小朋友有自信心，做起事來都會信心十足，唔會畏首畏尾架，所以由得佢自信心爆棚啦。
有自信，行步路都大步過人架！
上次食過大家樂早餐覺得幾好味，今次再番兜。
送妹妮返屋企後就係我同爸Ｂ二人行喇，今日預左hea大半日既。事關有個Spa package一直未用，一直延期都expire之前先有時間去。
今次個節目認真豐富呀，除左有個直昇機tour，仲有lunch 同spa呀！我地先上到頂樓聽個tour簡介。
上機前留影，我地好想可以帶埋妹妮黎呀，一定會好興奮架。
本來爸Ｂ話一齊坐，不過個接待員話左邊會多野睇Ｄ，所以我地前後坐。
個機師話佢一日最多飛成廿次，最小都飛３次。好彩今日雖然間中有毛毛雨，但尚算天朗氣清！
起飛喇！向西面出發，一開始機師打側晒架機咁飛，好似玩緊機動遊戲一樣
去到貝沙灣對開又衝落去近望隻船。
遠望的海洋公園，一砌都變得好細小。
鳥瞰石澳
１５分鐘就圍左香港島一週，其實兜過左石澳去緊東區杏花村時開始有Ｄ暈機浪了。不過又未至於想嘔，只係覺得有Ｄ心口悶囉，‘捱’左一陣就返到，不過從上空睇九龍半島又的確無咁好睇既，港島景色係靚好多。無耐個機師好定咁就降落了，讚！
之後我地仲有成兩個鐘時間食個pool side lunch，可惜唔記得帶泳衣！！早知落街買套啦，可以游下水嘛！我地結婚時都係呢間酒店，當時都有黎呢個泳池游下水架，所以都叫做闊別左個泳池５年多了。我地都因為暈機浪未有胃口食住，就坐下睇下報紙先。
真係好耐好耐無試過spend咁耐食一個lunch了！平時我地不消半個鐘就食完啦！
呢個menu 全部都係Ｄ健康餐，通常都唔會太好味架嘞，係勝在環境好囉。
爸Ｂ的頭盤係帶子，我初初話呢排唔好食帶子，爸Ｂ就話都要睇下邊度食架。
呢日天色ＯＫ，有Ｄ過雲雨，不過都睇到對面海。
轉過頭已經見到出面Ｄ待應急急腳收枱收櫈，原來已經有好大舊雨雲飄緊埋黎，不消３分鐘就落大雨了。
爸Ｂ食三文魚
我食炒喬麥麵，Ｄ蝦的確好鮮，不過Ｄ麵因質感問題無咩味。
跟住仲有甜品及茶
我地足足hea左兩個鐘，爸Ｂ話自從妹妮出世後都未試過咁耳根清靜，同埋咁hea住食晏。雖然Ｄ野食麻麻地好味，不過食得好舒服，而且心底都係想：如果帶埋妹妮黎就好喇。
食完lunch後，就有人帶我地去做spa喇，因為個heat experience又有桑拿，又乾蒸又濕蒸所以就無帶相機入去。不過個個桑拿房有海景又的確幾正。享用完heat experience就去做兩個鐘massage 同facial，我個按摩師手勢一般，不過爸Ｂ出來時話‘從未試過咁舒服’！-_-" 我心諗有無咁夸張呀？
佢仲話泰國個Ｄ差幾皮！咁既然咁正，下次幾時再去過呀？
送上妹妮靚相一張，auntie Cathy都話夠cute呀！
其實自從上年呢個時候就戒左日間著片，都係夜晚瞓覺先會著片片，每日一塊，已經慳好多錢了！而家完全戒晒，就連尿片錢都可以慳番晒了。
