We love October 10th Anniversary!

又到十月了！！！又係我們這一家的慶祝月了，第一擊就係爸B同媽me結婚十週年紀念呀！！！上網查過十週年係Tin anniversary，有朋友 十週年去旅行，但係我地唔可以掉低妹妮，因為佢日日都好多功課，又測驗又默書，爸B話如果我地自己走左一個星期，返到黎都唔知變成點了！

 妹妮呢一日已經問係咪去Morton's 食飯呀？我問點解係Morton's呢？妹妮話： 因為你知我鐘意食果度過洋蔥包吖嘛！。。。原來係咁！

今年因為佔中取消左煙花，舊年就因為前年既海難取消，雖然無左煙花，但係我地一樣開心慶祝我們的大日子

不過妹妮有得去食飯好似開心過我地，因為十月一日係公衆假期，yaya會放假，所以我地已經習慣結婚週年都帶住妹妮，而且一d都無覺得有個電燈膽，我覺得3個一齊慶祝好幸福呢

仲有攝影師幫我地影相，仲想點？呢個Elsa ＆Anna 甫士咪就係妹妮教我地擺囉 

上到餐廳，都唔記得上次食時裝修左未，好似唔同左咁

妹妮最欣賞既洋蔥包，之前佢唔記得間餐廳個名，有晚提議我地去Ymca對面間餐廳食飯，比佢個tips𢱑頭！究竟邊度呀？問左好耐原來佢講Morton's 呀

妹妮未夠一歲我地就係呢度慶祝了，不經不覺都係第6年了！

 裝修modern左

妹妮都就快7歲了！但係佢好enjoy 我地年年都黎食飯架

揸機都唔錯吖！ 

呢日無左煙花我地可以慢慢食，唔駛趕住比返張枱下一輪

嘩，呢張仲唔係沙龍？朦到睇唔到

除左牛扒，我地仲叫左帶子，蟹餅

以前妹妮唔係好鐘意食牛扒，因為覺得靭，所以只食包，薯條，磨菇，而家大個了可以据埋扒

龍蝦湯都係我地既例牌餸

平時妹妮8:30瞓，呢日食到9點未夠已經開始眼瞓了，好彩我地已經食到未聲

呢間餐廳只要你有節目慶祝就會送甜品，我地每年都有甜品送架！

仲有得影相添

呢晚係檸檬梳孚里，其實想食埋creme brulee, 但係真係食得太飽了。次次都話唔好叫咁多，但係其實每次都係食包同飲湯塞飽左

妹妮最鐘意就係吹爉炾了

呢張相我地不經不覺已經儲左7張了！！ 

yaya同往年一樣都為我地準備左花朿，真係好有心架

妹妮細個時yaya仲會幫佢手整張咭添，而家就由妹妮一手包辦了！

東京買、食團 Day4-5

話咁快第四日了，仲有一日就走了。呢日主要都係行街。。。日行夜行是也！呢朝早餐去左松屋，類似吉野家，梗有一家係左近既！以前最低消費牛肉飯係290円，而家已經320円了。

之後又去encore Mr Waffle, 呢日食左橙朱古力味，但係都係鐘意earl grey味多d，清清地又有茶味

呢日我地去左銀座朝聖，但無咩斬獲呀！去銀座當然要去Hermes參拜啦，不過我咩都無買到。

跟住去apple store，呢度d iPhone 6 要一早登記左先有得買架，整間店都係塞滿人，同香港差不多

行過d 小鋪，見到做birthday 同wedding favour , 入去睇下有無野啱駛先？

妹妮一定會鐘意呢d Frozen朱古力了

途中我地去左超級市場，唔通呢度d蘋果有分送禮同自用？？呢d寫住自宅用既係靚d定無咁靚呢？

超市都有海產呀

下一站係日本橋，其實去過東京十次有多，但之前都未黎過

呢度都係得兩間百貨，又比較近銀座罷了，已經兩點幾，於是去左百貨入面食晏。成間餐廳得我地四個人。。。相信一係好貴一係唔好食得去邊

不過日本人真係好認真，個師傳都好用心去做壽司

佢見我地影相仲好怕醜！

買相同味道都ok, 但埋單都幾嗱脷呀！

百貨入面有人即場做帽添呀

跟住我地又返左涉谷行左個幾鐘，因為時間唔夠，其實想去遠d行下代官山呀，下北澤都無時間，唯有近近地行下算啦

返到新宿我地都行左一陣先去食野，呢幾日經過左幾間磯丸海產，見到咁多分店決定呢晚去試下

呢度都係漁場裝修，但係抵食過前晚間漁場四十八好多！

我地瘋狂叫餐

擺個爐仔係面前燒又幾有風味噃

我地叫左好多野食，比前晚食多好多，但係埋單都係一萬円多小小！！！四個人一萬円呀，平過前晚3陪呀！！下次真係要用幫襯呀

呢晚買左小小生果，前晚我地買左大大個水蜜桃d汁多到漏，今晚再買多4個，係街邊檔買一千円4個， 帶到返香港妹妮話超多汁超好食，早知買夠一箱啦！

last day了！！呢日去歌舞伎町搵野食

新宿早上好清靜呀

歌舞伎町d人先剛剛返屋企

去左食若狹家魚生飯

雖然黃昏機，但係3點要從酒店上shuttle bus了，於是呢日留係新宿，但係商店都要十點至開門，我地只可短短最後衝刺兩個幾鐘，就要食lunch返酒店了

因為住Keio Plaza, 我地返左酒店附近既南口食晏，呢間專食牛脷既

不過我唔好牛脷，叫左燒牛肉，反而又幾好味噃

牛脷厚切

3點鐘就出發去機場了，呢個trip雖然黎左5日，但係都太太太快過了！！！！真係好想好想可以再黎東京，真係百行不厭！唔黎得耐就身痕。。。

回程機仲有他來自星星睇，希望可以再組合外遊多次，同朋友去旅行好輕鬆，又可以瘋狂行街真係好開心！！一個滿足的旅行。。。只係略嫌未夠呀！