christmas party 第一擊...平安夜homemade dinner

平安夜了，今年妹妮多左好多節日既concept，知道日子係點，平安夜係咩，聖誕節係咩，仲知道2012年之後係2013年潻。呢日媽me放假，帶左妹妮去飲茶，佢話鐘意飲茶因為多野食揀喎。去toyrus 買聖誕禮物，因為黎緊有聖誕party都有朋友仔黎呀，但妹妮一入到去就被玩具吸引住了



個姐姐 介紹隻好似furby既玩具比妹妮，好彩佢又唔係好鐘意啫



反而媽me睇中呢間森林家族屋，一來好精緻，二來應該可以玩到大個都得，起碼我都想玩埋一份吖嘛



揀好晒禮物就去整手甲，幫媽me整手甲個gigi姐姐成日都叫我帶妹妮上去玩，見係聖誕節放假就帶妹妮去整下手甲啦。呢日Gigi姐姐都帶左佢個BB出黎呀！



Jayden BB而家7個月大，都幾大舊，隻腳仔好粗架



好似幾friend噃



好靚呀！！ 有鑽石 ，有雪人，有聖誕老同雪花呀

下晝仲有畫班要上呀，返到屋企朋友們都差唔多到了，今晚我地食homemade dinner，我地提供廚房，由朋友們負責整。趁大人煮野食，小朋友就玩新玩具，好彩妹妮又好鐘意玩！



呢晚好多野都一由朋友一早煮定，有D就放入焗爐就得



兩位壯男就係是晚大廚

我地婦人們反而負責D簡單野，整下沙律



兩位大廚整野食，爸B同Evan叔叔就攞個電話入面個魔術同細路玩變魔術



兩個大男人又好似好pro咁噃，炸乳鴿同煎牛扒，好彩有yaya幫手洗廚房，辛苦晒了



D牛扒就咁煎都好好味呀

第一次係屋企咁樣炸乳鴿咋！



終於有得食了，除左豬頸肉，豬仔骨, 牛扒, 仲有小朋友最愛既腸仔潻



埋位喇，開餐！



咪睇小兩個大廚，原來仲有肥he叔叔一早煮好既咖喱同帶子，都好豐富架！



乳鴿都似模似樣



焗帶子



特別欣賞呢碟 騷炸雞翼，好正架！



大家食到津津有味架！



終於全部人坐低有啖好食了，例牌要影下大合照

細路仔食完野妹妮同康然又玩佢最鐘意晚cubby house, 妹妮成日都好鐘意將D被冚實，自己呢埋入去當去露營咁。。。就叫做cubby house，而家仲拉埋康然陪佢玩，但係兩個坐係入面係無野做，斎坐架咋！

魚EE 整左聖誕蛋糕潻呀！

Ellie顧住玩煮飯仔，妹妮就同康然去切蛋糕



食完再玩過！呢個廚房好受歡迎咁呀，佢地玩左成晚架喇



到爸B玩佢地喇，爸B話比任務佢地，要去梳化搵一件玩具。。。其實易過借火，但係D細路又好鬼認真！

大家聽指令出發去搵



到大肥時間了，大家又一齊去探下大肥



Ellie聽到我地話唔可以掹大肥條尾，見妹妮攬住大肥已經驚大肥會被妹妮壓住而喊晒呀



之後仲有每年既壓軸節目，交換禮物了，呢個絕對係小朋友最期待同最開心既時刻呀！妹妮見到有禮物就好開心，之前鋼琴老師送比佢既小禮物一直都擺係樹底呀。不過今晚大家即場拆禮物，唔駛等到boxing day呀！



我地每年平安夜都係同呢班朋友一齊過，未有小朋友前已經一齊，不經不覺都有成十年！大家聚埋一齊過節已經成為傳統了，祝大家都聖誕快樂！

海上圖書館Logos Hope

最近有隻圖書館郵輪訪港，呢日媽me要返工，yaya帶妹妮約埋嫲嫲同姑媽佢地一齊去睇書



呢d相全部係yaya影架，妹妮D甫士好難頂呀！



我比d 相同事睇，佢地都覺得好頂唔順



見到表妹了



吖，今年都未同妹妮黎海港城影相潻！希望呢個星期有時間黎影下相啦。



上船了



yaya話入面唔準影相架，係佢偷偷地用手機影架咋



入到去妹妮話見到同學仔喎



仲同水手影左相，妹妮比D相我睇時話你睇佢D牙幾白！



因為媽me無去，都係yaya講番我知咋，佢站入面好多書架，妹妮入到去好開心睇書

睇個樣又好似幾認真咁噃！！



睇到咁入神！



仲坐埋係度睇潻



yaya話叫左妹妮好耐都唔肯走，但係原來D書買得既，伯父Micheal叫佢揀D書買走啦，佢即刻執左幾本走人。



好彩唔係買公主書，妹妮居然揀左D動物書，昆蟲書，同兩本童話書，佢仲話D書好平咋！