shopping day

7月尾上映功夫熊貓，第一集我地係睇DVD咋，仲要係半年前先睇！唔係妹妮都唔會諗住睇呀，不過原來好搞笑，第二集上我地去戲院捧場！

未睇戲已經打定功夫了

妹妮入場必要買爆谷，反而佢唔鐘意飲氣水，因為佢試過後唔鐘意d氣，真好！唔駛怕佢飲氣水飲上癮

呢套衫係去布吉機場買架，不過幾得意，我鐘意條喇叭褲，好舒服呀！但係妹妮已經開始會揀衫著，佢特別鐘意花碌碌既。有時拎件T同短褲佢會話要著beautiful dress 

-_-" 要落大輪咀頭先肯將普通衫著上身，真係弊！

3Y9M，幫佢換左個booster car seat。其實之前個個可以坐到50kgs架，不過已經坐到好殘，加上換左細車，順便換埋car seat啦。

去toyrus買水上用品，妹妮之前去泳池見有細路玩水槍，成日借人地個支黎玩，不如買支自已玩啦！

反斗城入面好多玩具counter引人買，妹妮見到d BB公仔仲愛心爆棚要幫BB刷牙，又餵奶

Lego 公仔

遲d有Cars睇，不過我地又係一集都未睇過，唔知好唔好睇呢？

今日節目豐富，見妹妮細個時著個對飛佛 ‘colorful shoes’有新版呀，以前再出個d 既顏色都唔係好靚，今次呢對又幾靚，帶埋妹妮去試鞋啦

對商場既cars 裝飾好有與趣噃！仲叫爸B逗佢上雪糕筒潻

除左買水上用器，仲買番d新playdoh, 之前個d玩到乾晒了，而家新呢d真係軟好多啊！

3Y9M + 家訪Adrian

話咁快又一個月了，而家3Y9M，妹妮自己就急不及待想快d四歲。成日問我係咪四歲喇？我地話唔係呀，佢又重覆再問問到你答係為止

生活習慣都無咩改變，係自從入K1後講多好多廣東話，我覺得佢好似連英文都退步左潻。

趁今日大家都得閒，我地去Adrian新屋參觀同埋玩下。好耐無同Adrian出黎玩喇，而家兩個返唔同學校，時間表都唔同，好似自從舊年年尾之後都未見過面, Adrian生日禮物都未送呀！

上次妹妮去行行屋企時唔客氣咁曲奇，今次Cathy EE專登開一包曲奇比佢食

好似去party一樣有得玩有得飲有得食，妹妮最開心。其實妹妮知道會去行行屋企玩時，即時就畫左幅畫話要送比行行架，不過出門口時又唔記得帶。

今次兩個一d隔莫都無，一開始就好friend又有偈傾，難得連一向慢熱既行行今日都唔怕醜！

玩左一陣我地落去參觀下屋苑同埋會所，上到空中花園兩個都揞住耳話好嘈，其實一D都唔嘈吖

妹妹雖然得10個月大，但係已經有個靚樣出黎，一d都唔似得10個月大呀

落到會所兩好high，講野都大聲過人，你一句我一句咁

本來想去餐廳食tea架，可惜啱啱過左時間無得食了，唯有寄望下次啦

之後去左個library，摷書睇下啦

好似真係識睇咁

最後玩得最耐都係去playroom

雖然今日冷氣壞左，不過無損佢地心情呀

玩到成身汗都唔願走

係時候講byebye了，行行送埋我地去攞車，真係有gentleman風度呀。兩個同我地最近換左架McAerin影相時 （因為妹妮好鐘意呢架車，爸B仲話架車好似Mcqueen咁，不過叫McAerin，妹妮好鬼happy呀)，仲自動波手拖手潻！

志蓮熱辣辣

7月17日，因為攪左成個幾月既廚房今日完工，個師傳十點幾就上到屋企，仲可能要停一停電裝燈。於是爸B留守屋企，我帶妹妮出去同Ellie玩。是日去志蓮淨院行下，去之前話比妹妮聽會同埋Ellie一齊去park玩，佢聽到後問係咪有slide同swing玩架？

即時語塞，因為呢個'park'又無swing又無slide架。。。其實行左一陣已經好熱

於是走入去個小賣部避暑，入面有荔枝沙冰飲呀，我地就咁呢左係小賣部傾偈了

兩個細路就係到行來行去

比＄20／杯坐成半個鐘

hea完一輪都係出去啦，天氣好熱，行埋個圈就走人了

其實志蓮既風景都幾靚架，睇相都幾似去左日本吖

不過真係熱得滯所以都無咩影相，係每人幾張合照咋

妹妮又阿崩叫狗，叫左好耐先捉得住佢影相

叫佢擺下甫士佢都聽唔到架，自顧自玩葉

好在有個大魚塘睇下魚，仲有呢D玻離欄桿等細路都睇到魚魚

行晒成個圈已經急不及待走入商場過冷河，而家先啱啱7月幾，仲有幾耐熱呢？

Disney junior + 公公生日

妹妮而家日日都會畫畫，而主題就一排排，前個排佢日日都係畫風景畫 ： 有天有太陽有雲有草有石頭同埋次次都有既四大主角‘我地’！

不過一路以來佢畫功都有進步架，初初畫人樣係圓形加兩粒豆豉做眼，個鼻就直落一棟算嘞，多數都係smiley face

跟住有小小變化，鼻變晒圓形，眼又係圓形，個個好似麵包超人咁。

之後多埋眼鏡，有d擘大口笑，仲多埋頭髮潻，愈來愈似人樣喇！

開始放暑假了，我地又一早去飲茶

每次去親呢間茶樓佢都會睇魚睇龜。。。有咩咁好睇呢？

最近有個mickey mouse clubhouse display，梗係去影相啦！

商場內不斷播住disney junior既歌，未見display妹妮已一邊跟住唱disney junior, disney junior了

不過佢太興𡚒，叫佢企停影相仲難

成日借左聾耳陳隻耳，叫十聲先應你一聲

難頂pose

7月15日食公公生日飯，妹妮又畫定生日卡比公公，一去到酒樓就好似係學校交功課咁自動波識打開個袋拎張卡出來送比公公

好似無唱生日歌，不過都有唱歌比公公聽

壽包有兩種味，爸B搣左個蓮蓉比妹妮食，點知佢見我個係奶黃就即刻將手上既蓮蓉隊番比我了 ﹣＿﹣“