不經不覺妹妮兩歲了, 早兩個星期節目特別多都未報導返妹妮生長近況潻. 兩歲妹妮於生日當日
重31.4磅, 高93cm, 仍然係大隻一簇. 不過聽講過兩歲後生長會轉慢, 應該無之前這兩年的激增了. 話時話, 這兩年買親衫都買大一個甚至大幾個碼希望出年可以再著, 點知到今年又係唔啱著. 最後都係得數件買得特大的今年才勉強可以再著, 所以今年要買都係買返今年著到的算了.
飲食仍然一樣3奶兩粥+湯 另加小食及生果. 已經戒片的妹妮夜晚仍會著片片覺豬以防做賴屎蝦
除了玩, 最叻係把口, 前世可能係雀仔, 因為只要一瞓醒把口就無停過口翕翕直至午睡或夜晚瞓覺至停. 不過我們都習慣了這個熱鬧的環境了.
星期六, 爸b話要去好耐無去過的新蒲崗行下食早餐, 因為以前公公的公司在這褢, 咪me仍替公公打工時爸B經常來新蒲崗陪咪me食早餐, 食晏呢.
下晝無事做爸b又唔願出街, 我見難得放假就同姑媽一齊帶妹妮出海運行街街, 妹妮每次聽到'街街'呢兩個字已經興奮到跑去門口揀鞋著. 而家有主見, 次次都揀呢對七彩波鞋.
哎呀, 今日halloween, 卻忘記幫妹妮著返套扮野衫潻! 去到商場至醒起. 因為連學校都無party, 所以今年無特別買halloween衫, 記得舊年套雞衫真係好爆架!
妹妮其中一樣飛佛係spider, 所以見到有spider就好想要, 猛叫spider
姑媽話第一次同妹妮shopping, 終於領教到要追住甩繩馬騮有幾攰了. 行行下見到有B女展!! 嘩, 好耐無玩B女了, 大概結婚後都好小玩了, 今日見到d B女打扮得好靚,好想玩番呀!可能遲些可以同妹妮一齊玩呢.而家就當妹妮係我隻B女同佢玩換衫先啦.
呢個彩妝同髮型我最鐘意!
其他衫都好靚架!
妹妮仲未識欣賞呢
落到樓下只係經過反斗城, 妹妮已經指住話要 go inside! 其實我地又不常來, 都唔明點解妹妮伯會咁記得?
一入到去更加後悔無著上次生日訂的紫黑色tutu, 原本諗住比妹妮襯頂巫婆帽扮女巫架! 呢度有好多巫婆帽可以襯晒妹妮條裙, 而家casual wear唯有淨係戴帽啦. 妹妮好鐘意戴帽架, 成日見親帽都話係zoe's hat (芝麻街隻Zoe呀!)
又幫咪me戴
貪靚妹又要照下靚唔靚
跟住搵到支丫义唔肯放
原來戴假髮都好爆笑架!
見到老友barney點會唔去撲?
即時拿隻坐底先!
一隻未夠要夠兩隻.
都係波波好玩d
估唔到反斗城都有巡遊, 不過離遠見到長頸鹿我問妹妮do u like giraffe? 佢居然話NO! 仲另歪面潻!
原來係驚, 你睇行埋去已經驚到喊! 妹妮連巴斯光年都挑戰成功點解會驚長頸鹿架? 可能太高呱?
最後由咪me擋住都可以影到合照了.
經過今次, 連姑媽都投降, 話短短出來個零鐘, 卻好似去遊樂場玩了一日一樣, 一個字, 攰!