8月10日，我地d酒店package全都無包早餐，爸B同Danny叔叔6點就起身去左跑步，返黎沖涼後我地集合落街食早餐。雖然9點鐘左右，但係都已經有手信鋪開左門了。呢幾日天氣都好好，但係好晒又好熱呀
我地尋日見到以前去札榥食過間"時計拉麵"，本來呢日想去食早餐，點知早得滯未開門
行過Family Mart，見到Olaf 沙律杯同Frozen 三文治呀
最後去左食Starbucks, 呢個冬甩入面有cream cheese都幾好味架！早餐後妹妮跟auntie 同Cheryl 行返酒店，我同爸B，Danny叔叔就行去牧志站攞車，今次租左架7人車呀！
攞車後返酒店途中見到妹妮三個仲行緊街呀，我地一齊返左酒店check out, 執行李上車去！
第一站係去左附近既奧武山公園玩，為左呢條超長滑梯專程揸車來架！可惜原來關左維修 -_-
唯有玩下附近其他遊樂設施啦，呢日好晒呀，馬上補防晒
條超長滑梯都係好似呢條一樣係好多圈筒組成，所以一定會滑得到，不過無得試果條玩條短短地既啦
仲有韆鞦，難得妹妮同Cheryl有得玩都唔覺得熱！其實熱到汗流背夾，真係直標汗呀！
玩左一陣終於上車了，Danny叔叔買左雪條比我地食，真係透心涼呀！
開車向恩納出發，我地book 左resort酒店，好期待去到北面進發
車程大概40分鐘左右，但係妹妮都居然瞓著左
沿途都係海邊，風景唔錯架！
終於到達了！！我地住呢間Kafuu係正Sunmarina resort對面，附近都有好多其他resort，餐廳同便利店，呢度都算方便
Resort個lobby都幾靚呀
但係等check in都等左一陣，因為當時1點左右但係兩點先可 check in
等緊之際唯有睇下個水池
終於有房喇！！呢間係Cheryl佢地既，入到黎真係正過係那霸果d好多呀，又大間又有露台，仲要有埋洗衣機可以洗衫，正呀！！
直情成間apartment，可以住好耐都得呀！！
嗱嗱聲落去deli食左晏先，呢度d lunch set 都唔貴，都係一千円一份，而且幾好味！
青咖喱好味哦！
妹妮明明食意粉但係居然有粒飯係面上，邊樹黎架？？？
食飽後到我地間房ready check in 了！我地間房同Cherly果間size差唔多，但間格有d唔同
無左open kitchen，但係多左個超大浴缸
望出去左邊果間就係新開既Monterey resort了
間房都好正呀
出發了！！！其實北面有好多景點，但係想走馬看花都未必睇得晒架，我地首先去名護既海中展望塔
之前天氣預報話日日都會有雷雨，雖然天色唔算好好，但係總算好天，而且超熱，我地買左飛行去個塔要好遠路程架！ 好彩買埋玻璃船飛，一次睇晒兩個景點
行左好耐先到碼頭呀
好彩10分鐘左右就有船到，而係碼頭都算有d風
就咁望落海已經有好多魚仔同蟹仔了
有左自拍神棍，爸b平時只係揸機，而家都會影相了！！！（YAY！）
今次自拍左好多相呀！！
終於上船了！
妹妮暑期初參加左個nature detective summer day camp，日日有outing, 仲去左海下坐玻璃底船，所以佢一上船就熟晒地頭。但係佢上次海下坐船係一條魚都無架！只有珊瑚咋
但係呢度水底有好多魚呀！！
船上阿伯突然拎出魚糧，100円一盒可以即時餵魚，啱晒兩個細路
呢度除左睇魚仲有潛水架，不過唔知妹妮幾時先可以玩呢？
呢度都有得餵魚架，兩個女仔又猛餵一番
呢度一樣有好多魚搶食，兩個都猛話比d大魚搶晒野食，好唔公平呀
海中塔其實就係係海中起既塔，有部份座落水底
原來入面都好細咋，有兩條單向樓梯上落，一落到黎d冷氣好勁架！同地面戶外溫度差好遠呀
就係透過呢d𥦬口望到出面d魚，係海洋既魚呀，同水簇館既係唔同架
有幾條nemo添！
下一站係菠蘿園，呢個係去沖繩必去地方，不論旅行團同自由神都會去既景點
因為有菠蘿車坐，雖然自動導航，但對小朋友黎講咁樣圍繞菠蘿園一週都幾好玩呀！
坐完菠蘿車就係行商店街，呢度有任食菠蘿呀！妹妮同Cheryl食左好多呀
除左鮮菠蘿仲有好多菠蘿做既產品架，幾個食唔停，尢其妹妮不嬲都好鐘意去試食，呢度任食真係啱晒佢呀
d菠難都唔算平架！我地買左小小手信
d菠蘿公仔都幾得意架，不過影下相夠了 ：D
跟住Danny叔叔話要去一間餐廳食晚飯，沿途都幾偏辟，去到見到一間古屋咁，好似幾特別噃
因為無訂位，我地walk in問下有無位先，出面有個花園，d枱櫈，韆鞦都用木做架，好古舊咁
嘩，有位呀！一入到呢個大廳，係半戶外架，無𥦬口架，但係好古色古鄉呀！
沿住呢條樓梯上二樓 （幅相係落緊樓梯去廁所既）
雖然有玻璃隔開出面d花花草草，但係望出去一樣有feel，只係多左冷氣啫
呢度主要食豬肉，聽聞沖繩出名既Agu豬，我地聽到個名覺得好似同BB講野叫佢奀姑豬咁，哈哈！
我地點左shabu shabu 同BBQ，兩仲風味試齊
Shabu Shabu 呢碟其實好肥，媽me本身食唔到肥豬肉，但係試左一塊，d肥肉係爽既
d火爐都好精美咁架，因為呢度叫'大家'，我地一路黎既時候都話去'大家樂'食飯。妹妮話 ： 日本d大家樂點解靚過香港果d咁多既？
離開時再影多張地下大廳既相，唔知咁'露天'法，夜晚會唔會好多昆蟲呢？
原來呢晚有"超級月亮"呀！唔怪得妹妮都話日本個月光又大又圓過香港既月光啦！
返屋企前我地仲去左lawson買煙花，食雪糕！點知買錯左，買左唔係有火花果d而係火箭炮一樣飛出去果d! 影相一d都睇唔到 ：（
沖繩第二日完，歎番下張大床先！
