真的結婚了

朋友Ｐ真的結婚了！！！是今年第一單喜慶，２００９聽說是好年，踏入一月一日即有第一單，應該陸續有來。

今日爸Ｂ要幫手做‘鬆Ｄ’，仲早過平時返工時間就要起身，我都比爸Ｂ嘈醒。算啦，自從妹妮出世後我倆都好早起床了。新郎都是老朋友，加上他也是我同爸Ｂ結婚時的兄第，無計啦！

爸Ｂ出門前妹妮趕及起身同bebe說bye bye。下午約埋另外‘鬆Ｄ’的老婆/女友去Great Cafe食pizza，然後觀禮去。

恭喜! 註冊了，應該不用等食翅都可以放低人情吧！

影住爸Ｂ同部份兄第先

十兄第

兄第們於禮成後第一時間到酒店攻四方城，我們幾個‘靚太’及靚女（sorry, Kennis 你好快也被列入阿太行列了）居然被任命到花墟買花...用來送新娘的。扎花好靚，因為我們揀的，當然要跟它留念

乘機摷櫃底最Grand那件裙，另加自己夾的‘側髻’。條裙已經好小機會穿了，所以今日入冬後最凍１２度都不怕冷！其實是件毛毛外套超保暖，我們還在街外逛呢！love it!!!!　

趁新娘抖抖，新郎又有空檔又影相！

爸Ｂ被訪問新郎逸事時，啜爆攝錄機...連攝影師都頂唔順！

入席後...

今次再睇由細變大的video無上次的感動，可能是背影音樂令片段很經鬆。是另一種感覺，卻是開心的。看過後都好戥他倆高興！

拋花球，可惜已婚了，其實也想去趁趁熱閙，因我以往去的婚禮都巧合地未有拋過花球啊。

十一時多整個婚禮完滿結朿，

真心的祝Paul & Pauline百年好合，永結同心！

立立亂的大除夕

今日係屋企小裝修的最後一天，亦係２００８年的最後一天。明天起一切又重新開始了，新一年，（翻）新的家！...仲有新header，我好鐘意呢張相呀！！

這幾天最慘的是妹妮，幾日都無得落地行來行去。連最鐘意玩的新玩具ＢＢ車都要泊埋一邊，頂多下午yayaGigi帶她到會所playroom玩。今日仲慘，覺豬又被電鑽嘈醒。yayaGigi帶她‘躲’出廳。最衰屋企無ear muff，唯有用被替她揞耳。

傻妹最近好開心，經常無啦啦笑到見牙唔見眼，見到師傳成日同人揮手...個師傳以為妹妮同佢bye bye，所以廢事啋佢，其實妹妮同佢hello呀！傻佬！

成屋雜物妹妮被困一樣咁好笑容！

所謂的小裝修其實只係整返個假天花，執下油同安𥦬花。最明顯的較果算是個假天花了。係咪靚咗？

其實頭兩日都無什麼進度，都係一個師傳休閒地鬆上油，大project都留在今天做，好在派出３個人才趕得起。最後師傳都搞到８點半先免強完成，我同爸Ｂ要滯留家中無得同朋友出街晚飯。

新一年新景象，祝各位新年快樂！

再來flash cards

上次買flash card時其實買了兩套，一套係之前那套騎呢flash cards。另一套係動物flash cards，主要比妹妮認識下各動物名稱。

yayaGigi每日都有study time比妹妮，就係每日不斷重複向妹妮讀這些咭及講故仔。開頭妹妮都無反應，可能當時仲細，頂多係會搶走張咭來睇下，都無出聲。老實講我自己無這種恆心，對住ＢＢ說話就好似自己同自己講話一樣，因為沒有回應的，要自問自答。不過原來這些每日一小段的對話，ＢＢ們其實有放在心的...而且到他們會開聲時便會將這些bites and pieces 說出來！

以前唔知，小朋友原來真係好可愛，又點會捨得離開他呢？

抓緊幸福

連續３日都有人來屋企執舊裝修，所以一地都係工具，雜物。妹妮被迫困在房玩，或且困在餐椅睇yayaGigi做家務。今日帶妹妮去抖一抖呼吸一下新鮮空氣，同公公及Emily姨姨飲茶去。

未去之前困在餐椅都好開心噃！

妹妮另一飛佛ＥＴ，但不知是否讀不到‘Ｅ’字，妹妮會叫ＥＴ做‘ＩＴ’。被爸Ｂ整古，妹妮變成kangaroo袋住ＥＴ走來走去，不過佢似孚好enjoy!

幸福真係唔係必然，今日聽到爸Ｂ有個同事昨夜零晨時份跳樓自殺。雖然與他並不認識，但也聽過他也有個囝囝細妹妮幾日，都係１４個月大...朋友說他早幾日還開心的說囝囝識行了。不敢評論是錯是對，我覺得痛的是個小朋友就此就沒有爸爸了，好可憐。所以我決定以後要對老公再好一點，等他就算有壓力返到屋企都會一掃而空呢！

假期去咗邊？

這幾天假期中，咪me 都返兩日工，不過無損放假心情。

１２月２５日﹣有事做，只有同妹妮返公司食早餐，妹妮已不用warm up 就可以放膽自出自入了。傍晚返家，並無豐富聖誕大餐，反而因yayaGigi放假，由咪me落㕑煮個簡單的蕃茄豆腐魚湯，飲完都飽了。

１２月２６日﹣跟老公同友人去了賽西湖‘交遊’...飲茶＋睇樓是也！

這餐廳環境不錯，仲有露天聖誕樹。

爸Ｂ與朋友比跟我更親呢，因為他掛住研究新手機。我唯有自拍，其實也有用kennis的相機影相，不過我想先post這篇blog嘛。

之後去Elements high tea，pick up 埋Nicolas & bears 的禮物便急趕回家陪妹妮了。

１２月２７日﹣要返工，不過夜晚都有節目。去食嫲嫲的生日飯！今次去食意大利餐，又一城，我又來喇！

同嫲嫲合照，這件外套是大姑姐Carol送的滿月禮物，但唔知點解呢件外套上鏡後好‘娘’。本來妹妮一身造型都好cool的，被件外套搞到即時娘了十倍，sorry Carol姑姐，只係上鏡啫，實物其實無咁娘的。

我們一家合照

飯後大家庭同大聖誕樹影相

１２月２８日　今日帶妹妮過海，去銅鑼灣。因為爸Ｂ想睇下家居用燈飾。去新羅寶食晏，我們選了buffet，但其實平時食開的散餐仲好味，呻笨！

不過妹妮大有進步，她開始自己餵自己喇！早兩日我見yayaGigi餵妹妮時捉實她手仔放匙羹入口，今日她自己可以做到了！雖然是個吉碗，但她不停的練習，每𢳂一羹空氣入口就‘暗’一聲.

於是咪me攞一小碗南瓜粥比妹妮試食。妹妮真係叻叻呀

１２月２９日　﹣是日留在家，因為有裝修師傳來執漏，妹妮的第一個表第出世了！

聖誕禮物

去年妹妮仲細，只有很多朋友來探她時帶來的見面禮，記憶中並無什麼聖誕禮物。今年妹妮大個女，識得玩，又有街街去可以著靚衫，開始有真正的聖誕禮物了。

上回講過美國auntie Lewis送了件DKNY外套給妹妮，今次影返張相等auntie Lewis可以睇下先。

仲有我join Nicolas & Bears member 時的gift set，內有熊仔，咕𠱸，紙巾盒，毛巾...都算是個及時的聖誕禮物吧？

另外細姑姐送了一盒迪士尼公主系列的記憶咭，等妹妮可以練習一下記憶。

其實上星期受爸Ｂ之命去反斗城買禮物比朋友時，都有留意下些玩具，因為真係唔知時下幾歲的小朋友玩些什麼玩具。自己prefer一些有教育義意的，不過細路仔應該都比較鐘意玩具。但可能自己怕妹妮變得很‘女人’，所以都避免揀barbie，公主做型的玩具，當然一件半件總會有，收到亦不會抗拒...只不過我覺得那些紫，粉紅色個tone唔夠靚，最頂唔順係Ｄ女仔著那些公主裝。所以寧願妹妮中性一點，總之不要將她變成一個很女人的女仔。而我最後買給朋友的是hello kitty玩具，最多都係cute，都無barbie咁女人。

　在反斗城見到很多玩具，其中有一架架Ｂ用手推車，當時腦入面都閃過一刻...我會唔會買這些推車仔比妹妮玩呢？因為見過很多小朋友都鐘意推玩具BB車的，而且妹妮都幾鐘意推車仔。不過好快就自有答按，屋企已有shopping cart啦，而且這ＢＢ車內的ＢＢ很核突。

。

。

。

昨夜yayaGigi都買了一份禮物比妹妮呀，就係我最驚的ＢＢ手推車。個ＢＢ真係好核突，不過妹妮卻玩得最開心。

自動自覺把ＢＢ車推來推去，仲猛叫ＢＢ...ＢＢ呢！又替ＢＢ揮手...

玩完仲會泊好車，將bb車泊在shopping cart旁邊。

我同爸Ｂ都奇怪怎麼妹妮的口味咁奇怪，其實妹妮並不太鐘情娃娃類玩具，但偏愛的都是比較核突的，她另外的飛佛係... E.T.