西（貢）遊記

平時放假我哋一家多數去海港城或Elements，貪佢有免費泊車又有得行街，有得食。但成日去都去到悶，今日我哋搵d新地方去，就去D妹妮未去過嘅地方，就去西貢啦！

泊好車見到個公園仔有呢d BB千揪，硬係唔錯過啦，即刻‘的’妹妮去玩先！你睇，好安全架，唔駛扶都得！妹妮開頭有Ｄ驚架，不過fing兩吓就慣，仲幾鐘意潻。

去到西貢當然唔小得睇吓海鮮！唔食唔買都睇吓嘛，一兜兜喺艇度，好似新鮮Ｄ咁，呢Ｄ就係包裝嘞。

爸Ｂ影相技術唔掂，睇吓兩張相嘅構圖，係咪我影得好Ｄ呢？起碼唔會則埋一邊...爸Ｂ當然死倀話係專登影多Ｄ海啦，鬼信你咩！

西貢市有好多露天餐廳，又多鬼佬，真係幾似去咗外國架！幾好feel喎，見今日唔係好熱，就坐室外啦。鬼妹待應送上迷你水比妹妮，個柸細Ｄ連飲管都cut短咗，好細心呀！

唯一可以食嘅‘大人嘢’...麵飽，食得津津有味！呢個仲有D香草味潻，不過妹妮就快一歲，應該無問題嘅。

見到個pizza，居然掹鳥低頭去聞　妹妮而家好似屋企隻大肥，見我哋有嘢食就即時雙眼發光，好似餓咗好耐好想食咁，真係失禮死人。不過個pizza其實好咸，都係另外個磨菇意粉好食好多！

返到屋企仍然玩唔停，同爸Ｂ玩到ka ka笑，連新出嘅牙仔都見到了！呢，下排最右...正中兩隻隔離嗰隻，同埋上排最左都有隻出緊呀。

妹妮的Little Red Hen

妹妮細細個時（大概３，４個月大）yayaGigi已開始讀書比佢聽。開頭因為無買書，yaya就讀佢d有彩圖嘅聖經故仔書，但始終太深又無咁有趣。後來妹妮特別鐘意爸Ｂ朋友送嘅cardboard book ‘Little Red Hen’，因為本書係硬咭內頁，揸極唔巢，仲係故事性，又有圖畫。除咗呢本書，其他d書都係簡單‘apple’，‘orange’等單字嘅書，又或且係細細本嘅布書，膠嘅沖涼書等。yaya每日都有story time比妹妮，之前都講過妹妮一聽到once upon a time就無論幾busy都爬埋黎聽故仔。

yaya仲會揸住妹妮雙手仔按故事內容加插小小動作，例如‘stir the flour’，‘slice the bread’等。經過幾個月嘅‘潛眠默化’，原來妹妮真係學到嘢架！

睇吓！妹妮而家只要掲到去little red hen放麵飽入焗爐嗰頁，佢就會翻開雙手仔做個‘put it in oven’嘅動作架喇！！！　雖然同‘no more’個動作好似，不過試過好多次都係掲到嗰頁就會翻手，有時仲專登要搵嗰頁潻，好搞笑呀！亦證明妹妮真係日漸長大，開始有學習能力喇！

三人行

今日係我哋結婚四週年哦,但爸b話等10月1日'正日'先慶祝. 因為我哋分開註冊及擺酒,所以多數都以10月1日為紀念日(今日可以話係註冊紀念日哦!)...其實慶祝多一次都唔錯吖,可惜我家的是個大大大悶蛋兼懶蟲,連踢都唔想動,何況出街食飯? 雖然已book 10/1晚飯, 但我前兩日先驚覺原來10/1係假期,即係yayaGigi會放假...咁咪即係要‘lunk'住妹妮慶祝,無得二人世界? 仲要係以後10/1都會係假期喎...噢, 除咗結婚週年外,生日都係呀, 咁樣其實算唔算更有意義呢

尋日車爸b去沙田開會，順便去行街街。新城市變咗好多呀，多咗好多鋪頭。不過我主力行b嘢，去完荷花洗 coupons又去Dymocks，一田又有好多靚嘅b用品，我仲join埋一田個BB Club...最後買到成地都係潻。呢張相收起d日用品喇，妹妮鐘意睇書，所以買咗幾本，等佢唔駛日日都聽yayaGigi讀‘little red hen'嘛。

爬上爬落

妹妮而家唔祗識由梳化爬落地，上星期仲識由地爬返上梳化了...有時妹妮仲會好似馬騮咁雙手擒住張枱，提升雙腳玩引體上升...真係睇到都一額汗，怕張枱會反呀！！。我同yayaGigi開始擔心妹妮識行時，我哋就要人釘人，睇小一眼都唔得點解我家小妹咁活躍呢？！-＿＿-”

11個月大喇！

妹妮今日１１個月大喇！所以安排咗一個好有意義嘅活動...就係同公公嫲嫲去飲茶嘞！！其實公公一早就提議約嫲嫲飲茶，因為同爸Ｂ結婚後佢哋都未再見過面了。不過我想等埋爸Ｂ先，但爸Ｂ又要返工走唔開。於是媽me決定如期進行，就趁妹妮１１個月生日呢個特別日子等兩老可以同妹妮慶祝吓...係咪好有heart呢？

yayaGigi又幫妹妮創作新髪型，加咗夾仔。其實我覺得幾...怪鷄，因為得嗰幾條毛仔，不過今次已經無以前咁核突，就由佢啦。妹妮而家已可以坐bb櫈，唔駛人抱，仲會自己餵自己食飽飽，好醒嫁！仲要認一陣人先肯比公公摸手仔嫁。

公公、嫲嫲同yayaGigi，今日叫好多點心，妹妮都有食齊腸粉，馬拉糕...

仲霸住籠叉燒飽潻！

呢兩個星期，妹妮都學到新嘢呀，就係聽指令嘞！

Massage!! 聽到massage就會跁喺度，等你同佢按摩嗎。

仲有behave潻！只要叫佢'behave yourself'佢雙手就會搭埋放喺胸前，yayaGigi話教咗成個月嫁！

今日節目多籮籮

一早起身就比爸b‘的’咗去九龍仔公園哹吸新鮮空氣，爸b話要比妹妮行吓公園喎。其實係陪跑就真！晒到死，爸b跑步，我同妹妮唯有躲喺樹底，好彩都有d風，唔係就蒸乾妹妮了。

九龍仔公園影起相都幾靚喎，途中經過泳池，有Ｄ後悔點解唔游水呢。

食完早餐之後仲去探太婆潻，趁中秋節同太婆團圓吓嗎。太婆好鐘意妹妮嫁，雖然太婆唔係好認得，但一見妹妮即刻醒晒，掹話個ＢＢ好得意。

臨走前送太婆一個kiss kiss，妹妮暫時只識伸出個頭仔做kiss kiss，唔識嘟咀仔住嫁不過都lum死人喇！

去咗半日街都攰了，返到屋企一齊覺覺豬先，睇吓妹妮瞓喺爸Ｂ身上瞓到丫晒口

妹妮瞓著個樣同平時唔同嫁，我就覺得女仔Ｄ，不過瞓低咗塊面仔好似仲闊Ｄ。

覺豬完畢就出法去行叔叔新屋企house warming，妹妮去到新地方都好快熟絡，之後仲周圍爬，參觀吓間新屋。

跟住妹妮仲一齊到會所去打保碌齡，妹妮見到咁多大波波喺度碌，睇到目定口呆。

終於忍唔住要去摸吓Ｄ波波，嘻嘻，咁重嘅！咪睇佢企得咁穩呀，其實妹妮仲未識行嫁。

中秋賞月

今日買到燈籠喇，係魚魚燈籠，好cute嫁！妹妮都好鐘意咁喎

本來諗住買吹氣嗰Ｄ，發現呢Ｄ全統燈籠有迷你版就硬係買呢Ｄ啦！媽me不嬲都鐘意全統燈籠嫁，仲有個大楊桃留咗喺公公屋企潻。

今晚我哋喺屋企「做節」，叫pizza食。妹妮好想食埋一份，３６０度轉身想偷食。差Ｄ比佢攞到！

飯後就係全晚最精彩嘅節目...賞月嘞！爸Ｂ帶咗我哋去附近嘅公園，諗住唔玩都睇吓人㷛焟...點知人影都無，只有小貓三四隻，一Ｄ氣氛都無都唔似往年喺公公屋企食完飯去馬鞍山個海濱公園咁熱閙，成個公園都佈滿一家大細，坐滿草地賞月，玩燈籠。以前我同爸Ｂ都試過去嗰度賞月嫁...早知一早就揸車入去啦，不過妹妮要覺豬，唯有等出年先啦。

呢張相爸Ｂ話專登影埋個月亮喎，呢，我頭頂嗰一點咪係囉。

呢個已經喺係最旺場嘅corner喇

游蕩一陣後，都係打道回府，今晚行程報導完畢。妹妮第一個中秋就係咁渡過咗lu，出年我一定知‘訂’了！

家好月圓慶中秋飯局

妹妮今年第一次過中秋呀，上次中秋妹妮都仲喺媽me個肚入面，而yayaGigi就喺中秋節正日加入我哋嘅家庭，時間過得真快，轉眼就一年了。不過由於妹妮仲細，未識玩燈籠，所以今年都無咩特別慶祝...但媽me聽日都會買個電子燈籠比你，妹妮你放心啦，媽me應承買燈籠，絕對唔會甩底，唔會出年先有得玩嫁，嘻嘻！

　今個中秋相信都會喺平淡中渡過，始終妹妮每晚都９點就覺豬，好難有得賞月嗎。不過都有兩家團圓飯食，妹妮又點會無份呢。

尋晚同爸Ｂ屋企食飯，妹妮表現好乖，不過都唔係人人比抱，大小姐嗎！！

不過見到靚仔都會比面望多眼嘅，睇吓呢位隔離枱嘅靚仔！妹妮𥄫咗好耐嫁，似唔似嗰個大隻ＡＢＣ港男？３號嗰個呀？

今晚到公公屋企食飯，因為唔係成日見到公公，開頭都有Ｄ怕醜嫁，玩一輪熟絡返就成日望住人嘞。

靚盒

好耐無買過日本雜誌了，因為覺得貴呀。今晚經過７仔，見到呢個隨書付送嘅禮盒，就吸引咗我埋去。係ＴＣ嘅盒仔，睇落都幾靚丫！就買啦！原來係鐵筆盒，簡直就係讀書時代嘅恩物，雖然係鐵做，但有用拉錬開關，真係剛中帶柔！可能可以當化妝袋用喎。哈哈！

其實以前都儲落幾個ＴＣ嘅雜誌禮品，其中一個跟咗我幾年嘅ＰＶＣ袋仔...呢，細細個，剩係裝銀包同紙巾，比你lunch出街用嗰Ｄ呢。新年時居然喺奶奶屋企出現，仲係新年時用咗黎裝佢Ｄ利是...都唔知出唔出聲好。不過都過咗咁耐，都係無問佢攞返，袋呀袋，唯有希望你個‘新主人’會對你好Ｄ啦...

笑笑小電影

妹妮精力旺盛，簡直無時停，好似生蝦咁彈。而且經常處於興𡚒狀態，直至．．．

．．．

．．．

可憐小妹妮撞親仲比冷血媽me笑， 不過影咗佢笑咁多次，今次比大家睇吓妹妮嘅喊樣，同聽吓佢洪亮嘅喊聲！

第一次摸摸

今朝食完早餐後便去‘影樓’棟相，個攝影師幫妹妮影咗十幾張，但passport用我哋只需要一張。其實望落去張張都差唔多，因為今次係為passport而影，就算技術幾好始終都係影張証件相，所以無咩驚喜。不過原來Ｄ相係用１２０mm菲林影，感覺好似‘矜貴’Ｄ。　所以我哋加咗錢晒多咗４款做２Ｒ相...咁就駛多四舊水，不過ＢＢ樣變得快，當做為今次‘活動’留個紀念啦!

前幾日大，小肥洗完白白，見今日仲香噴噴就比佢哋同妹妮黎個第一次正面接觸。大，小肥因為妹妮嘅出現而要被分隔在露台外嘅工人房（慘!），雖然我間中都帶妹妮去睇貓貓，不過未掂過佢哋。今日爸Ｂ特赦比大，小肥放監同妹妮玩呀（好嘢！）好多書都話比小朋友養寵物可以培養責任感同愛心, 相信妹妮大個d都會學到嘅。

第一次咁近...妹妮有d驚嫁,不過大肥仲驚.彈開幾尺先!

得爸b細心引導,妹妮開始relax D, 仲熱情到伸埋去錫錫潻.

見大肥你咁乖, 等我小妹妮比個kiss kiss你啦

又摸吓小肥...並實係搣小肥耳仔就真!

仲追住大肥, 大肥驚到走為上著.

唔夠手攬晒3隻, 影住兩隻先. 無錯,妹妮都係一隻...豬仔黎嫁。