最後兩日了，8月1日原來係瑞士國慶，因為酒店係瑞士公司，所以佈置得好有氣紛，領士都係食早餐，所以我地去左樓上既business lounge食
呢日我地無游早水，走左去水上市場Tailing Chan。我地從酒店截左架的士講明by meter，上左車就猛sell我地去遠d，我地拒絕之後佢居然打個電話後就話自己老婆入左院所以要我地落車！-_- 之後我地唯有講價300銖截左另一架的士。一落車見到間鋪頭有海南雞飯同牛丸米，即時再食！！
海南雞仲去晒骨
牛丸米都好正，兩樣夾埋先30蚊港幣！
後面就係TailinChan水上市場了
未見到水上市場先有個市集，有好多食物，生果賣架！
EE先見到呢d好似以前d飯壺，但d顏色好靚！
於是我地一人買左一個
船市場仲有熟食
雖說是水上市場但係只得幾隻艇仔咋！全部都係賣熟食，不過我地擔心衛生問題無食呀。呢度仲有個碼頭可以遊艇河，但係妹妮話無興趣我地就無上艇了
即場新鮮炒起既脆米都幾正，幫襯左兩包！
呢條魚就係艇上賣果d，見到好似烤出來的，好似幾正噃！
離開時我地截到按錶計錢既的士，原來出返Siam Paragon 都係140銖咋！！我地去左PLING食晏
整體味道不錯呀！
呢度仲有Harrods食tea！
好想食不過總不能食咁多餐
去埋super market shopping，呢度超多野買！
今早天氣好熱，我地個個黐立立
d 雪條都好吸引呀
實在頂唔順再行去搭地鐵了，我地上左篤篤，點知又嗌貴d要400銖！！第一次坐真正既篤篤
妹妮居然瞓得著，但姨丈話好似坐完過山車咁！
返到酒店即刻去左游水
但係游左一陣個天變得灰黑了！其實整個trip都係日間好好天，夜晚先落雨，我覺得幾好呀，無阻我地日間出街！
返房同爸B tango，連Burger都有份架
呢晚都係近近地去T21 食西餐，見到呢間阿根廷扒屋姨丈話唔再食泰餐了
沖乾淨涼個人都爽d，雖然落雨但係夜晚無觀光都無所謂啦
我地只叫左一塊牛扒，同意粉，沙律，side dishes之類，初初仲以為唔夠食點知都好飽呀
都食得晒架！
食飽飽我同EE去左T21 最後衝刺，姨丈又帶住妹妮去食Swenson's 雪糕！
是晚節目就係去Health Land按摩，今個trip最後一次，因為帶住妹妮無人睇，於是都同我地一齊做，希望唔好令佢上癮就好了！
返到酒店樓下間7-11 已經11點幾了！兩人居然可以打書釘
最後一天了！我地一早食早餐游埋水就執好行李準備出發回程。因為3點機，我地11點check out叫左的士截我地食lunch，等我地再車我地去機場
呢個商場睇落名店為主，但係好modern好新呀！
我地去建興酒家食晏，呢度無咩人流，早知前晚就黎呢間應該唔駛點等位
呢張妹妮影架
最想食當然係咖喱蟹啦！！真係可以撈到成碗飯架
呢碟唔記得係炒咩葉，係香港比較小有的
粉絲大蝦也很正！
炸魚
大家都食得津津有味
但係生蝦就唔夠爽
呢次旅程完結了！！因為太耐無黎過，原來而家曼谷變左咁多，我覺得機程差不多，但好食好玩過台北，而且又平，應該可以黎密d。下次仲話去埋芭提雅，真係好想快d再黎呀！
