又來PN interview

今日去屋企附近的幼稚園見PN班面試, 係妹妮第二次面試, 上次已是剛足一歲時了. 事前都抱住隨遇而安心態. 所以就算有成個月時間都無催谷妹妮. 有鑑於呢幾個月比起一歲時妹妮醒了很多,  咪me相信妹妮一定得嘅!

早半個鍾到,等妹妮熟習環境,一陣無咁驚. 去到學校發覺有成百人!! 好多人interview,即係被選中的機會又小了.

有理無理攞架車仔玩先, 妹妮以為呢隻同屋企的搖搖馬一樣, 就向前後UP. 笑屎我! 傻妹, 呢架車仔黎嘛, 要用腳牚牚先行架

見到咁多小朋友都無話驚, 仲好好奇裝下班房.

班房門前又來全家幅, 係呀, 我唔會影到厭架!

跟住玩滑梯

又畫畫

十點正到我們了, 只準一個家長陪伴所以爸b出去等. 叫他幫手影相佢就隔住玻璃錄影. 影d相又zoom到近一近,都睇唔到個班房(背景)/小朋友/老師(人物). 只睇到我同妹妮...睇返張相都唔知我地喺班房啦! 真係吹漲!!要幫佢報返班攝影入門班先得.

言歸正傳, 妹妮今日表現麻麻地, 最叻係剛剛坐定warm up時老師問枱面本書入面隻老虎叫咩時答到 'tiger'! 之後再問貓同狗妹妮都無答, 啤!!

今次比上次的幼稚園簡單, 只有兩個回合.
首先圍埋一個圈,老師拿出故事書及動物公仔模仿牠們特性做動作...如長頸鹿會nod the head, 猩猩會swing its arms. 妹妮係企定定觀察無做動作. 唯一自動會做係拍手同完成後幫手執起公仔放返入袋, 仲執兩隻!

跟住圍圈唱歌, 妹妮平時一聽到音樂就扭身扭勢, 應該ok的! 老師先每人派一個 shake shake 捧. 然後大家聽音樂扭. 當音樂停止就聽instruction將shake shake捧放身後面或頭上面. 這個我覺得有點難的. 如我所料妹妮要我幫手先可以擺啱位置. 不過我見好多小朋友都一樣唔識, 得一,兩個得. anyway,就這樣完 結了今日的面試. 最後妹妮都好孤寒, 只同一,兩個老師bye bye.

比起上次又要分別顏色, 又限要分別生果, 又要指出眼耳口鼻已經簡單好多. 不過叻了好多的妹妮表現仍未如理想. 我諗可能一來佢係'細仔',其他小朋友有可能大佢半年. 二來妹妮無返playgroup, 無同小朋友唱遊經驗. 不過由於我們向來都無話要入名校, 所以如果落選都唔介意,其實今次之後都無再報其他幼稚園的PN班了, 所以是今年PN班最後一次面試. 不過心中亦有另一間international kinder想去. 其實讀國際幼稚園又唔駛interview, 又輕鬆, 可能會適合妹妮一d呢. 點都好, 面試下當攞經驗啦.

我們之後先有早餐食, 去大排擋飲個茶, 食件馬拉糕啦.

 

 

仲有前日先醒起幫妹妮拆利是, 我們親戚小(雖然爸B家已有一打人),又無去朋友家拜年,所以無大豐收. 不過D錢都會幫妹妮儲起, 等她養成咪me無的儲蓄習慣

忙

今個星期工事繁忙，無得陪妹妮玩，慘！

昨日公司有同事發生命案，是真的命案！雖然不是親眼目擊，不過也有很多同事經過現場目到他倒地一刻，內容大概如下（摘自生果日報）：

【 一 名 因 「 包 二 奶 」 與 妻 子 離 婚 的 男 子 ， 早 前 因 為 失 業 而 遭 二 奶 拋 棄 ， 為 此 欲 與 前 妻 復 合 ， 但 誤 會 在 寶 馬 車 行 任 職 抹 車 工 的 前 妻 與 上 司 有 染 ， 更 懷 疑 「 情 敵 」 從 中 作 梗 。 昨 午 他 買 來 一 把 尖 刀 ， 光 天 化 日 下 在 土 瓜 灣 街 頭 亂 刀 劈 頭

腹 斬 死 情 敵 ， 並 刺 傷 前 妻 ， 最 後 由 趕 至 的 便 裝 警 長 制 服 。】

雖然跟那同事互不認識，但聽到消息後都很心嗡，很不安樂。一個 死 訊 ， 令 兩 個 家庭 陷 入 極 度 哀 痛 。點都好，死者已矣，希望基哥能夠安息啦。無人想到返返下工都會一去不返，令我覺得人生真係好化學，又再提醒我要珍惜每一天，愛惜身邊人。

呢幾日無得偷懶同妹妮玩，好彩yayaGigi幫我影下不小相片，等我可以睇返當日發生了什麼。

天氣開始熱了，可以穿短褲仔喇！

睇下妹妮一身夏裝加個美人魚pose係咪好少女？呢條裙仔舊年夏天都著過，估不到今年仲啱著！

著短袖短褲雖然已經無之前般漲卜卜，不過我仍然覺得好卡哇咦呢！

劉四萬招牌笑容　已經出了上５隻，下５隻共十隻牙仔了。

雖然爸Ｂ咪me忙住返工，每朝的親子新聞時間都不會skip的。因為一早７點幾就會敲門到我房，然後嚷住要‘see V’（即係睇ＴＶ，係妹妮自創詞語）。除了睇新聞，仲會睇國際台的Baby First。妹妮而家鐘意睇ＢＢ節目多過新聞了，一轉台見到Baby First就會興𡚒得扭身扭勢，又會同電視人物揮手講bye bye。啤...

睇得咁歎，難怪每日都要到咪me房‘see V’啦！

週未點過？

【星期五】

帶妹妮去打流感針(我都知係遲了一點），未打針只拿起衫袖已經好似知道咁扁晒咀。不過好笑係一路keep住扁咀無喊...直至見到枝針就大喊了！以前細個時通常都係枝針掹走一刻先識喊（真係後知後覺），仲只喊３秒就停...而家喊５分鐘先停。

之後去同公公飲茶，行過千色店見到crocs居然走埋去掹住對桃紅色crocs，難道妹妮已經有自己的主見嚒？但她平時飛佛係綠色噃，可能見無綠色就轉呔吧。不過最後無買，公公話新正頭買鞋唔利是，橫掂諗住夏天先著，遲Ｄ先買囉。到時買對迪士尼mary jane比你啦！

而家妹妮好似熱情多了，無見公公一排都無陌生，主動申出雙手要抱抱，公公樂意到不得了。

買了好耐的馬仔，一直都好小玩，因為腳仔掂不到地下我又懶得攞出來。而家腳仔長了掂到地，可以自己up 前up 後，馬仔重生了！可以玩喇！

【星期六】

一早同爸Ｂ車咪me返工兼去食早餐，個頭㧜係尋日去飲茶途中買的，都係妹妮自己揀架。難得她戴了後無立即除，見＄１０就買啦，而家成個女仔晒！

下晝爸Ｂ單挑帶妹妮去公園散步，咁大旦草地，最啱比活力沖沛的妹妮週圍走。

好似放狗一樣走到老遠了

又fing下手仔做体操

【星期日】

今日去一個藝術playgroup的open day參觀，有個朋友囡囡都在它的分校上堂。其實想報名好耐了不過九龍校無芭蕾班又無１２個月的兒童班，最細要１６個月大才可enroll其他班，而家夠秤了可以參加喇。

話明open day都有Ｄ試班比家長同小朋友玩下，呢個唱歌跳舞班本應好適合妹妮。不過見妹妮可能怕醜好似無大反應，或者係Ｄ歌一首都未聽過呱。點解妹妮由爸Ｂ陪而不是咪me陪？因為爸Ｂ只會拿住相機呆企而唔會拍下‘花絮’，於是咪me唯有搶返黎影囉。

跟住去玩手工，初初都ok，但因為妹妮突然有潔辟，見自己手仔有顏料就喊住要清潔。不過後來慣了又繼續搗亂，珠片掉到成地係！

最後就趁今日報名有８折報了手工班，３月就有得上堂了！

妹妮 says NO

上回講過妹妮好生性幫我揼骨，其實係拍下背，今日終於比yayaGigi影低了，咪me就一個咋痛樣，不過就唔知點解妹妮都有個古怪樣？

呢本‘little red hen’書由四，五個月大睇到而家了都不經不覺睇了一年，妹妮對它耳熟能詳，除了之以前見到put it in oven時有動作做，而家見到拽人會話no, no, no!

十六個月大+有相睇喇！

眨眼間妹妮己經十六月生日了，由一歲到而家的短短四個月妹妮大隻了好多，也叻很多了。仍然一日５餐，２餐粥３餐奶＋生果，餅乾等小食。除超重外（雖然唔肥），已經由80cm標高至84cm了，可能是拉長了所以我覺得她還瘦了呢。仍然無返playgroup，只係得yayaGigi每日帶她落playroom同小朋友一齊玩。而家夠秤我諗住替她報個playgroup返下學，相信妹妮呢個咁活躍的小朋友會喜歡返學呱。

自農曆新年假期後，妹妮開始在急屎時叫‘por por...por por’來通知我們。初時還以為她講波波，因為她經常要玩波波。但再問下想聽清楚又好似係poo poo，帶她到厠所又真的有的得疴！呢幾日仲搞笑，當坐上坐厠後仲會自己哼‘唔唔...唔唔’潻！

前日開始我左肩的雞翼骨位突然好赤痛，直情唔旭都痛。於是早上同妹妮在床上睇新聞時跟她手口並用說咪me背背痛痛，然後捉住她手仔向我背部拍拍。點知她真的替我揼背！！雖然唔期望會啱位，夠力，但已經冧到暈喇，仲要之後會主動鍚鍚　而家只要我摸住背然後一個痛苦表情，妹妮就會走埋黎替我拍背了。妹妮你真係好sweet呀，當時我即刻覺得妹妮真係好生性呀！

終於有得睇四個月前請攝影師來屋企影的相了，妹妮當時剛一歲，而家睇Ｄ相個樣都唔同了。不過整體我們都好鐘意，雖然耐Ｄ，不過平時好少有我們三人合照，而這些都不錯吖！

可能妹妮當時出牙，所以個咀成日‘wher’

呢張仲扁咀潻

好鐘意的全家幅

呢張因為我單手托住妹妮，所以隊個肚（盤骨）來啷住她，點知好似大肚一樣。

Emily EE同姨長都有好多靚相

舅父德得幾張咋

妹妮solo，件唔知係雞係鴨的costume係為halloween買，本來諗住去迪士尼時著來影相，但天氣太熱無著，好cute架！

扭計仔

原來太攰，影了一整個下晝，攰到一坐低就覺豬豬

不過一樣唔放過佢

當然少不了爸Ｂ咪me二人相啦！