暑假好快就過左了,開學都有成個月,但係仍然好懶去update。今次寫下妹妮暑假做過咩,雖然無博命報暑期班,但係呢個暑假都去左兩次過夜camp,係第一次自己一個人在外過夜呀!
呢次我地參加烏溪沙YMCA既宿營,其實去報名時已經好full,導師問過妹妮幾歲便推薦呢個'小小世界公民營,因為得呢個妹妮夠歲參加。其實當初報名都係想妹妮獨立下,學下自己照顧自己,所以都無約朋友一齊,諗住去到可以識下新朋友!有朋友一齊就會成日黏住一齊唔會主動識人架。呢個camp既主題係世界公民,原來d義工哥哥姐姐都係來自世界各地,有德國,韓圍,台灣,日本等
check in 呢日家長唔係淨係drop低就走,可以一齊聽講再帶佢地去營舍至走 !在場都有成四十幾個細路,男仔多個女仔,女仔自己一座營舍。見其他人拖晒喼咁,原來有不少人之前已參加過,仲識帶宵夜!
沿途經過大球場,營舍離飯堂都幾遠噃!
我細個時都黎過呢度宿營架,不過而家已經番新過晒了!去到6號屋了,12個女仔一間屋,每間房有兩張雙格床
都唔記得d間格,原來有廳有房,有電視架!
妹妮揀左下間床,我叫佢同同房朋友仔影張相先,點知兩個就識左friend埋了!
安頓好我就走了,專程買左個$200平電話比妹妮打返屋企,點知原來唔記得比錢佢買零食,有d小朋友有宵夜食佢就無,第二朝即刻飛車入去比$同帶左d零食!見到佢地食緊早餐呀!有粥有麵,好似都幾豐富
跟住無見妹妮3日,都算日日有電話打返屋企。下面d相就係YMCA影返比家長既。佢地呢4日3夜去左好多地方呀!有火車博物館,赤柱,山頂,尖沙咀。原來佢地要介紹香港比外國來的哥哥姐姐!
除左outing,都有係camp site玩遊戲,營火會等。
今次自己去camp可能無咩增進自理能力,佢仲話d姐姐比佢地睇“武則天”!!不過最大得著係,妹妮學識自己瞓覺!!平時要人陪係附近先瞓得著,而家自己一個係房入面關晒門,都可以1分鐘內入睡!真係好叻豬呀!!!呢個camp無白比$了!