sunday

今朝爸Ｂ同妹妮單拖去游水，因為咪me懶床呀！不過我都無愉懶起身從𥦬口伸出長鏡zoom落泳池幫兩父女影下他們游水的親子相

爸Ｂ發現有狗仔隊

連妹妮都咁好眼見到咪me!

出去飲茶後因為大雨，我們又打道回府，本來想去公園玩下都唔得。可能做完一身運動，回程時妹妮已經呆滯，返到屋企仲nap了兩個鐘！真係要比Ｄ運動佢先可以令佢靜下來。

覺豬過後姑姐姑丈來了，姑丈猛幫妹妮影沙龍，叫佢扮cute cute，妹妮居然自動波扮cute，係咪好難頂呢？可惜只扮一陣就阿崩叫狗愈叫愈走！

跟住成棚人黎晒，同表弟慶祝半歲生日。妹妮一見爸Ｂ抱表弟就即刻扭計，又爭抱。同表弟暫時無交流，可能表弟仍然太細，唔識比反應妹妮呱，妹妮又自顧自玩。

將兩個秤埋一齊，妹妮都有表姐風範拖住表弟手仔。

一大班人等切蛋糕，食pizza

因為表弟唔識吹爉炾，就將重任交比妹妮，可惜叫極都唔吹！

淨係掛住玩the pooh紙碟同紙巾

同埋七彩波波

簡直high過食左fing頭丸

仲攞埋收埋好耐的馬仔出黎騎，而家自己可以爬上爬落，仲勁rock前rock後，rock到就反咁滯！話時話無玩咁耐隻馬仔縮細隻了。

無無聊聊又一week

眨下眼又到每星期一都期待的週未，可惜又日日落大雨，都係滯留在家。

ＢＢ柔軟度真係高，妹妮又表演smell her toes。仲擺好甫士等咪me影相

摺埋後好‘compact’，好似件小行李！其實我中學時都玩体操架，都可以摺到咁，仲攞到十分。前幾年又去玩yoga，都仲好軟。今日見妹妮試我又試，而家摺唔埋了。

上篇講過妹妮好鐘意模倣書入面人物或公仔，右邊幅圖妹妮會指住黃色公仔叫Daddi，馬騮Milo就係monkey，另一個小朋友公仔就叫做Aerin。

今次比我影到喇！妹妮每次揭開呢頁都會扮個𡃁模將手放在臉旁扮cute。

在家無所事事，一日要摷好多書，玩具先至捱到夜晚架。呢套puzzle就日日都會玩，雖然呢套Ａ﹣Ｚ同之前flash card唔同，妹妮認得晒Ａ﹣Ｚ的詞語了，不過新字Violin教極都讀成Y-lin-lin，唔知係咪ＢＢd發音未成熟，所以讀極都爭Ｄ？

yayaGigi吹好多波波比妹妮玩，但多得滯又驚。

唯有搵Daddi玩啦！而家妹妮鐘意叫爸Ｂ做Daddi Daddi Daddi Daddi Daddi，無錯，每次叫親都起碼連續叫４，５次先停，冧屎Daddi。真係想錄低佢做電話鈴聲！仲會拖爸Ｂ埋門口叫sit down。

但自己卻又走來走去！

７月summer school開課了，不過仍未收到通知，希望快Ｄ有學返等妹妮無咁悶啦！

在家的日子

呢排成日落雨，又無學返又無街去，妹妮日日都待在家中。一個字，悶！

平時我返到屋企妹妮都會倍我入房換衫，呢個習慣由佢未識行已經開始，不過而家歎慣冷氣！因為只有廳開冷氣，一入到我房就即刻大叫‘HOT’仲加埋手仔做挬涼手勢，然後即刻轉頭出廳大叫‘COLD’，真係好巴閉！

揭開書，就好鐘意扮書入面公仔的動作擺甫士，見到Elmo書入面的Zoe跳舞，就會單腳遞起做個跳芭蕾舞動作。爸Ｂ初頭見妹妮無端端遞高單腳仲以為佢扮黃狗射尿

而家開始有喜好，雖然未至於識揀衫著，但見到有花花的就即時自己笠過頭！

勁鐘意我上次買的貓貓床單，一入我房就會低頭鍚落床單度...呢個女真係幾騎呢。

終於比我拍到佢唱I Love You歌喇！！因為成日都見鏡頭就罷唱，今次難得比我影！

呢個轉轉仲搞笑，轉到一卜一碌！

最近買了新iphone套，妹妮勁like!成日要monkey monkey phone。而家妹妮已經識用iphone，unlock同篤入花花icon入面睇相了！

 

生日會＋父親節

星期六朝同咪me返工後又有節目，爸Ｂ帶妹妮參加新朋友仔生日會。生日主角其實素未謀面，不過是爸Ｂ同事的囡囡，當識多個朋友仔囉。而家又無學返，連playroom都關埋，無定去，去下生日會都叫有節目吖。

爸Ｂ又向自己體力挑戰，帶妹妮搭地鐵。因為單拖關係，所以又要抱住妹妮又影相，Ｄ相都係‘out-fo’的。

去到商場餐廳，見到熊仔即時想去摸

黃色衫妹妹就係壽星女了，爸Ｂ話觀察後發覺大部份小朋友（即使３歲以上）都係自己顧自己無咩一齊玩。壽星女４歲大，不過爸Ｂ話壽星女只係高妹妮小小，Ｄ家長以為妹妮係壽星女Ｄ同學仔潻。

妹妮都係自己玩，只去撩下小丑。

食完小食就同爸Ｂ返歸了

爸Ｂ話今日搭地鐵攰到爆，下次都係揸車好Ｄ喎。

＊＊＊＊＊＊＊＊＊＊＊＊＊＊

父親節第一個節目就係游早水，９點幾就落泳池。今日試下舊年件泳衣，居然都著得落，不過緊緊地。擺返個pose影相先！

而家可以唔駛坐水泡車仔，淨用手袖了。仲夠膽自己行來行去！

自己游水喇！！今日嘗試數１，２，３然後吹氣到妹妮臉仔，等佢弊氣就即刻潛入水底。不過只成功試到一次，因為之後每吹佢臉仔妹妮都吖大口笑，唯有等下次再試啦。

愈叫愈走

去食日本平lunch，今日梗係比面著I LOVE PAPA tee 啦！

妹妮都有份食架，佢仲指住我碟牛扒叫‘牛yuk’話要食！傻豬你又點咬得開牛扒呀？！食下魚魚算啦。

而家已經無時停，返到屋企又曵曵。搶住要玩眼鏡，仲扯難埋！當我幫佢整時又鬼揸咁叫又喊住扭計。

跟住就比爸Ｂ罰企門口naughty corner。我地都估唔到妹妮真係會企喺度唔郁，大約５分鐘後爸B叫妹妮同我講sorry 媽咪，妹妮又肯講喎！於是我地就放去走比佢去玩嘞。

之後本來想出街晚飯，去以前拍拖時常去的壽司店。不過已經幾年無去過，心諗都可能執笠了，即本去睇睇啦，結果真係執左。後來妹妮又猛叫wee wee，我地仲返埋屋企嗌外賣，一個簡單的父親節就這樣過了。

二十個月大喇！

妹妮今日二十個月大了，愈黎愈大邁向Terrible Two。其實而家已經無時停了，口不停講野，身不停又扭又跳舞，總之無時停。

二十個月身高90CM，重29.5磅，算係大隻一簇，不過其實唔算肥。

你睇同一條褲，一歲生日時仲係長褲，而家係三個骨了。

仍然一日三餐奶，試了好多次都唔肯食麵包代替早餐，最多只肯咬幾口。麥皮都唔鐘意食，又唔想迫佢斷奶，所以減奶行動仍然hold住。

而家已經識唱好多歌了，首本名曲有

1) I love you，you love me，we are happy family... 

2) baa baa sheep sheep, have you any wool?

3) 中文數字歌

4) alphabet 歌

5)rain rain go away

其實仲有幾首，不過呢幾首唱得最多。雖然唱歌時咬字未清楚，不過都可以咦咦呀呀𠼱晒成首。除左唱歌，已經識由１數到１０同one 數到 ten。而且可以有簡單對答，妹妮會識回應yes or no，又會指想要的說‘this one’。

而家最鐘意偶像係Barney同Elmo，Barney就係睇ＤＶＤ認識的，而ELMO就係早前買一本芝麻術書認識的，呢兩樣節目每日都唔小得。仲以ELMO為榜樣，好似ELMO在書中做的事妹妮都想做，好似ELMO睇醫生，打出手臂比醫生打針，於是妹妮都識指住自己手臂示意打針就係呢個位...不過一去到醫生處，未入房就喊定先，入到去已經將ELMO忘記得一乾二淨，一味指住門口叫‘Go 呀，Go 呀！！’。

最鐘意揭去ELMO游水篇，問妹妮係咪想swim swim，她會答‘yes’

咦，點解好似有心事咁呀？

哦，原來見到小朋友游水！

好啦等咪me帶你去游水啦，影返幾張水著相先。yayaGigi叫妹妮叉腰，佢又真係叉住條腰擺pose。

有狗仔隊偷影我地呀！

今年已經落過兩次水，今日見好多小朋友，有Ｄ正參加緊學游水班，我們去趁熱閙

最初下巴掂到水已經猛叫no no no 呀！玩多一陣已經不自覺的可以自己浮起了！叻叻！！

仲望返上黎同爸Ｂ say hi！

呢排學校停課，playroom都關埋修埋，yayaGigi帶妹妮落樓下同Ｄ小朋友玩下

今日約埋Abby（左﹣３歲幾），Tali (右﹣２歲幾）去公園玩。三個嬌娃合照，妹妮好似最大舊咁

玩tum tum 轉

每日去樓下玩下，消耗下體力，就係妹妮最開心的節目了！