妹妮有本恐龍書,列晒大部份恐龍既名同介紹,妹妮讀到本書熟晒,咩 Triceratops, Tyrannosaurus, Stegosaurus 佢全部記得晒!雖然d名咁長,妹妮d記性好好架,仲分得清邊隻打邊隻。呢日因為考完試,本來全校放假一天,但係妹妮比老師選左去參加校內既學術比賽,仲要玩中文作文!老實講平時作句都唔叻,唔知點解會揀左佢玩作文比賽...其他同學有d被揀去玩中,英文書法,有d就可以放假。趁呢日早放學,下午同妹妮去科學館睇恐龍展!
妹妮見到咁大隻恐龍好開心呀!仲識叫得出佢個學名架。。。 Brachiosaurus (我都要上網先摷到個名,真係人老記性都無細路咁好!)
見到咁大隻恐龍妹妮好開心噃。
入場喇!平時逢星期三免費,但係呢個恐龍展都要收費呀,不過都係$30一位啫,細路仲平d $20
一入場時,有套短電影,因為環境好黑,妹妮好似有d驚,當我地要經過一道好黑既走廊行入展館,妹妮突然扯住我要走,佢話好驚呀,唔睇喇!扯住我走返去出口。但係你明明好熟識恐龍嘛,有咩好驚呢?但係妹妮真係好驚想喊咁,於是我抱起佢(係呀,咁大隻都抱得起!)話有媽me抱住唔駛驚啦,先帶得番佢入去。
一入到展覽館已見到好多恐龍模型,妹妮驚到唔係好敢望,更加唔敢行埋去。
有相為証!睇下佢個樣!!諗番起都想笑 wakakaka!!我走埋去睇d恐龍模型,其實同求先係街果兩隻一樣,不過識郁既,但係郁既範圍都係好細。妹妮猛叫我唔好行咁埋,又話隻恐龍望住我。。。原來佢以為d恐龍係真架,驚d恐龍會食左我呀!!真係好搞笑呀,點解個傻妹咁天真呢?後來我叫佢睇清楚,d恐龍郁來郁去都係同一位置,係假架!講左好耐佢先開始放心。
終於唔驚喇,笑容都無咁疆硬了!
模疑下考古,可以係投影下 試下挖泥發掘恐龍骨
跟住行入另一個展廳,見到好大隻恐龍骨呀!!
又有手動動畫,只要團下個碌,就會有恐龍走動既動畫睇喇
睇完恐龍展後,妹妮猛話個展覽好好睇!啱啱先驚到想喊,咁快又話好好睇,頂佢唔順 -_-
爸B放工黎搵我地喇!
妹妮話要睇埋香港歷吏博物館,其實呢個博物館都睇過幾次了,其他野都仍然係一樣
所以都係行個圈睇下,妹妮見到佢最鐘意既大戲服,點都要睇多幾眼
呢d咁高既神像,同係長州飄式既差唔多呀
臨走前同巨龍再影多張相,原來妹妮篤住個鼻扮緊鬼臉架!
我呢張都係做豬鼻呀!!
返到屋企,應承左考完試可以拆EE送既lego玩,急不及待呀!
妹妮好鐘意砌lego架,已經砌左幾套了。
每次都要爸b或媽me坐住係隔離陪佢砌,唔知佢幾時會開始唔想我地陪佢呢?
砌得8899喇!!成型喇!
砌好喇,呢套係旅行車,有埋BBQ爐架,架旅行車仲可以賣雪糕同pancake架,妹妮話十足'我係小忌廉'入面個crepe車咁喎!
而家儲左條lego村了,有獸醫診所,有bakery, 有餐廳同埋旅行車。呢個my friend系列差不多儲齊了!