今個星期好多嘢做,呢兩日又要返工,好似無mud倍過妹妮咁,連weekend都無得去街街。本來爸爸今日帶佢去書展,然後仲同姑媽一大班人飲茶。但潺弱爸爸嘆完一晚泠氣後就病倒,所以今日所有節目都要取消。可憐妹妮等咗成個星期先有街街去,而家都要留喺屋企。唔知係咪因為知道爸爸病咗,今日佢好chi身,只要‘好似’要放低佢,就已經作狀想喊,成日想人抱抱。不過除咗扮喊,佢終於識自己揸住個奶樽餵自己飲奶!只要將佢訓低,遞個樽比佢,妹妮就會自動自覺將奶咀放入口。聽落好簡單,但以前將佢隻手擺埋個樽佢會縮開到而家自己揸住擺入口已經係好大進步了。小朋友進步得真係快呢!anyway,今日就呆在家中渡過,下星期希望有街街去啦!
睇吓,妹妮一見到爸爸企喺床邊就即刻跁過去想抱喇