妹妮K3時D同學仔全部都好friend,有兩個女仔更加friend到話係3姊妹。於是趁開學前仲有時間約埋3姊妹一齊聚下。
約好4點係Sofia屋企個clubhouse玩,點知突然好大雨呀!
好彩約左去clubhouse唔係出街啫!而家D細路真幸福,有D咁靚咁好玩既clubhouse,我地以前細個都係落街去公園玩咋!
三姊妹聚埋即刻嘈喧巴閉無時停
但係3個又真係好friend架!玩到癲晒
三個之中,妹妮如常係最高既
碌埋地沙,好彩呢度室內乾淨D咋!
玩左一陣去餐廳食個tea先,三個爭住睇menu,其實佢地3個一齊已經好開心,做咩都已經無所謂了。
Sophia媽咪話,佢地話自己係3姊妹,妹妮係大家姐,Sophia係二家姐,Gigi係3家姐。但講講下至知按年紀Sophia先係大家姐,Gigi係二家姐,妹妮先係第三。睇黎佢地應該係按身型黎排多D!
其中Sophia因為連校車都一齊搭所以特別friend,以前係學校都已經成日攬頭攬頸架喇!
食飽又再落去playroom玩過,難得約到一齊玩,等佢地放下電啦!
睇見佢地一齊咁開心,覺得升上小一要分開真係好可惜呀,如果大家升埋同一學校就開心了。
不過而家科技發達,容易聯絡,我地好易約番出黎玩既。但係升上小學開始各有新朋友,無見好耐仲會唔會咁firend呢?
見到有度高表又係度高時間,一埋去妹妮已有121cm了!!Sophia 114cm, Gigi 109cm。好懷念妹妮仲係細細粒既時候呀!!
我地玩到成7點先散band呀,但係佢地都仲係好唔捨得,仲好想繼續玩。後來知道Sophia之後個星期要考琴試,我地話下次一齊慶祝考完琴試啦,先肯分手咋!真係好痴纏架。希望呢份友誼可以keep到大個啦!