L.A.復活節休悠遊 Day 2 －Walmart Costco local shopping

尋晚妹妮去左好朋友Audrey同Zoe屋企sleep over，聽Lydia媽媽話佢地好乖，9點半就上床瞓覺了。

星期六一早，幾個妹仔準時十點去到egg hunt，點知Lydia去到居然提早開始左？！！！！佢地幾個只有d朱古力蛋當禮物補賞咋

呢日孖住著一樣既姊妹衫添

呢朝係星期六朝，今日EE會從vegas開完會飛過來搵我地玩。於是朝早我同爸B揸車係附近兜下，去d open house參觀下。呢個星期好小open house，我地只搵到一間有開放比人入去。其實Open house 真係幾好，可以自由入去參觀，雖然都有個Salesman係度，但係我地入去時佢有客人傾緊，我地又只係純綷參觀，所以無人理我地仲好！除左去呢間open house，我帶爸B去左San Marino （LA其中一個好近我地既貴區）兜下。去到San Marino，好明顯D屋大好多，又離馬路遠好多，好多都好似丹麥曲奇果d，住係度就發達囉！聽朋友Lydia講，而家LA d屋都被大陸人搶貴了，佢地閒閒地幾百萬美金都可以比CASH。不過我地係消磨下時間，好快又一個上晝了

呢日呢間屋企廣告有個大泳池，原來個實物好細，只係水池玩下水唔係游水的

12點左右EE到了，我地出發搵返妹妮佢地一齊食晏。呢日食台灣野，果然無介紹錯，真係好正！！！鹽酥雞好香脆

台式香腸飯直情餸多過飯，好正！！！d香腸烤到好香唔係淋架

妹妮就好攰咁，原來佢尋晚醒左3次，可能唔慣去人屋企瞓呱

我地仲叫左牛肉麵呀，肉燥飯呀，呢餐好好味呀！！

黎到美國，點可以唔去貨倉？！所以Lydia一早安排呢日等埋EE就去Costco，呢度d野全部super sized，點都要搬小小返香港！其實好多家居用品都好想搬架，d野仲比過香港！不過真係太重了

去Costco之前我地就行左一陣Walmart，Mashall 呢d賣平野既shop，爸B發覺Under Amour d波襪仲平過OUTLET！！



入到Walmart見有咁多款野飲真係想買返幾樽！！



原來呢度EASTER興買禮物比小朋友架，成幾個架都一包包玩具！平既＄9.9 貴既都係十幾蚊美金有交易



係美國就係好hea，好悠閒，行下超市又一日。如果去左另一個國家我地又好似去歐洲咁日日行萬步路了

試食counter最受小朋友歡迎！

呢日等去Audrey＆Zoe既爸爸放工，我地大夥兒去食韓燒，呢個餐好正，我地5大3細啱啱好！

L.A.復活節休悠遊 Day 1 -Kids Museum

新年都未寫晒就到復活節了, 而且眨下眼都過埋, 時光真不留人! 

復活節, 我地一家出動去左L.A.玩! 其實當初只係想新年去下布吉, 但機票太貴就改Easter至去, 點知遲d去都無平, 睇睇下去美國機票仲平, 於是扑搥!  本來都想搵下有無舊年d平機票去歐洲, 不過今年貴好多, 加上咁多恐襲, 去美國好似好d

今次都係搭夜機, 我地貪夜機啱啱好夠鐘瞓易瞓d, 同埋去到又係夜晚, jetlag都仲可以再瞓

十二個鐘後到L.A.了! 妹妮都話無諗過咁快會再黎. 唔知點解今次搞左好耐, 我地攞埋車都成零晨一點了! 上次12點已經返到屋企食埋宵夜了!

今次呢架車好新呀, 只行左4千2公里咋!! 雖然無係LA長住過，但係以前屋企移民係度時都成日飛過黎，所以都當呢度半個家，而且呢度都帶比我好多一家人既回憶。 返到黎見到熟識的路，社區，商店真係好多往事湧上心頭，由其媽媽已離開我地，佢最後幾年都係呢度渡過的。。。好想念佢呀。黎到呢度都諗起好多以前一齊去過既地方同生活片段。

今次住Arcadia, 零晨時份咩都刪晒無夜店, 我地去左7-11買左小小零食, 飲品就去短企出租屋. 呢間屋有兩房，1.5廁，入到屋感覺唔錯呀, 好乾淨幾舒服。即時打返香港報平安，Burger都識聽電話, 我地叫佢就週圍望！

有兩間房, 過幾日EE來都有得住

一早起身, 妹妮去旅行都要練下小提琴因為5月考試了

   

整體間屋好舒服好cozy

第一站我地去左最近屋企既mall食早餐, 呢日約左朋友仔去Kids museum, 索性係mall等. 加州陽光真係正, 天氣好好又暖, 一流!!!




去左麵包鋪買小小野醫肚, 因好快去食晏無謂食太飽



呢條好似丹麥卷又包住腸仔, 好好味!

D蛋糕都好靚!

食完早餐行下mall, 好耐無行美國d mall, 呢個mall已經比較多野買, 我地買得最多就係童裝!!!




上次住montebello時個mall都有playground比小朋友玩, 原來呢度都有, 香港商場真係要學下. 等小朋友唔會覺得行商場係件悶事! 

第一餐去cheesecake factory食晏

小朋友見面特別高興, 無見大半年，妹妮都好掛住朋友仔Audrey同Zoe！難得相隔半個地球都可以keep到友誼, 我地趁朋友未去旅行前見多幾日啦 。舊年我地都係復活節係巴塞隆那相聚，佢地好開心呀

呢個沙律有甜甜地有d花生味, 我好鐘意呀




食飽飽出發去kids museum, 呢個地方以前未有小朋友都從來未去過

原來入面都幾多野玩同睇, 啱晒細路來hea一個下午!




除左成個好似圖書館有好多有關大自然既資料, 仲有繩網, workshop可以去玩



呢個洞係模擬蟻竇, 入面黑媽媽, 沿住路可以爬到上樓上, 但係我相信自己有敝室恐懼証, 呢d又窄又睇唔到前路既地方我諗起已經心跳加速, 真係唔敢爬入去



上返大堂, 就分左幾張唔同主題既枱, 咁啱呢張枱係有關石頭, 正正妹妮學校教緊不同種類石頭, 啱晒佢!

有個蜂巢添

另外有手工枱可自由參加整小手工




佢地就做左皇冠!



玩完室內玩室外, 出面有個Physic forest

用自己既力去拉起自己

爸b都去試, 當然越重越難拉

另外仲有不同力學既遊戲, 有d好似學是學非既實驗呢度都有

於是孚就興鬆過左第一日了，離不開食下雪糕，爸B 仲趁佢地玩時係附近跑左幾個圈添

呢晚我地去左San Gabriel附近食越南野，美國d牛肉河既湯底係好味D！！