試後Lego

上次美國之旅係walmart買左兩盒lego比妹妮，不過當然唔係無啦啦開新元具啦，對上一次考試就開左盒rapunzel 城堡，妹妮超鐘意！而且香港都唔見有得買，好特別架。今次見考完試又開多盒比佢玩啦！

呢間城堡就係rapunzel 城堡了，妹妮話最鐘意都係呢座

睇下點砌先？ 

咦，入面有埋圖畫介紹人物潻

開始投入砌lego了，我自己最enjoy就係砌lego既過程，不過妹妮反而想快快砌好來玩

今次買呢間係juice bar，有好多小生果好得意架

妹妮已經熟習晒點砌lego，而家唔駛人幫自己可以搞掂，邊睇menu邊執配件。

叫左妹妮慢慢砌，咁先好玩嘛，點知佢一日就砌晒咁滯，第二日已經埋尾了

呢間juice bar d 顏色好靚呀！！最sharp & colorful, I like! 

好靚呀，而家屋企已經有條lego 街了！

考完試了！

5月尾既星期日，呢日好好天呀！！我地一早去左食早餐，本來趁妹妮未考試好想去下海灘玩。但係因為妹妮6月中考試，爸B已開始同妹妮溫習，我地只有去食左個豐富早餐就要返入關了。

所以個早餐要好好享受下至得！

其實妹妮自己都幾緊張考試架，有次星期六臨瞓前傾學校心事，佢話考試會緊張架，因為擔心唔夠60分會升唔到班。正傻豬，有準備就唔駛驚啦！ 雖然我地好早就閉關，但係其實都係得星期日先會埋頭去溫，weekday 又要做功課，我地又返工就無咁得閒，都係測驗review一下。因為溫左幾個weekend, 反而都考試日已經無野要再溫，可以輕鬆應付考試

呢個土瓜灣既煤氣'鼓'一妹妮見到話： 媽咪，呢個係咪roller coaster黎架？ 笑死我呀，哇咔咔咔！ 不過睇落又的確有幾分似噃

閉關兩星期，上星期（6月10-13) 終於考完試了！！妹妮收到幼稚園同學仔既email，邀請佢暑假一齊出黎玩呀。我地平時好小比妹妮搞電腦架，不過有日聽到爸B講windows，妹妮爆左句： windows 我識用架！學校有教windows架。。。不過佢用既係小畫家囉，哈哈！

於是比佢自己覆email，但係因為無用開，d key 唔知係邊，每個字母都要搵好耐呀

希望快d考完試可以出黎玩呀，話咁快又一年了！ 舊年幼稚園畢業禮好似無耐前既事，不經不覺就一年了，好快妹妮就升二年班了。 

妹妮也化妝

話說姑姐買左盒蝦蟆Kitty化妝品比妹妮，妹妮已諗定出年學校costume party時要用。點知呢日星期六，yaya就拎左黎幫佢化 -____-"

嘩，救命呀！！打腫左咩？不過妹妮自己好鐘意囉 ＠＿＠

佢話係扮Frozen入面既Elsa (again!) 我話Elsa用淺藍色架！妹妮話Elsa係用淺紫色，不過佢無淺紫色就用住紫色先

爸B帶佢去學琴時仲整鬼佢，叫d管理員睇下妹妮有d咩唔同左？妹妮又怕醜就用雙手好似好晒擋太陽咁放左係額頭遮住個妝，笑死！！但去到鋼琴老師處，佢又好大方比人睇，不過老師都笑佢貪靚！

某個星期六，爸B帶完妹妮上小提琴課後去左香港藝術館睇展覽呀

今次展覽個主題又幾得意噃 －－>刻畫人間 — 朱銘雕塑大展  是國際知名華人藝術家朱銘首次於香港藝術館舉辦的大型個展。是次展覽展出的《人間系列》是他最重要的作品系列之一，當中人物造型取材於日常生活、人們的家庭、工作崗位等範疇，以不同物料雕刻出塵世的種種面貌。展覽以120套木、陶、石、銅、不鏽鋼等不同物料的雕塑，呈現《人間系列》30年來的演變，展現朱銘對當下生活的觀察以及反思。因為我無份去，所以癈話小講，去相吧！

夏日妝物

真係好耐無買化妝品了，自從植睫毛後個人更懶，平時都係塗下粉底同唇膏就算。最近連粉餅都用完，於是去補下貨。一直都覺得Jill Stuart d 包裝好靚，以前都有用過唇膏，面油紙同眼影，其實d眼影都好閃好靚，不過而家已經唔駛化眼妝。呢日經過就試下夏天用既乾粉，同埋CC cream。支CC cream揸左之後其實塊臉都已經好似揸左粉咁，又唔泣，算唔錯！

呢個粉盒想買好耐了！今次終於的起心肝，我揀左呢隻控油粉底，雖然係乾粉，但揸上面又唔會好'粉'樣咁，勉強夠遮到臉上色班，其實比之前用過Cle de peau 都唔覺得差好多！就用完先再決定重唔重投CDP懷抱啦

某日，Bobbi Brown有人打電話黎叫我去上單對單化妝班，仲要係即日下午！我話咁急架？電話褢既人話係office抽纖抽中架，而且唔駛先付費再redeem產品，於是即日下午做完野就去左了。

呢次教'清新夏日妝容'，其實去之前都預左會買小小野架喇，首先打左底再上眼妝。雖然唔係揸左好多野，但係化左明顯靚過唔化好多！！於是又敗左小小，决定要化下妝。

左起係lip crayon，平時多數用珊瑚色，呢隻紅紅地又幾靚！

淺灰眉gel

 膚色眼蓋膏用作打底

淡粉紅色閃閃眼影

高清透滑粉底筆（防水、防汗、控油、持久貼服而不脫色，25秒完妝）

遮瑕膏

呢隻淡粉紅眼影叫ballet pink, 個名已經好靚，揸起好閃架！

好小用咁紅既唇色，不過呢排'千頌伊'熱，興紅色咀，就試下啦！

登登登戥！成個妝就係咁喇，其實比平時無化妝真係醒神好多架！於是同化妝師講： 希望d產品會用多過2日啦！最後我成個星期都有用，而同事都讚隻眼影夠閃，唇色夠sharp呀！

買比自己之餘都無唔記得妹妮架，夏天三寶走唔甩！諗起幫妹妮報左d summer camp要外出outing，又無得跟去，肯定佢唔會識補防晒，戴帽又焗住個頭，太陽帽應該ok喇呱？！好似戴住頭箍咁，加上係Frozen 圖案，睇怕佢會戴住唔除吧！