不經不覺又到暑假了，妹妮亦不經不覺返了半年nursery班。仲記得１月４日星期一開學，我就轉新位，好似一齊迎新挑戰一樣。
第一次自己搭校車返學，頭幾個星期要yayaGigi陪上堂，返左成兩個星期焗住要自己返學先叫做可以適應到，唔駛人陪。我記得開頭我地陪堂一走開妹妮就喊晒叫I want mami或I want yaya架。後來自己返學，頭幾日問佢how's school？都係答cry。過左兩三日開始答happy！時真係聽到都開心呀！後來仲識話我地知ka wai hit me啦，又話自己今日食左咩水果，餅乾等，後期仲識話teacher edna talks too much，真係聽到都覺得好想笑，幻想佢係學校入面係點
學期尾了，學校好有心思呀，有個profile比番我地。仲要係妹妮有份做架！！！見到 Ｄ相感受番呢半年返學仔，雖然話nursery係返去玩，但睇下Ｄ相，原來真係有野學架。
close up 睇下，妹妮製作緊呢個相框呀，你睇佢黏緊邊邊Ｄ圖形呀
嘩，原來有呢Ｄfree painting，一定係妹妮最鐘意個part，因為佢係屋企都好鐘意坐定定畫野架。
哎，睇到呢張相就有Ｄ內疚，無睇清楚手冊，搞到costume day人人都著晒新年衫，得妹妮一個無著。
噢，記得呢次旅行係去大埔公園架，好似係３月份時去的。我仲記得個日熱到我件短袖tee都濕晒咁滯。睇番妹妮嗰陣時個樣仲好細個呀。可能啱啱剪左頭髪，個樣細個Ｄ呀，仲有Ｄ大ＢＢfeel，而家Ｄ頭髪長番就大個女Ｄ。
體育堂，妹妮學掟野呀。哈哈我記得佢係屋企掟波波成日都係向後掟架！！而家的確識向前掟噃。同埋呢張相睇到妹妮最鐘意既‘colorful shoes’，係佢指定返學要著既鞋仔黎架。下學期返Ｋ１間學校就formalＤ了，要著黑鞋仔，唔係好似而家咁任你著架，希望揀到對靚靚黑鞋可以另妹妮想著啦！因為佢真係好奄尖架，唔肯著就扭晒計喊晒都唔肯著架。
唔睇張相都唔知妹妮識用鉸剪呀！因為係屋企我唔比佢掂架，原來佢已經識剪野架喇。
上次我都有去既玩水日呀，玩到濕水鷄一樣呀！
個profile入面仲有呢半年黎妹妮做既勞作同手工呀，睇完真係好渦心架，同埋帶比我地好多回憶。覺得妹妮真係大個女呀，識做到咁多野出黎，好叻呀，好感動呀！！
６月３０日last day of school，學校搞左個party，我地每人要自備一種食物，仲可以著自己既party dress。妹妮見我又係著條裙，話自己same as mami's dress。哈哈，同佢合照，又縮頸縮膊，真難頂！最搞笑係放學時問佢teacher Edna有無讚你靚呀？佢話yes，咁teacher Michelle有無讚你靚呀？佢居然識話 she don't care！
吓？？咁其他人同埋同學仔有無讚你靚呀？通通都係no。即係得teacher Edna一個讚佢靚咋。
吓？？咁其他人同埋同學仔有無讚你靚呀？通通都係no。即係得teacher Edna一個讚佢靚咋。今日係最後一次見auntie Cherry了，auntie Cherry都幾鍚妹妮架。但係我地報左暑期班已經改由另一間巴士公司接截了。auntie Cherry臨走仲叮囑我地如果開生日party要記住請埋佢呀！妹妮由初初要有人陪上車到可以自己搭車，到今日佢可以自己行埋個位擒埋上去再同我地揮手。。。雖然只係半年，但時間真係過得太快太快喇。
總括來講呢間學校都唔錯既，不過學校真係嗱脷左Ｄ。希望妹妮去Ｋ１新學校都會返得咁開心同埋學到更多野啦！！
