又食又拎

天使之謎

今日經過美心，想起爸Ｂ有日睇過廣告後講過最近翻hit的天使蛋糕，便買個返屋企一齊食。趕在妹妮落街玩前返屋企一齊食tea，一返到屋企，妹妮本來在房間同yayaGigi睇故事書，但聽到我的鎖匙聲就即刻邊叫‘咪me’邊飛奔出來hug我。yayaGigi話佢快到捉都捉唔住，即時覺得幾趕都值得！

咪me半年前同事生日已試過，不過已忘記它的味道了。今次呢盒焦糖碎碎等妹妮玩下啦，就好似平時去art play班時玩的一樣，將濕濕碎碎四圍沈。

沈沈下仲塞埋入自己口仔偷食。

個蛋糕好鬆好軟，Ｄ脆脆係個蛋糕的靈魂，妹妮食到成嘴都係cream。

＊＊＊＊＊＊＊

第一件功課

上星期art play班有功課派了，係個circus，有吊住的獅子，馬騮等。當然大部份都係爸Ｂ同咪me做啦，尢其係痴膠水的，妹妮怕膠水痴手，好小落手掂，做得最多係填色咋。

不過都唔敢比妹妮玩，否則好快就會被撕掉。

＊＊＊＊＊＊＊

星期日閑hea

星期日同爸Ｂ一齊去超市入貨，今次第一次比妹妮坐超市車，佢都好似幾鐘意，最重要係我們雙手可以鬆一下！

再去睇car show，仲同好多咪me的朋友，哥哥，姐姐玩！

有carshow即係咪me要博殺啦，下晝一衆姑姐／叔伯帶埋表弟來玩，個蛋糕爸Ｂ話係慶祝表弟３個月大同妹妮１７個月大而設喎。呢張相影得妹妮好大個女，唔係因為個樣而係你睇妹妮隻手仔會搭在表弟肩膊上，成個姐姐一樣！

趁妹妮又做downward facing dog，我即刻鼠去影佢個樣，點知一見鏡頭就即刻起身...因為想睇相機入面的自己囉。

咪ＭＥ＠work

呢幾個星期公司上下都忙於籌備呢架新車，３月１７日妹妮１Ｙ５Ｍ那日便被老闆‘的’埋去一齊出席傳媒的launch party。以往我們有新款到都會大搞party興祝，不過今年金融海嘯所以都係慳返Ｄ，架cabrio就係咁靜悄悄面世了。

我們做接待的當然有公司衫著，呢件Ｔ幾靚，平時都可以著返。

去到le meridien酒店，天氣好好，開縫啱晒！影完呢張相發覺有廋臉的必要啊。

我通常都寓工作於娛樂，咁就無覺得辛苦嘞。趁賓客未到我同William， John博命影相。希望記者會完快Ｄ有buffet食！

等客到。

先影為快！

當記者會開始，我們做‘旁觀者’的都係周圍影下相，陽光普照下心情都靚Ｄ。

睇過發佈，當然係埋身了解下啦。之後我們便有豐富的buffet食...對我這些懶人來說是全日的節目重點，如果今日唔係要來我便同妹妮去了Ｗ跟Pauline姑姐食buffet了。

之後記者朋友搵到靚景影相，幅草牆好靚呀。原來係霍氏大宅呀！

十日後（上星期五３月２７日）終於正式面世了。妹妮都有捧場呀！

妹妮話...

妹妮話：

平晚時閒在家除飲奶外我最鐘意朝早趁爸Ｂ咪me未返工去爸Ｂ房睇一陣see V了解下新聞，之後再等睇特別為ＢＢ而設的baby first。其實都只係睇半個鐘電視，到傍晚６點先再有得睇國歌了。

我大個女了，睇baby first已經可以好專心，仲可以學電視人物做動作了！例如跟住人物玩pee-ka-poo啦，我雙手仔又一齊冚眼。

除左睇下書，聽yaya講故仔，最近鐘意攞返隻ＢＢ公仔來玩。

將ＢＢ夾在頸，好似彈小提琴咁就啱喇！

而家學下yoga囉，當鍛鍊下身體，你睇我呢個downward facing dog姿勢做得似模似樣架！

除了自己日常活動，每日都會發生的就是被咪me捉住影相，有時都幾無奈架睇我個樣就知啦！

開心星期天

連續幾個星期咪me都要返星期六，日無得同妹妮去街街真係令我無心機。我好鐘意同妹妮去街街架，朋友話我好似擋帶公仔去街玩一樣，將妹妮扮到得得意意帶出街。雖然又的確幾似，不過妹妮係個會互動的大公仔

上星期日同妹妮食過早餐，我就返工了。

07年１２月，當時想帶僅兩個多月的妹妮去海運影燈飾，之後去茶餐廳食晏

之後爸Ｂ單挑帶妹妮去公園玩，妹妮去親呢個公園都會玩得盡興。

玩飽後返到屋企覺覺豬，細路仔真幸福！

＊＊＊＊＊＊＊

星期一有時間便帶妹妮打第二支流感針，而家除禁𨋢外仲鐘意照鏡，又同鏡入面的自己講bye bye。

去診所途中，妹妮都未認得呢條係去診所的路，仲好開心有街街去。

等候期間都好安靜，不過一入到醫生房就skip了扁咀即喊。當時跟本連醫生個樣都未見到，因為醫生正別過頭吩咐姑娘開藥...醫生轉返個頭來已經聲涙俱下。

跟住去找公公飲茶，公公好小出城，所以我們今次去馬鞍山。

爸Ｂ放工又係play time，妹妮仍未放棄上星期的波波，一齊碌來碌去。